Yeremiya 13:13 - Xitsonga (Bibele)

¹³ Loko swi ri tano, u nge eka vona: ‘Yehovha u ri: Vonani, vaaki hinkwavo va tiko leri, ni tihosi leti tshameke exiluvelweni xa Davhida, ni vaprista ni vaprofeta, ni vaaki hinkwavo va Yerusalema, ndzi ta va tata hi leswi pyopyisaka.

BIBELE Mahungu Lamanene

¹³ Kutani wena u ta va byela leswaku mina HOSI ndzi ri: ‘Yingisani, ndzi ta pyopyisa vanhu hinkwavo lava akeke etikweni leri, ti nga tihosi leti tshamaka exiluvelweni xa Davhida, ni vaprista, ni vaprofeta, ni vaaki hinkwavo va Yerusalema.

Yeremiya 13:13 Referans Kwoze

Esaya 63:6

Ndzi pyanyaterile matiko evukarini bya mina, ndzi va pyopyisile eku kariheni ka mina, ndzi halatile ngati ya vona emisaveni.”

Esaya 51:17

Pfuka, pfuka, Yerusalema, la nweke evokweni ra Yehovha ndzheko wa vukari bya yena, la nweke, a va a heta ndzheko wa ku pyopyisa!

Pisalema 75:8

Hikuva ku ni ndzheko evokweni ra Yehovha, Lowu ku vilaka eka wona, vhinyo leyi teleke leswi pfanganyetiweke. Kutani yena wa chela ha wona; kunene lavo biha hinkwavo va misava, Va ta tswontswa, va nwa, va ko va heta.

Pisalema 60:3

U kombisile tiko ra wena swilo leswo nonon'hwa; U hi nwise vhinyo leyi pyopyisaka.

Habakuku 2:16

U tixurhise tingana ematshan'weni ya ku kwetsima; n'wana u ri wena, u ta kombisa vukhuna bya wena. Xi ta tlhelela eka wena, xinwelo lexi nga evokweni ra xinene ra Yehovha, kutani mahlanta ya tingana ma ta va kona ehenhla ka ku kwetsima ka wena.

Yeremiya 51:7

Babilona a wu ri ndzheko wa nsuku evokweni ra Yehovha, lowu phyophyisaka matiko hinkwawo; matiko ma tshama ma nwa vhinyo ya yena; hikwalaho matiko ma ve ni rihuhu.

Yeremiya 25:27

“U ta va byela, u ku: ‘Ku vula Yehovha wa mavandla, Xikwembu xa Israele: Nwanani, mi pyopyiwa, mi hlanta, mi wa, mi nga ha pfuki emahlweni ka fumu leri ndzi ri rhumelaka exikarhi ka n'wina.’

Esaya 49:26

Ndzi ta dyisa vaxanisi va wena nyama ya vona, va ta pyopyiwa hi ngati ya vona, yi va tanihi vhinyo leyintshwa, kutani nyama hinkwayo yi ta tiva leswaku mina Yehovha, ndzi Muponisi wa wena, ni leswaku Mukutsuri wa wena hi Lowa matimba wa Yakobo.”

Yeremiya 51:57

Ndzi pyopyisa tihosana ta yena, ni tintlhari ta yena, ni tindhuna ta yena, ni vafumi va yena, ni tinhenha ta yena; va ta etlela vurhongo lebyi nga heriki, kutani va nga ha ti tshama va pfuka, ku vula Hosi; Yehovha wa tinyimpi, i vito ra yena.

Esaya 51:21

Hikwalaho-ke, twana timhaka teti, wena xisiwana, wena la pyopyiweke, kambe ku nga ri hi vhinyo,

Esaya 29:9

Yimani, mi hlamala! Tisiveni mahlo, mi swinya! Va pyopyiwile, ku nga ri hi vhinyo; va tsekatseka, ku nga ri hi ku hlula hi byalwa.

Yeremiya 13:12

“ ‘U engeta u va byela mhaka leyi: Ku vula Yehovha, Xikwembu xa Israele, a ku: “Mbita yin'wana ni yin'wana yi ta cheriwa vhinyo, yi tala.” ’ Kutani va ta ku eka wena: ‘Xana na hina a hi swi tivi leswaku mbita yin'wana ni yin'wana yi ta cheriwa vhinyo xana?’

Yeremiya 25:29

Hikuva, vonani, muti lowu vitiwaka hi vito ra mina, ndzi ta sungula ha wona ku humesa swo biha; kutani n'wina mi ri mi ta tsetseleriwa ku biwa xana? “ ‘Mi nga ka mi nga tsetseleriwi, hikuva mina ndzi ta rhambela vaaki hinkwavo va misava fumu, ku vula Yehovha wa mavandla.’