Yeremiya 12:4 - Xitsonga (Bibele)

⁴ Misava yi ta rila ku ri kungani xana, ni byanyi bya masimu hinkwawo byi ta oma ku yisa kwihi xana? Hikwalaho ka ku biha ka vaaki va rona, swiharhi ni tinyanyana swi herile, hikuva va ri: “A nga ka a nga voni ku hela ka hina.”

BIBELE Mahungu Lamanene

⁴ Xana tiko ri ta fa hi dyandza ku fikela rini, hinkwaswo leswi milaka emasin'wini, swi ta wisa rini ku tshwa hi dyambu ke? Vubihi bya vaaki va tiko, hi byona byi ri dlayisaka, byi herisa swifuwo ni tinyanyana, hikuva va ri: “Yeremiya a nge hi tluli hi malembe ya yena ya ku hanya!”

Yeremiya 12:4 Referans Kwoze

Yeremiya 9:10

Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.

Yeremiya 4:25

Ndzi languta, kutani maswivo, a ka ha ri na munhu kona. Kambe tinyanyana hinkwato ta tilo ti balekile.

Pisalema 107:34

Misava yo nona yi hundzuriwe misava ya munyu Hikwalaho ka ku biha ka vaaki va kona.

Varhoma 8:22

Hikuva ha swi tiva leswaku leswi vumbiweke hinkwaswo swi ni ku hefemuteka swin'we, onge swi le khombyeni ra ku veleka, ka ha ri mpfhuka, ku fika sweswi.

Hosiya 4:3

Hikwalaho tiko ri ni swirilo, ni vanhu lava akeke eka rona va tsanile, kun'we ni swiharhi swa tiko ni tinyanyana ta matilo, swi tsandza ni tinhlampfi ta lwandle, ta lova.

Yeremiya 23:10

Hikuva misava yi tele vaoswi; misava ya rila hi mirhukano, vudyelo bya mananga byi tshwile; ku famba ka vona ku bihile, ni mandla ya vona a ma lulamanga.

Yeremiya 7:20

Hikwalaho, ku vula Hosi Yehovha: Langutani, vukari bya mina ni ku holova ka mina ku ta halatiwa endhawini leyi ehenhla ka vanhu, ni tihomu, ni mirhi ya tiko, ni mihandzu ya misava; kambe ka ha ta hisa, ku nga ka ku nga timiwi.”

Habakuku 3:17

Hikuva nkuwa wu nga ka wu nga baleki, ni vhinya yi nga ka yi nga veki nchumu; mihandzu ya mutlhwari a yi nga ha vi kona, masimu ma nga ka ma nga humesi swakudya; tinyimpfu ti ta pfumaleka ematshangeni, a ku nga ha vi na tihomu eswitaleni.

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Yeremiya 14:2

“Yuda wa rila; tihuvo ta yena ti hele matimba, ti tshame hansi; va khomiwe hi tingana, kutani ku huwelela ka Yerusalema, ku tlhandlukile ehenhla.

Yeremiya 5:13

Loko va ri vaprofeta, i moya ntsena, kutani a ku na loyi a vulavuleke ha vona; a ku endlisiwe sweswo eka vona!”

Yeremiya 4:28

Hikwalaho tiko ri ta rila, ni matilo lama nge henhlahenhla ma ta hundzuka ntima, hikuva ndzi vula leswi ndzi swi anakanyeke, ndzi nga ka ndzi nga tshiki, ndzi nga ka ndzi nga hundzuki eka swona.”

Pisalema 50:21

Hi lexi u xi endleke, kutani mina ndzi miyerile. U ringanise leswaku a ndzi fana na wena. Kambe ndzi ta ku laya sweswi, ndzi ta humesa hinkwaswo emahlweni ka wena.

Yeremiya 12:11

Va yi onhile; yi rila emahlweni ka mina hikwalaho ka ku onha; tiko hinkwaro ri onhakile, hikuva a ku na munhu la ri anakanyaka embilwini ya yena.

Yuwele 1:18

A hi ku cema ka swifuwo! Mitlhambi ya tihomu a yi tivi laha yi yaka yona, hikuva a ka ha ri na madyelo, swi tsandza ni mitlhambi ya swifuwana swi le ku vavisekeni!

Amosi 1:2

A ku: “Yehovha u ta dzumadzuma le Siyoni, a tlakusa rito ra yena a ri Yerusalema, madyelo ya varisi ma ta va ni tingana, ni nhlohlorhi ya Karmele yi ta oma.”

Zakariya 1:12

Kutani ntsumi ya Yehovha yi ahlamisa nomu wa yona, yi ku: ‘Yehovha wa tinyimpi! U ta tshika ku ri kungani ku tsetselela Yerusalema, ni miti ya Yuda leyi u nga yi karihela hi malembe lawa ya ntlhanu wa makume ni makume mambirhi xana?’

Esaya 24:4

Tiko ri le nkosini ni le nhlomulweni; misava yi tsanile, yi ni gome, vakulu va tiko va pfumala matimba.

Esaya 24:6

Hikwalaho ku rhuketeriwa ku dye tiko, vaaki va rona va biwile; hikwalaho vaaki va tiko va lovisiwaka, lava seleke a hi vangani.

Yeremiya 9:9

Xana ndzi nga tshikisa ku yini ku tshinya swilo leswo tano xana,” ku vula Yehovha? “Kumbe moya wa mina wu nga tshikisa ku yini ku tirihisela eka tiko lero tano xana?”