Yeremiya 12:3 - Xitsonga (Bibele)

³ Kambe wena Yehovha, wa ndzi tiva, wa ndzi vona, kutani u ringa mbilu ya mina leswaku yi ri yini eka wena! Wa nga va koka tanihi tinyimpfu eku tlhaviweni kutani, u va hlawulela siku ra ku dlawa!

BIBELE Mahungu Lamanene

³ We HOSI, wa ndzi tiva, u ndzi kambile, wa swi vona leswaku ndzi anakanya wena ntsena. Lavo homboloka lava, va kokele etlhelo ku fana ni tinyimpfu leti yisiwaka eku tlhaviweni, u va hlawulela siku ra ku dlawa.

Yeremiya 12:3 Referans Kwoze

Yeremiya 17:18

Lava ndzi xanisaka a va khomisiwe tingana, kambe mina ndzi nga tshuki ndzi khomisiwa tingana; a va rhurhumele, kambe mina ndzi nga tshuki ndzi rhurhumela. A va humeseriwe siku ra khombo, kutani u va kandziyela hi ku va kandziyela kambirhi.

2 TIHOSI 20:3

“Oho! Yehovha, wa nga anakanya leswaku ndzi fambile emahlweni ka wena hi ku lulama, ni mbilu leyi tengeke, ndzi endlile leswinene emahlweni ka wena.” Kutani Hezekiya a rila ngopfu.

Yakobo 5:5

Mi tihanyele hi ku titsakela ni ku tlanga la emisaveni, mi korwisile timbilu ta n'wina kukotisa loko swa nge hi siku ra xitlhavelo.

Pisalema 17:3

U kambile mbilu ya mina, u yi lavisise nivusiku; U ndzi ringile, kambe a ku kumanga nchumu: Ku anakanya ka mina a ku tluli rito ra mina.

Yeremiya 50:27

Tlhavani tinkunzi hinkwato ta vona ti xikiseleni eku dlaweni. Ku ni khombo vona hikuva ku tile siku ra vona, nkarhi wo holoveriwa ka vona.

Pisalema 139:23

Xikwembu, ndzi kambe, u tiva mbilu yanga! Ndzi ringe, u tiva ku anakanya ka mina!

Pisalema 26:1

Yehovha, ndzi avanyisele, hikuva ndzi hanya hi ku lulama ka mina. Ndzi tshembile Yehovha, ndzi nga ka ndzi nga tsekatseki.

Yohane 21:17

A tlhela a ku eka yena ra vunharhu: “Simoni, n'wana Yona, xana wa ndzi rhandza xana?” Petro a va ni tingana hikuva a a n'wi vutisa ra vunharhu, a ku: “Wa ndzi rhandza xana?” Kutani a ku eka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku eka yena: “Risa tinyimpfu ta mina.

Yeremiya 51:4

Lava tlhaveriweke ku fa a va wele etikweni ra Kalediya, ni lava tlhaviweke emitsendzeleni ya yena.

Yeremiya 48:15

Mowabu u onhakile, miti ya yena yi tlhandluka wu ri musi; lavantshwa, lava hlawuriweke va yena va xikela eku dlayiweni, ku vula loyi vito ra yena a nga Yehovha wa tinyimpi.

Yeremiya 20:12

Yehovha wa tinyimpi u ringa la lulameke, u languta swisuti ni timbilu; ndzi ta vona ku tirihisela ka wena eka vona, hikuva ndzi ku tivisile timhaka ta mina.

Pisalema 11:5

Yehovha u kamba la lulameke; Moya wa yena wu venga lowo homboloka ni la rhandzaka ku pfukela matimba.

Pisalema 7:9

Herisa lunya ra lavo homboloka, Kambe u tiyisa la lulameke, Wena la kambaka timbilu ni swisuti, oho Xikwembu xo lulama!

Ntirho 23:10

Kasi xi tiva tindlela ta mina; Ni loko xi nga ndzi ringa, a ndzi ta huma ndzi basile kukota nsuku.

1 TIKRONIKA 29:17

Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

2 Petro 2:12

Kambe valavo, kukotisa swiharhi leswi pfumalaka ku twisisa, leswi nga tswariwa hi mukhuva wa misava ku ta khomiwa ni ku lova; va sandza leswi va nga swi tiviki, kutani va ta lova eku onhakeni ka vona, kambe va ta amukela hakelo ya ku homboloka ka vona;

Yeremiya 15:15

Kambe wena Yehovha, u tiva hinkwaswo, u ri karhi u ndzi anakanya, u ndzi hitekela, kambe u ndzi rihisela eka lava ndzi xanisaka. Eku yingiseleni lokukulu ka wena, u nga tshuki u ndzi susa, wanga anakanya leswaku ndzi sandziwa hikwalaho ka wena.

Yeremiya 17:16

Kutani mina a ndzi alangi ku va murisi la ku landzaka hi le ndzhaku; kambe a ndzi navelanga siku ra khombo; wena wa swi tiva; leswi humeke enon'wini wa mina swi le mahlweni ka wena.