Yeremiya 12:16 - Xitsonga (Bibele)

¹⁶ Kambe kungakuloko va dyondza swinene milawu ya tiko ra mina, leswaku va ta hlambanya hi vito ra mina, va ku: ‘Ha Yehovha la hanyaka,’ hi laha va dyondziseke tiko ra mina ku hlambanya ha Baali, ndzi ta va akisa xiharhi ka tiko ra mina.

BIBELE Mahungu Lamanene

¹⁶ Vamatiko lava, khale va dyondzisile vanhu va mina ku hlambanya hi vito ra Baali. Kambe loko va nga dyondza ku khongela ku fana ni Vaisraele, ni loko va nga hlambanya hi vito ra mina va ku: ‘HOSI i Xikwembu lexi hanyaka!’ va ta kuma ku tshamiseka exikarhi ka vanhu va mina.

Yeremiya 12:16 Referans Kwoze

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

Sofoniya 1:5

ni lava khinsamelaka huvo ya tilo va ri ehenhla ka tindlu; ni lava khinsamaka, va hlambanya ha Yehovha, ni lava hlambanyaka ha Milikomo;

Yoxuwa 23:7

mi nga hlangani na matiko lama saleke exikarhi ka n'wina; mi nga tshuki mi vula mavito ya swikwembu swa vona, kambe mi nga hlambanyi ha swona, mi nga tshuki mi swi tirhela ni ku khinsama emahlweni ka swona;

Zakariya 2:11

Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

Yeremiya 5:2

Ni loko va ku: ‘Yehovha wa hanya!’ Va hlambanya hi vunwa.”

Yeremiya 3:17

Emikarhini yoleyo va ta vula leswaku Yerusalema, i xiluvelo xa Yehovha; matiko hinkwawo ma ta hlengeletana eYerusalema, hi vito ra Yehovha, kutani a va nga ha rhambi hi ku nonon'hwa ka timbilu ta vona.

Esaya 65:16

“Mani na mani la nga ta rhandza ku katekisiwa etikweni, u ta rhandza ku katekisiwa hi Xikwembu xa ntiyiso, kutani un'wana na un'wana la nga ta hlambanya, u ta hlambanya hi Xikwembu xa ntiyiso; hikuva nhlomulo wo sungula wu ta rivariwa, wu ta va wu hundzile emahlweni ka mina.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Esaya 45:23

Ndzi hlambanya ha mina; swo lulama swi humile enon'wini wa mina, ri ri rito leri nga taka ri nga kanetiwi, leswaku tsolo rin'wana ni rin'wana ri ta ndzi korhamela, ni leswaku ririmi rin'wana ni rin'wana ri ta hlambanya ha mina.

1 Vakorinto 3:9

Hikuva hi vatirhikulobye ni Xikwembu; kutani n'wina mi nsimu ya Xikwembu, mi yindlu ya Xikwembu.

Varhoma 14:11

Hikuva ku tsariwile leswaku: “Hi wena la hanyaka; ku vula Hosi; matsolo hinkwawo ma ta khinsama emahlweni ka wena, ni tindzimi hinkwato ti ta dzunisa Xikwembu.”

Risimu ra Tinsimu 1:8

Loko u nga swi tivi, wena la sasekeke exikarhi ka vavasati, Famba u landzelela mitila ya mitlhambi, U risa swimbutana swa wena emahlweni ka mitsonga ya varisi.

Varhoma 11:17

Kambe loko marhavi man'wana ma phatluriwile, kutani wena, mutlhwari wa nhova, u tlhomiwile eka wona, kutani u hlanganisiwile ni rimitsu, u phameriwa mafurha ya mutlhwari wa le kaya,

Rhuti 3:13

Tilate kona vusiku lebyi, byi ko byi xa, kutani nimixo, loko munhu loyi a rhandza ku dya ndzhaka, hi swona, a nga dya. Kambe loko a nga rhandzi ku dya ndzhaka, ndzi ta dya, Yehovha wa hanya! Tshama la byi ko byi xa!”

Esaya 42:6

“Mina Yehovha, ndzi ku vitanele vutomi, ndzi ta ku khoma hi voko, ndzi ku hlayisa, ndzi ku veka leswaku u endla xinakulobye ni tiko, hileswaku u ta va ku vonakala ka matiko,

Yeremiya 5:7

“Ndzi nga ku tsetselelerisa ku yini? Kasi vana va wena va ndzi tshikile, kutani va hlambanya hi lexi nga riki Xikwembu, ndzi amukerile ku hlambanya ka vona, kambe va ha ri karhi va oswana; va hlengeletana va ri lavanyingi endlwini ya muoswi.

Yeremiya 6:16

Yehovha u vula a ku: “Yimani etindleleni mi languta kutani mi vutisa tindlela ta khale; vutisani mi ku: ‘Ndlela leyo saseka hi yihi-ke?’ Kutani mi famba ha yona, mi ta kumela mimoya ya n'wina ku wisa. Kambe va hlamula, va ku: ‘Hi nga ka hi nga fambi kona.’

Yeremiya 16:19

Oho Yehovha, matimba ya mina, ni khokholo ra mina, ni xichavelo xa mina hi siku ra mahlomulo! Matiko ma ta ta eka wena, ma huma emakumu ka misava, kutani ma ta ku: “Kunene, vatata wa hina va fuwile vunwa ni vuhava lebyi nga riki na ku pfuna nchumu.

Yeremiya 18:8

loko tiko leri ndzi ri tshinyeke ri hundzuka eku biheni ka rona, na mina ndzi tlhela eku kariheni kuloku ingi ndzi anakanyile ku va endlela hakona.

Zakariya 1:6

Hambiswiritano, marito ya mina ni ku lerisa ka mina leswi ndzi leriseke vaprofeta, malandza ya mina, xana a swi fikelanga vatata wa n'wina? Va hundzuka, va ku: Hilaha Yehovha wa tinyimpi a tsundzukeke ku hi endla hakona, hikwalaho ka ku famba ka hina ni mitirho ya hina, kunene u hi endlile sweswo.”

Esaya 2:3

Matiko layo tala ma ta ta kona, ma ku: “Tanani, hi ta tlhandlukela entshaveni ya Yehovha, endlwini ya Xikwembu xa Yakobo; xi ta hi dyondzisa tindlela ta xona kutani hi ta famba emitileni ya xona.” Hikuva nawu wu ta huma eSiyoni, ni rito ra Yehovha ri ta huma eYerusalema.