Yeremiya 12:12 - Xitsonga (Bibele)

¹² Vaonhi va karhi va fika eswitsungeni hinkwaswo swa mananga, hikuva fumu ra Yehovha ri lovisa ku suka eku heteleleni hitlhelo rin'wana ra tiko, ku ya fika emakumu man'wana; a ku na nyama ni yin'we leyi nga ni ku rhula.

BIBELE Mahungu Lamanene

¹² Vahlaseri va tile hi le switsungeni leswi omeke swa le mananga, va rhumiwa hi HOSI Xikwembu ku herisa vanhu va xona hi matlhari, ematlhelweni hinkwawo ya tiko, ku ri hava na un'we loyi a ponaka.

Yeremiya 12:12 Referans Kwoze

Amosi 9:4

Ni loko va ya evukhumbini, va byisiwa hi valala va vona, na kona, ndzi ta lerisa fumu leswaku ri va dlaya; ndzi ta va honokela hi mahlo ku va endla swo biha ku nga ri ku va endla swinene.”

Yeremiya 47:6

Yo! Banga ra Yehovha! U ta wisa rini? Tlhelela enkotlotweni wa wena, u wisa u yimile!

Ezekiele 14:17

“Ni loko ngi ndzi tisa fumu ehenhla ka tiko, ndzi ku: Fumu ri ta tsemakanya etikweni ku lovisa vanhu swin'we ni swifuwo,

Esaya 34:6

Fumu ra Yehovha ri tele ngati, ri omelele mafurha, ni ngati ya swinyimpfana ni ya swiphongo, ni mafurha ya mipambana ya tinyimpfu; hikuva Yehovha u ni xitlhavelo eBosira, ni xitlhavelo lexikulu etikweni ra Edomu.

Nhlavutelo 6:4

Kutani ku huma hanci yin'wana ya ribungu, loyi a yi khandziyeke a nyikiwe matimba ya ku herisa ku rhula emisaveni, ni ku endla leswaku vanhu va dlayana; a nyikiwa ni tlhari lerikulu.

Sofoniya 2:12

Na n'wina Vakuxi, mi ta va lava dlayiweke hi fumu ra mina!

Ezekiele 5:2

U ta hisa ku avanyisa ka vunharhu hi ndzilo exikarhi ka muti, loko masiku ya ku hlaseriwa ka muti ma ta va ma herile; u vuya u teka ku avanyisa ka vunharhu kun'wana, u ku tsemelela hi rikari ematlhelweni ya muti, kutani ku avanyisa ka vunharhu loku seleke, u ta ku cukumeta ku hahisiwa hi moya; kutani ndzi ta swi hlongorisa hi tlhari.

Yeremiya 48:2

Ku kwetsima ka Mowabu a ka ha ri kona. Le Hexiboni, va anakanya swo biha hikwalaho ka yena, va ri: ‘Tanani hi n'wi herisa, a nga ha ti tshama a va tiko.’ Na wena, Mademeni, u ta dlawa; fumu ri ta ku fambela endzhaku.

Yeremiya 34:17

“Hikwalaho, ku vula Yehovha, a ku: N'wina a mi ndzi yingisanga ku vula mfanelo ya un'wana ni un'wana ku tshunxa makwavo ni xaka ra yena, vonani, mina ndza mi byela mfanelo, ku vula Yehovha: Ndzi tshunxa fumu, ni ntungu, ni ndlala; ndzi mi nyiketa ku xanisiwa eku fumeni hinkwako ka misava.

Yeremiya 15:2

Kambe, kutakuloko va ku eka wena: ‘Xana hi ta ya kwihi?’ U va hlamula, u ku: ‘Yehovha u vula a ku: Lava lulameriwaka hi rifu a va ye eku feni, lava lulameriwaka hi tlhari, etlharini; lava lulameriwaka hi ndlala, endlaleni; ni lava lulameriwaka hi vukhumbi, evukhumbini.’

Yeremiya 3:2

“Tlakusa mahlo ya wena eswitsungeni, u languta; xana hi kwihi laha u nga etleriwangiki kona xana? U tshamele swona etindleleni tanihi Muarabu la nga emananga kambe u nyamisile misava hi vuoswi bya wena ni ku biha ka wena.

Esaya 57:21

a ku na ku rhula eka lavo biha,” ku vula Xikwembu xa mina.

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Duteronoma 32:42

Ndzi ta pyopyisa miseve ya mina hi ngati, Tlhari ra mina ri ta xurha hi nyama, Hi ngati ya lava tlhaviweke, ni ya vakhomiwa, Ni tinhloko ta tihosi ta valala.’

Yeremiya 3:21

Rito ri twakala etintshaveni leti tlakukeke, i ra swirilo ni mikhongelo ya vana va Israele, hikuva va hombolokisile tindlela ta vona, va rivele Yehovha, Xikwembu xa vona.

Yeremiya 4:27

Hikuva Yehovha u vurile, a ku: “Tiko hinkwaro ri ta hundzuka mananga kambe ndzi nga ka ndzi nga ri heriseli makumu.

Yeremiya 16:5

Hikuva, Yehovha u vula a ku: “U nga tshuki u nghena endlwini ya nkosi, u nga tshuki u ya eka vona ku ya rila na vona, ni loko ku ri ku va twela vusiwana; hikuva ndzi susile ku rhula ka mina ehenhla ka tiko leri, ku vula Yehovha, ni tintswalo ni ku tsetselela ka mina.

Yeremiya 25:11

Matiko lawa hinkwawo ma ta endliwa ku onhaka, ni xihlamariso, kutani matiko lawa ma ta tirhela hosi ya Babilona hi malembe ya 70.

Yeremiya 30:5

“Marito ya Yehovha: Hi twa huwa ya nchavo; ku nga ku pfuka, ku nga ri ku tsaka.

Yeremiya 46:10

“Kambe siku rero eka Hosi, Yehovha wa tinyimpi, i siku ro rihisa, ku tirihisela eka valala va yena! Fumu ri ta dya, ri xurha, ri pyopyiwa hi ngati ya vona; hikuva ku ni magandzelo ya Hosi, Yehovha wa tinyimpi, emisaveni ya n'walungu, enambyeni wa Yufrata.

Swirilo 3:17

U tsonile moya wa mina ku rhula, Kutani a ndza ha tivi leswaku ku kateka i yini;

Ezekiele 21:4

kutani nyama hinkwayo yi ta vona leswaku hi mina Yehovha ndzi tshiveleke ndzilo lowo; a wu nga timeki.

Ezekiele 21:28

Loko va ri vona, emahlweni ya vona, i ku bvumbha ka swahava; ndzi ri, eka vona lava hlambanyaka hi swihlambanyo; kambe yena u tsundzuxa vuhomboloki bya vona, leswaku va ta khomiwa.

Yeremiya 8:15

A hi ri karhi hi langutele ku rhula, kambe a hi voni ku rhula; ni siku ra ku ongoriwa, kutani langutani, ka chavisa!

Ezekiele 21:8

U ku eka tiko ra Israele: Yehovha u ri: Vona, ndzi ta eka wena, ndzi ta hlomula ripanga ra mina enkotlotweni wa rona, ndzi tsema lavo lulama ni lavo biha lava nga eka wena.

Ezekiele 21:9

Leswi ndzi nga ta tsema lava lulameke ni lavo biha lava nga eka wena, hilaha ripanga ra mina ri nga ta huma enkotlotweni ku dlaya nyama hinkwayo, ku suka edzongeni ku fika en'walungwini.