Yeremiya 12:1 - Xitsonga (Bibele)

¹ Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

BIBELE Mahungu Lamanene

¹ We HOSI, u Xikwembu xo lulama, ndzi nge kanetani na wena, hambiswiritano ndzi ni timhaka leti ndzi lavaka ku ku vutisa tona: Hikwalaho ka yini lavo homboloka va kateka emintirhweni ya vona, vakanganyisi va hanyela yini emafurheni xana?

Yeremiya 12:1 Referans Kwoze

Malakiya 3:15

Kutani sweswi-ke, hi ri: Ku katekile vatikukumuxi, hikuva lava endlaka ku biha va akisiwa, va ringa Xikwembu, kutani va chupuka!’ ”

Pisalema 92:7

Hambi vadyohi va mila tanihi byanyi, Ni vahomboloki loko va andza, Va ta herisiwa ni makumu.

Pisalema 37:1

U nga tshuki u karihela lavo homboloka, U nga tshuki u navela lava endlaka leswo biha.

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Ntirho 12:6

Mitsonga ya vaonhi yi ni ku tsaka; Ku rhula i ka lava nga vuriki nchumu hi Xikwembu, Lava tamelaka xikwembu xa vona emavokweni ya vona.

Habakuku 1:4

Hikwalaho, nawu wu etlele, a ka ha avanyisiwi hi ku lulama; hikuva lowo biha u rhendzele la lulameke, kutani ku avanyisa ka hombolokisiwa.

Pisalema 51:4

Ndzi dyohele wena, wena ntsena; Ndzi endlile leswo biha emahlweni ka wena, Hi laha u nga ta va la lulameke loko u vulavula, Ni loyi a tengeke loko u avanyisa.

Pisalema 37:35

Ndzi vonile lowo biha la chavisaka, A nava kukotisa murhi lowu hlukeke ngopfu;

Sofoniya 3:5

Yehovha u lulamile exikarhi ka wona a nga ka a nga endli swo biha, hi siku rin'wana ni rin'wana u humesa ku avanyisa ka yena eku vonakaleni, a nga tshiki ku endlisa sweswo; kambe lowo biha a nga tivi tingana.

Yeremiya 11:20

Kambe, oho Yehovha wa tinyimpi Mulerisi la lulameke, la ringaka swisuti ni timbilu, ndzi ta vona ku tirihisela ka wena ehenhla ka vona, hikuva ndzi vekile mhaka ya mina emavokweni ya wena.

Yeremiya 12:6

Hikuva loko va ri varikwenu ni va yindlu ya tata wa wena, va ku xisa, kutani, na vona, va ku dzumadzumela hi rito lerikulu; ni loko va ku byela marito ya ku nandziha, u nga tshuki u va pfumela.

Yeremiya 5:11

Hikuva yindlu ya Israele, na yona yindlu ya Yuda ti ndzi kanganyisile ngopfu,” ku vula Yehovha.

Ntirho 13:3

Kambe ndzi nga rhandza ku vulavula na Lowa matimba hinkwawo, Ndzi nga navela ku nghena eku tengeni ni Xikwembu.

Ezra 9:15

Oho Yehovha, Xikwembu xa Israele, u lulamile; hina, hi lo sala hi ri lava poneke kukotisa leswi voniwaka namuntlha. Hi hina kwala, hi yimeke emahlweni ka wena hi ri ni nandzu; hikuva hi nga ka hi nga hanyi emahlweni ka wena hikwalaho ka swona.”

Hosiya 6:7

Kambe vona va tlule ntwanano kukotisa Adama; laha, va ndzi endlele vuntswaka.

Esaya 48:8

A ku twanga nchumu, a ku tivanga nchumu, ndleve ya wena a yi twangi nchumu, hikuva a ndzi swi tiva leswaku u mukanganyisi, ni leswaku le khwirini ra mana wa wena vito ra wena a ri ri mutiarisi!

Esaya 41:21

“Kanelani timhaka ta n'wina,” ku vula Yehovha. “Tilweleni,” ku vula hosi ya Yakobo.

Swivuriso 1:32

Hikuva ku hambuka ka varivali ka va dlaya, Kutani ku tsaka ka varihuhe ka va lovisa.

Pisalema 145:17

Yehovha u lulamile etindleleni ta yena hinkwato, U ni tintswalo emitirhweni ya yena hinkwayo.

Pisalema 119:137

U lulamile, Yehovha, Ku avanyisa ka wena, na kona, ku lulamile!

Pisalema 119:75

Yehovha, ndza tiva leswaku ku avanyisa ka wena ku lulamile, Ni leswaku wa tshembeka, hambi u ndzi tsongahatile.

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Genesa 18:25

A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Pisalema 116:5

Yehovha u ni tintswalo ni ku lulama, Xikwembu xa hina xi tele nsovo.

Eklesiasta 8:14

Swahava swin'wana leswi nga emisaveni hi leswi: ku na lavo lulama lava humeleriwaka hi hakelo leyi lulameleke mitirho ya lavo homboloka, kutani lavo homboloka va kona lava humeleriwaka hi hakelo leyi lulameleke mitirho ya lavo lulama. Ndzi vurile leswaku swoleswo na swona i swahava.

Yeremiya 3:7

A ndzi ku: ‘Kutakuloko a endlile sweswo hinkwaswo, u ta tlhela a vuya eka mina,’ kambe a nga vuyanga; kutani Yuda, makwavo la nga tshembekangiki, u tshama a swi vona.

Yeremiya 3:20

Kambe kukotisa wansati la dyelelaka nakulobye hi ririmi, mi ndzi dyelele hi mukhuva wolowo, n'wina va yindlu ya Israele, ku vula Yehovha.’ ”

Yeremiya 9:2

Loko ngi ndzi ri ni xitsongana xa ku hambukela emananga, ingi ndzi tshika tiko ra mina, ndzi ya ekule na rona, hikuva i vaoswi hinkwavo, i huvo ya timbabva.

Yeremiya 32:16

“Kuteloko ndzi nyikile Baruku, n'wana Neriya, tsalwa ra nxavo, ndzi khongela Yehovha, ndzi ku:

Swirilo 1:18

“Yehovha u lulamile, kasi ndzi arile ku lerisa ka yena: Oho! Yingisani n'wina matiko hinkwawo, Kutani mi vona ku vaviseka ka mina; Vanhwanyana ni majaha ya mina va yile evukhumbini.

Ezekiele 18:25

“N'wina mi ri: ‘Ndlela ya Yehovha a yi lulamanga.’ Yingisani sweswi, n'wina va yindlu ya Israele, xana i ndlela ya mina leyi nga lulamangiki, a hi tona tindlela ta n'wina leti nga lulamangiki xana?

Ntirho 8:17

Timitsu ta wona ti phaphama emaribyeni, Ti nghena ni le xikarhi ka maribye ya yindlu.

Ntirho 24:12

Mikosi ya lava faka yi twakala emitini; Mimoya ya lava tlhaviweke ya huwelela, Hambiswiritano, Xikwembu a xi chawuki manyala ya vanhu!

Ntirho 24:23

Va hiwa ku tsaka, va ta tiya, Kutani mahlo ya xona ma languta tindlela ta vona.

Pisalema 51:6

Kambe, u rhandza leswinene embilwini ya munhu, Ndzi dyondzise vutlhari exihundleni xa moya wa mina!

Daniele 9:14

Hikwalaho Yehovha a hitekeleke khombo lero, a ri tisela ehenhla ka hina, hikuva Yehovha, Xikwembu xa hina, u lulamile emitirhweni hinkwayo yoleyi a yi tirheke, kambe a hi yingisanga rito ra yena.

Malakiya 2:17

Mi karhata Yehovha hi marito ya n'wina, kambe mi ri: “Hi n'wi karhata hi yini?” Hi loko mi ku: “Un'wana ni un'wana la endlaka swo biha, u lulamile emahlweni ka Yehovha, kutani hi vona lava a tsakisiwaka ha vona!” Kumbe loko mi ku: “Xi kwihi Xikwembu xa ku avanyisa?”