Yeremiya 11:7 - Xitsonga (Bibele)

⁷ Hikuva ndzi tshama ndzi byela vatata wa n'wina, siku ndzi va humesaka etikweni ra Egipta ku fika namuntlha, ndzi ri karhi ndzi pfuka nimpundzu, ndzi huwelela, ndzi ku: “Yingisani rito ra mina.”

BIBELE Mahungu Lamanene

⁷ hikuva vatata wa n'wina ndzi va layile ndzi vuyelela siku ndzi va humeseke etikweni ra Egipta; ni namuntlha ndza ha mi byela sweswo ndzi ri, ndzi yingiseni loko ndzi vulavula!

Yeremiya 11:7 Referans Kwoze

2 TIKRONIKA 36:15

Yehovha, Xikwembu xa vatata wa vona, a va layile emikarhini leyo tala hi tintsumi ta yena, hikuva a a rhandza ku ponisa tiko ra yena ni vuako bya yena.

Vaefesa 4:17

Lexi ndzi xi vulaka, ni lexi ndzi xi tiyisaka eHosini, hileswaku mi nga tshuki ma ha famba kukotisa vahedeni lava fambaka hi miehleketo ya hava ya vona,

1 SAMIELE 8:9

Sweswi yingisa rito ra vona; ntsena u va laya swinene, u va tivisa milawu ya hosi leyi nga ta va fuma.”

Eksoda 15:26

“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

2 Vatesalonika 3:12

Lavo tano hi va kombela, ni ku va khongotela hi Hosi ya hina, Yesu Kriste, leswaku va tirha hi ku rhula, va ta tiva ku dya swakudya leswi nga swa vona.

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Yeremiya 25:4

Yehovha u tshama a rhuma eka n'wina malandza ya yena hinkwawo, vaprofeta, a va rhuma wa ha ri mixo, kambe a mi yingisanga, kambe a mi nga rhiyi tindleve ta n'wina ku twa.

Yeremiya 11:4

lowu ndzi wu leriseke vatata wa n'wina, siku ndzi va humesaka etikweni ra Egipta, ehondweni ya nhumbu, ndzi ku: Yingisani rito ra mina, mi endla hinkwaswo leswi ndzi mi lerisaka swona; hilaha mi nga ta va tiko ra mina, mina ndzi va Xikwembu xa n'wina;

Yeremiya 7:13

Kambe sweswi, leswi mi endleke sweswo hinkwaswo, ku vula Yehovha, kambe ndzi tshama ndzi vulavula na n'wina, ndzi ri karhi ndzi pfuka ka ha ri mixo ndzi va ndzi vulavula, kambe a mi yingisanga; kutani ndzi tshama ndzi mi vita, kambe a mi pfumelanga.

Duteronoma 30:20

u ri karhi u rhandza Yehovha, Xikwembu xa wena, u yingisa rito ra yena ni ku namarhela yena; hikuva hi yena la nga ku hanya ka wena, ni ku leha ka masiku ya wena, leswaku u ta aka emisaveni leyi Yehovha a hlambanyeleke vatata wa wena, Abrahama, na Isaka, na Yakobo, ku va nyika yona.”

Duteronoma 12:32

“Timhaka hinkwato leti ndzi mi lerisaka tona, mi ta ti hlayisa mi endla ha tona; u nga tshuki u ti engetela hi nchumu, kambe u nga tshuki u hunguta nchumu eka tona.

Duteronoma 8:6

“U ta hlayisa milawu ya Yehovha Xikwembu xa wena, hi ku famba etindleleni ta yena, ni ku n'wi chava.

Duteronoma 6:2

u ta chava Yehovha, Xikwembu xa wena, u ri karhi u hlayisa milawu hinkwayo ya xona, ni ku lerisa hinkwako ka xona loku ndzi ku byelaka; u ta swi hlayisa hi masiku hinkwawo ya ku hanyaka wena, u ri wena, ni n'wana wa wena, ni n'wana wa n'wana wa wena, leswaku masiku ya wena ma ta lehisiwa.

Duteronoma 5:29

Ngi loko va ri ni timbilu leti ku ndzi chava ni ku hlayisa milawu ya mina hinkwayo, va ta tsaka vona ni vana va vona, hilaha ku nga heriki!

Duteronoma 4:6

Mi ta yi hlayisa ni ku tirha ha yona, hikuva byi ta va vutlhari bya n'wina, ni ku twisisa ka n'wina, emahlweni ka matiko lawa ma nga ta yingisa milawu leyi hinkwayo, kutani ma ta ku: ‘Tiko lerikulu leri, hi rona ntsena leri nga ni vutlhari ni ku twisisa!’

Yeremiya 25:3

“Hi lembe ra khume na manharhu ra ku fuma ka Yosiya, n'wana Amoni, hosi ya Yuda, ku fikela siku leri, i malembe ya makume mambirhi na manharhu, rito ra Yehovha ri tile eka mina, kambe ndzi mi byerile rona, ndzi vulavula ndzi ri karhi ndzi pfuka wa ha ri mixo, kambe a mi yingisanga.

Yeremiya 31:32

Ku nga ri kukota ntwanano lowu ndzi wu endleke na vatata wa vona siku ndzi va khomaka hi voko ku va humesa etikweni ra Egipta, va nga lava nga tshova ntwanano wa mina, kasi a ndzi ri n'wini wa vona, ku vula Yehovha.

Yeremiya 35:14

Ku hlayisiwe marito ya Yonadabu, n'wana Rekaba, lawa a ma leriseke vana va yena leswaku va nga tshuki va nwa vhinyo; kutani a va nwanga ku fika sweswi, hikuva va yingisile ku lerisa ka tata wa vona, kambe mina ndzi tshama ndzi vulavula na n'wina, ndzi vulavula wa ha ri mixo, kambe a mi ndzi yingisanga.

Zakariya 1:4

Mi nga tshuki mi kota vatata wa n'wina valavo vaprofeta vo rhanga a va huwelela eka vona, va ku: ‘Ku vuriwile hi Yehovha wa tinyimpi, a ku: Hundzukani eku fambeni ka n'wina loko biha, ni le mitirhweni yo biha ya n'wina!’ ... Kambe a va yingisangi, a va hlayisangi rito ra mina, ku vula Yehovha.

2 TIHOSI 17:13

Yehovha u byerile Israele na Yuda hi vaprofeta hinkwavo va yena, ni vavoni hinkwavo, a ku: “Tlhelani etindleleni leto biha ta n'wina, mi hlayisa ku lerisa ka mina ni milawu ya mina, hilaha ndzi nyikeke vatata wa n'wina nawu hinkwawo, hilaha ndzi mi rhumeleke wona hi malandza ya mina vaprofeta.”

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!

Yeremiya 34:14

‘Eku heleni ka malembe ya ntlhanu na mambirhi ma nga tshiketa un'wana ni un'wana makwavo wa Muheveru la tixaviseke eka n'wina; a ta ku tirhela hi malembe ya ntlhanu na rin'we, kutani u ta n'wi tshika a famba,’ kambe vatata wa n'wina a va ndzi yingisanga, a va rhiyanga tindleve.

Hosiya 4:1

Twanani rito ra Yehovha, n'wina vana va Israele! Hikuva Yehovha u tengisa vaaki va tiko, hikuva a ku na vunene, ni ku tsetselela, ni ku tiva Xikwembu etikweni.

Hosiya 5:1

Twanani mhaka leyi, n'wina vaprista, mi yingisa yona, va Yindlu ya Israele, na n'wina va yindlu ya hosi mi rhiya ndleve, hikuva ku avanyisiwa n'wina; hikuva mi ve tanihi xirimbana eMispa, ni tanihi rindzi leri ceriweke ehenhla ka Taboro.