Yeremiya 11:4 - Xitsonga (Bibele)

⁴ lowu ndzi wu leriseke vatata wa n'wina, siku ndzi va humesaka etikweni ra Egipta, ehondweni ya nhumbu, ndzi ku: Yingisani rito ra mina, mi endla hinkwaswo leswi ndzi mi lerisaka swona; hilaha mi nga ta va tiko ra mina, mina ndzi va Xikwembu xa n'wina;

BIBELE Mahungu Lamanene

⁴ Ntwanano wa kona hi lowu ndzi wu endleke ni vatata wa n'wina siku ndzi va humeseke etikweni ra Egipta, endzilweni lowu n'okisaka ni tinsimbhi; ndzi va byerile ku yingisa loko ndzi vulavula, va endla hinkwaswo leswi ndzi va lerisaka swona, leswaku va va vanhu va mina, na mina ndzi va Xikwembu xa vona.

Yeremiya 11:4 Referans Kwoze

Duteronoma 4:20

Kambe loko mi ri n'wina, Yehovha u mi tekile, a va a mi humesa efulweni ra Egipta, leswaku mi va tiko ra yena hi xiviri, hilaha mi swi vonaka hakona namuntlha.

Levhitika 26:12

Ndzi ta famba exikarhi ka n'wina, ndzi va Xikwembu xa n'wina, n'wina mi va tiko ra mina.

2 Vakorinto 6:16

Tempele ya Xikwembu yi ni ku pfumelelana kwihi ni swifaniso leswi khongeriwaka? Hikuva hi n'wina mi nga tempele ya Xikwembu lexi hanyaka, kukotisa leswi Xikwembu xi nga te: “Ndzi ta tiakela exikarhi ka vona, ndzi tifambela kona, ndzi ta va Xikwembu xa vona, kutani vona va ta va tiko ra mina.”

Zakariya 8:8

ndzi va tisa, va ta aka eYerusalema ri ta va tiko ra mina, mina ndzi va Xikwembu xa vona hi vunene ni ku lulama.”

Yeremiya 24:7

Ndzi ta va nyika timbilu leti tivaka leswaku ndzi Yehovha; ri ta va tiko ra mina, mina ndzi va Xikwembu xa vona hikuva va ta hundzukela ka mina hi timbilu hinkwato ta vona.

1 TIHOSI 8:51

hikuva i tiko ra wena ni ndzhaka ya wena leyi u yi humeseke eEgipta, exikarhi ka ndzilo wa le fulweni.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Ezekiele 37:23

Va nga ka va nga ha tinyamisi hi swikwembu swa vona swa thyaka, ni manyala ya vona, ni swidyoho swa vona hinkwaswo ndzi ta va lwela eka ku tiarisa hinkwako ka vona loku va nga dyoha hakona, ndzi va basisa; va ta va tiko ra mina, na mina ndzi va Xikwembu xa vona.

Ezekiele 36:28

Mi ta aka etikweni leri ndzi nga ri nyika vatata wa n'wina, mi va tiko ra mina, na mina ndzi va Xikwembu xa n'wina.

Ezekiele 14:11

leswaku va yindlu ya Israele va nga tshuki va ndzi fularhela ni ku tinyamisa hi mangava hinkwawo ya vona. Kutani va ta va tiko ra mina, mina ndzi va Xikwembu va vona, ku vula Hosi Yehovha.”

Ezekiele 11:20

leswaku va famba emilawini ya mina va ri karhi va hlayisa swileriso swa mina va swi hetisa, kutani va ta va tiko ra mina, mina ndzi va Xikwembu xa vona.

Yeremiya 30:22

Ma ha ta tshama mi ri tiko ra mina, mina ndzi va Xikwembu xa n'wina.

Yeremiya 26:13

Sweswi, hundzukani emikhuveni ya n'wina ni le ku endleni ka n'wina, mi yingisela rito ra Yehovha Xikwembu xa n'wina, kutani na yena Yehovha a ta hundzuka eku biheni loku a ku vuleke ehenhla ka n'wina.

Duteronoma 11:27

Ku kateka, loko mi yingisa milawu ya Yehovha, Xikwembu xa n'wina, leyi ndzi mi lerisaka namuntlha,

Levhitika 26:3

“ ‘Loko mi famba hi milawu ya mina ni loko mi hlayisa ku lerisa ka mina mi va mi endla hakona,

Genesa 17:8

Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Zakariya 6:15

Lava nga ekule va ta ta va ta aka yindlu ya Yehovha; kutani mi ta tiva leswaku Yehovha wa tinyimpi u ndzi rhumile eka n'wina; swi ta va tano, loko kunene mi yingisa rito ra Yehovha, Xikwembu xa n'wina.”

Ezekiele 37:27

Vutshamo bya mina byi ta va kona exikarhi ka vona, ndzi va Xikwembu xa vona, na vona va va tiko ra mina.

Yeremiya 32:28

Hikwalaho, ku vula Yehovha: Vona, ndzi ta nyiketa muti lowu, emavokweni ya Vakalediya, ni le mavokweni ya Nebukadnetsara, hosi ya Babilona, va ta nghena eka wona.

Esaya 48:10

Vona, ndzi ku n'okisile, kambe a ndzi kumanga silivhere, ndzi ku ringile exirhengeleni xa khombo.

1 SAMIELE 15:22

Samiele a ku: “Xana Yehovha u tsakisiwa hi tiholokosta ni magandzelo ku fana ni loko va yingisa rito ra Yehovha xana? Waswivo! Ku yingisa ku tlula magandzelo; ku hlayisa rito ra yena, ku tlula mafurha ya tinyimpfu.

Eksoda 20:6

kambe ndzi tsetselela lava ndzi rhandzaka, lava hlayisaka milawu ya mina ku yisa erixakeni ra khume ra madzana.

Esaya 30:6

Va rhwexa swifuwo ku ya le dzongeni, etikweni ra makhombo, ra nhlomulo, ra nghala ya ntswele, ni leya matsune, ya mhiri, ni dragona leyi hahaka; va rhwexa vukosi bya vona etimbhongolweni, ni rifuwo ra vona emihlaneni ya tikamela, ku ya etikweni leri va nga tiki kuma nchumu eka rona.

Yeremiya 11:7

Hikuva ndzi tshama ndzi byela vatata wa n'wina, siku ndzi va humesaka etikweni ra Egipta ku fika namuntlha, ndzi ri karhi ndzi pfuka nimpundzu, ndzi huwelela, ndzi ku: “Yingisani rito ra mina.”

Yeremiya 38:20

Yeremiya a n'wi hlamula, a ku: “U nga ka u nga nyiketiwi, Kambe yingisela rito ra Yehovha leri ndzi ku byelaka rona: Swi ta saseka eka wena, kutani moya wa wena wu ta hanya;

Daniele 3:26

Kutani Nebukadnetsara a tshinelela ekusuhi ni nomu wa khele ra ndzilo lowo leva, kutani a vulavula, a ku: “Xadraka, na Mexaka, na Abedi-Nego, malandza ya Xikwembu lexi nge henhlahenhla, humani, tanani halenu!” Kutani Xadraka, na Mexaka, na Abedi-Nego va huma exikarhi ka ndzilo.

Duteronoma 5:6

“ ‘Hi mina Yehovha, Xikwembu xa wena, la ku humeseke etikweni ra Egipta ni le ndlwini ya vukhumbi.

2 TIHOSI 18:6

A namarhela Yehovha a nga n'wi fularheli, a hlayisa milawu leyi Yehovha a yi leriseke Muxe.