Yeremiya 11:20 - Xitsonga (Bibele)

²⁰ Kambe, oho Yehovha wa tinyimpi Mulerisi la lulameke, la ringaka swisuti ni timbilu, ndzi ta vona ku tirihisela ka wena ehenhla ka vona, hikuva ndzi vekile mhaka ya mina emavokweni ya wena.

BIBELE Mahungu Lamanene

²⁰ Kutani ndzi khongele ndzi ku: “We HOSI ya matimba hinkwawo, wena u avanyisaka timhaka hi ku lulama, wena u kambelaka ripfalo ra munhu ni mianakanyo ya yena, tikombe eka mina hi ku rihiseta vanhu lava, hikuva timhaka ta mina, ndzi ku byerile tona hinkwato.”

Yeremiya 11:20 Referans Kwoze

Yeremiya 20:12

Yehovha wa tinyimpi u ringa la lulameke, u languta swisuti ni timbilu; ndzi ta vona ku tirihisela ka wena eka vona, hikuva ndzi ku tivisile timhaka ta mina.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Pisalema 7:9

Herisa lunya ra lavo homboloka, Kambe u tiyisa la lulameke, Wena la kambaka timbilu ni swisuti, oho Xikwembu xo lulama!

1 SAMIELE 16:7

Kambe Yehovha a ku eka Samiele: “U nga languti nghohe ya yena, hambi xi ri xiyimo xa yena, hikuva ndzi n'wi cukumetile; Yehovha a nga languti leswi langutiwaka hi vanhu, hikuva vanhu va languta nghohe, kambe Yehovha u languta mbilu.”

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

Yeremiya 17:18

Lava ndzi xanisaka a va khomisiwe tingana, kambe mina ndzi nga tshuki ndzi khomisiwa tingana; a va rhurhumele, kambe mina ndzi nga tshuki ndzi rhurhumela. A va humeseriwe siku ra khombo, kutani u va kandziyela hi ku va kandziyela kambirhi.

Yeremiya 15:15

Kambe wena Yehovha, u tiva hinkwaswo, u ri karhi u ndzi anakanya, u ndzi hitekela, kambe u ndzi rihisela eka lava ndzi xanisaka. Eku yingiseleni lokukulu ka wena, u nga tshuki u ndzi susa, wanga anakanya leswaku ndzi sandziwa hikwalaho ka wena.

1 TIKRONIKA 29:17

Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

Genesa 18:25

A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”

Nhlavutelo 18:20

Tsakisisani hikwalaho ka wona, wena tilo, na n'wina vakwetsimi, ni vaapostola, ni vaprofeta, hikuva Xikwembu xi wu avanyisile hikwalaho ka n'wina.”

1 Petro 2:23

ni loko a rhukaniwa, a nga tlhelangiki a rhukana, hambi a twisiwa ku vaviseka, a nga xungetangiki, kambe a tinyiketa la avanyisaka hi ku lulama;

2 Timotiya 4:14

Aleksandro, mufuri wa nsuku, u ndzi pfuxele makhombo layo tala; Hosi yi ta n'wi tlherisela leswi faneleke mitirho ya yena!

Vafilipiya 4:6

Mi nga tshuki mi kanakana ha nchumu; kambe etimhakeni hinkwato, tivisani ku pfumala ka n'wina eka Xikwembu hi ku khongela, ni ku kombela, mi va mi khensa;

Timhaka 17:31

Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Pisalema 98:9

Emahlweni ka Yehovha! Hikuva wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Pisalema 57:1

Ndzi twele vusiwana, Xikwembu, ndzi twele vusiwana! Hikuva moya wanga wu chavele eka wena; Ndzi chavele endzhutini wa timpapa ta wena; Ku fika nkarhi lowu makhombo ma nga ta va ma hundzile.

Pisalema 43:1

Ndzi avanyisele, Xikwembu, u ndzi lwela Eka rixaka leri nga ku rhandziki; Ndzi ponise ka munhu wa ku hemba ni wa ku homboloka.

Pisalema 35:2

Khoma xitlhangu lexitsongo ni lexikulu, U pfuka ku ta ndzi pfuna!

Ntirho 5:8

“Loko ndzi ri mina, a ndzi ta tshinela eka Xikwembu, Ndzi veka eka Xikwembu timhaka ta mina.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

1 SAMIELE 24:15

Hosi ya Israele yi humile endzhaku ka mani xana? U landzela mani xana? I mbyana leyi feke, kumbe vutseka xana?

Pisalema 7:8

Yehovha a a avanyise matiko; Oho Yehovha! U ndzi lunghisela! Leswaku ndzi endliwa hi ku lulama ni ku tenga ka mina.

Pisalema 58:10

Lowo lulama u ta tsaka hi ku vona ku rihiseriwa; U ta hlantswa milenge ya yena engatini ya lavo biha.

Pisalema 139:23

Xikwembu, ndzi kambe, u tiva mbilu yanga! Ndzi ringe, u tiva ku anakanya ka mina!

Yeremiya 12:3

Kambe wena Yehovha, wa ndzi tiva, wa ndzi vona, kutani u ringa mbilu ya mina leswaku yi ri yini eka wena! Wa nga va koka tanihi tinyimpfu eku tlhaviweni kutani, u va hlawulela siku ra ku dlawa!

Ezekiele 11:5

Kavaloko moya wa Yehovha wu xikela ehenhla ka mina, wu ku eka mina: “Vulavula, u ku: Ku vurile Yehovha: Mi ri karhi mi vula sweswo, n'wina va yindlu ya Israele! Leswi swi mi khandziyelaka etinhlokweni, ndza swi tiva mina.

2 TIHOSI 19:14

Kavaloko Hezekiya a teka papila emavokweni ya tintsumi, a ri hlaya, kutani a tlhandlukela endlwini ya Yehovha. Hezekiya a ri phurumula emahlweni ka Yehovha.

Pisalema 7:10

Xitlhangu xa mina xi le ka Xikwembu, Lexi lwelaka lava timbilu to lulama.

Swirilo 3:58

“Hosi, u yimerile mhaka ya moya wa mina, U kutsule vutomi bya mina.

Swirilo 3:59

Yehovha, u vonile ku xanisiwa ka mina; U ndzi avanyisela hi ku lulama!

Swirilo 3:64

“Yehovha, u ta hakela hi hakelo leyi ringanaka Mitirho ya mavoko ya vona,