Yeremiya 11:13 - Xitsonga (Bibele)

¹³ Hikuva, wena Yuda, nhlayo ya swikwembu swa wena yi ringana ni miti ya wena! Kambe nhlayo ya tialitari ta tingana, ti nga tialitari leti ku hiseriwaka Baali mirhi ya risuna, yi fana ni nhlayo ya mitsendzele ya Yerusalema.’

BIBELE Mahungu Lamanene

¹³ Xikwembu xi ri: “We tiko ra Yuda, swikwembu swa wena swi tele ku ringana ni miti ya wena; na tona tialitari ta wena ti tele ku ringana ni magondzo ya le Yerusalema. Tialitari ta kona ti khomisa tingana, hikuva u ti akele ku humesela swikwembu swa Baali emagandzelo lama hisiwaka.

Yeremiya 11:13 Referans Kwoze

Yeremiya 2:28

Swi kwihi swikwembu swa wena leswi u tiendleleke swona? A swi yime swi ku pfuna hi siku ra khombo; hikuva wena Yuda, nhlayo ya swikwembu swa wena yi fana ni ya miti ya wena!

2 TIHOSI 23:13

A nyamisa ni switsunga leswi langutaneke na Yerusalema evokweni ra ximatsi ra ntshava ya ku Lova, leswi Solomoni, hosi ya Israele, a swi akeleke Astarte, ma nga manyala ya Vasidoni, na Kemoxi, manyala ya Vamowabu, na Milikomo, manyala ya vana va Amoni.

Hosiya 12:11

Ndzi vulavurile ni vaprofeta, ndzi andzisile swikombiso, kambe hi vaprofeta ndzi vulavurile swifaniso.

Yeremiya 32:35

Va akele Baali swivandla leswi tlakukeke eriweni ra n'wana Hinomu, va ta hisela Moloko vana va vona va xinuna ni va xisati, swi nga leswi ndzi nga va byelangiki swona, kambe a swi humangi embilwini ya mina leswaku va endla manyala layo tano ku dyohisa Yuda.

Yeremiya 19:5

kutani va akele Baali swivandla leswi tlakukeke ku hisa kona vana va vona endzilweni yi va holokosta ya Baali, swi nga leswi ndzi nga va lerisangiki, ndzi nga va byelangiki swona, leswi swi nga ka swi nga humi embilwini ya mina.

Yeremiya 7:9

I ku yini xana? Ku yiva! Ni ku dlaya! Ni ku oswa, ni ku hlambanya hi mavunwa, ni ku hisela Baali mirhi ya risuna, ni ku famba eka swikwembu swin'wana leswi mi nga swi tiviki!

Yeremiya 3:24

Tingana ti dyile nyuku wa vatata wa hina ku sungula evuntshweni bya hina, tinyimpfu ta vona ni tihomu ta vona, ni vana va vona va xinuna ni va xisati.

Esaya 2:8

Ri tele swikwembu swo hemba, va khinsamela ntirho wa mavoko ya vona, ni leswi tintiho ta vona ti swi vatleke.

Yeremiya 11:17

Yehovha wa tinyimpi la ku byaleke u lerisile ku biha ehenhla ka wena, hikwalaho ka ku homboloka ka yindlu ya Israele, ni ka va yindlu ya Yuda, kuloku va ku endleke leswaku va ndzi karihisa hi ku hisela Baali mirhi ya risuna.

Yeremiya 19:4

hikuva va ndzi tshikile, kutani va sandzile xivandla lexi, hikuva kona, mirhi ya risuna, va yi hisele swikwembu swin'wana leswi nga ka swi nga tiviwi hi vona, ni vatata wa vona, ni tihosi ta Yuda, kutani va tatile xivandla lexi hi ngati ya lava nga riki na nandzu;

Yeremiya 44:21

“Xana Yehovha a nga tsundzukanga, a va a anakanya mirhi ya risuna leyi mi yi hiseke emitini ya Yuda ni le mitsendzeleni ya Yerusalema, n'wina, ni vatata wa n'wina, ni tihosi ta n'wina, ni tindhuna ta n'wina, ni vanhu va tiko-ke?

Yeremiya 48:35

Ndzi ta endla leswaku Mowabu a pfumala ni un'we la nga ta tlhandlukela exivandleni lexi tlakukeke, ni ku hisela swikwembu swa yena mirhi ya risuna, ku vula Yehovha.

Ezekiele 16:24

U tiakele tindlu to oswana kona, u lunghisile tindhawu to gangisiwa kona entsendzeleni wun'wana ni wun'wana;

Hosiya 9:10

Ndzi kume Israele a ri eka mina kukotisa mihandzu ya vhinya leyi kumiwaka emananga; ndzi vonile vatata wa n'wina kukotisa swirhangana swa nkuwa lowu sungulaka ku veka. Kasi vona va ye Baala-Peyori, va tihlawulela leswa tingana, va va va hundzuka manyala kukotisa swigangu swa vona.

2 TIKRONIKA 28:25

Hambi ku ri emitini hinkwayo ya tiko ra Yuda, a endla tindhawu leti tlakukeke ku hisela swikwembu swimbe mirhi ya risuna; sweswo a karihisa Yehovha, Xikwembu xa vatata wa yena.

Yeremiya 3:25

Hi funengerile tingana ta hina, hi ambarile xisandzu xa hina; hikuva hi dyohele Yehovha, Xikwembu xa hina, hina ni vatata wa hina, ku sungula evuntshweni bya hina ku fika siku leri, kambe a hi yingisanga rito ra Yehovha, Xikwembu xa hina.”

Yeremiya 17:1

“Xidyoho xa Yuda xi tsariwile hi rinhi ra nsimbhi, hi dayimani leyo kariha; xi tsariwile etimbilwini ta vona, ni le timhondzweni ta tialitari ta vona.

Yeremiya 18:15

Kambe tiko ra mina ri ndzi rivele va fambile va ya hisela swilo swahava magandzelo va hambukisiwile etindleleni ta vona ta khale va fambisiwa emitileni ya tindlela leti nga vandziwangiki;

Yeremiya 44:5

Kambe a va swi twanga, a va rhiyanga tindleve ta vona leswaku va ta tshika vumbabva bya vona, va ta tshika ni ku hisela swikwembu swin'wana mirhi ra risuna.

Hosiya 10:1

Israele i vhinya leyi kuleke ngopfu; mihandzu ya yona yi n'wi ringanile. Mihandzu ya yena loko yi ri karhi yi engeteleka, hilaha a engetaka ku aka tialitari; hikuva hilaha tiko ra yena ri nga riki rinene, hi kona a engetaka ku bombisa swifaniso.