Yeremiya 11:11 - Xitsonga (Bibele)

¹¹ “Hikwalaho, Yehovha u vula a ku: ‘Vonani, ndzi ta va humesela khombo leri va nga taka va nga poni eka rona; va ta huwelela eka mina, kambe ndzi nga ka ndzi nga va yingisi.

BIBELE Mahungu Lamanene

¹¹ Hikokwalaho mina HOSI ndzi ri: Ndzi ta va vangela makhombo, a ku na un'we la nga ta pona eka wona. Va ta rila eka mina, kambe a ndzi nga va yingisi.

Yeremiya 11:11 Referans Kwoze

Ezekiele 8:18

Loko ndzi ri mina, ndzi ta endla hi vukari bya mina; tihlo ra mina ri nga ka ri nga tsetseleri, ri ta pfumala tintswalo. Hambi va ta huwelela etindleveni ta mina hi rito lero tlakuka, ndzi nga ka ndzi nga va yingisi.”

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Swivuriso 1:28

Enkarhini wolowo va ta vitana eka mina, kambe ndzi nga ka ndzi nga hlamuli; Va ta ndzi lava, kambe va nga ka va nga ndzi kumi.

Zakariya 7:13

“Leswi a nga vitana, va nga twangiki, va vitanile kutani a ndzi yingisanga,” ku vula Yehovha wa tinyimpi.

Mikiya 3:4

Enkarhini lowo va ta huwelela eka Yehovha, kambe a nga va yingisi; u ta va fihlela mombo wa yena enkarhini lowo, hikuva va onhile ku famba ka vona.

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

2 TIHOSI 22:16

Ndzi ta tisa khombo endhawini leyi ni le henhla ka vaaki va yona, hi marito hinkwawo ya buku leyi hosi ya Yuda yi yi hlayeke.

Yeremiya 11:17

Yehovha wa tinyimpi la ku byaleke u lerisile ku biha ehenhla ka wena, hikwalaho ka ku homboloka ka yindlu ya Israele, ni ka va yindlu ya Yuda, kuloku va ku endleke leswaku va ndzi karihisa hi ku hisela Baali mirhi ya risuna.

Yeremiya 6:19

Wena misava, yingisa! Langutani, ndzi ta tisela tiko leri khombo, yi nga mihandzu ya miehleketo ya vona, hikuva a va yingisanga marito ya mina, kutani va sandzile nawu wa mina.

Esaya 24:17

Nchavo ni rindzi ni ntlhamu swi le henhla ka wena, muaki wa tiko!

Pisalema 18:41

Va huwelela, kambe va pfumala mulweri; Va huwelele eka Yehovha, kambe a nga va hlamulanga.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Amosi 5:19

Swi ta kota munhu loko a balekela nghala, kutani a hlangana ni bere; a nghena endlwini, a tiseketela hi voko ra yena ekhumbini, kutani a lumiwa hi nyoka!

Ezekiele 7:5

“Hosi Yehovha u ri: Khombo, khombo lero vavisa ra ta.

Yeremiya 36:31

Ndzi ta n'wi ba, yena, ni vatukulu va yena ni malandza ya yena, hikwalaho ka ku homboloka ka vona; ndzi va humesela ni vaaki va Yerusalema, ni va yindlu ya Yuda, ku biha hinkwako loku ndzi ku vuleke ehenhla ka vona, kambe a va ndzi yingisanga.’ ”

Yeremiya 35:17

“Hikwalaho Yehovha, Xikwembu xa Israele u vula a ku: Vona, ndzi ta humesela Yuda ni vaaki hinkwavo va Yerusalema, swo biha hinkwaswo leswi ndzi swi vuleke hikwalaho ka vona, hikuva ndzi tshama ndzi vulavula na vona, kambe a va ndzi yingisanga, ndzi va vitanile, kambe a va hlamulanga.”

Yeremiya 23:12

Hikwalaho ndlela ya vona, eka vona yi ta kotisa xivandla xo rhetemuka, swa munyama; va ta susumetiwa, va wela kona, hikuva ndzi ta va humesela makhombo siku ndzi va holovelaka; ku vula Yehovha.

Yeremiya 19:15

“Ku vula Yehovha wa tinyimpi, Xikwembu xa Israele: ‘Vonani, ndzi ta tisela muti lowu ni miti hinkwayo ya lomu makhombo hinkwawo lawa ndzi ma vuleke ehenhla ka yona, hikuva va nonon'hwisile tinhamu ta vona, va nga ti tshuka va yingisa rito ra mina.’ ”

Yeremiya 19:3

u ku: ‘Yingisani rito ra Yehovha, n'wina tihosi ta Yuda ni vaaki va Yerusalema! Yehovha wa tinyimpi, Xikwembu xa Israele u vula a ku: “Langutani, ndzi ta tisa exivandleni lexi ku biha loku, un'wana ni un'wana la ku yingisaka, tindleve ta yena ti ta ku ntswunu,

Yeremiya 15:2

Kambe, kutakuloko va ku eka wena: ‘Xana hi ta ya kwihi?’ U va hlamula, u ku: ‘Yehovha u vula a ku: Lava lulameriwaka hi rifu a va ye eku feni, lava lulameriwaka hi tlhari, etlharini; lava lulameriwaka hi ndlala, endlaleni; ni lava lulameriwaka hi vukhumbi, evukhumbini.’

Yeremiya 11:14

Loko u ri wena, u nga tshuki u khongelela tiko leri, kambe u nga tshuki u tlakusa ku huwelela ni loko xi ri xikhongelo, hikuva siku va vitanaka eka mina hikwalaho ka khombo ra vona, ndzi nga ka ndzi nga va yingisi.

Swivuriso 29:1

Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

Pisalema 66:18

Loko a ndzi anakanyile ku homboloka embilwini ya mina, Hosi a yi nga ta ndzi yingisanga,

2 TIKRONIKA 34:24

‘Yehovha u vurisa sweswo, a ku: “Ndzi ta tisa khombo ehenhla ka ndhawu leyi ni le henhla ka vaaki va yona, hi mirhukano hinkwayo leyi tsariweke ebukwini leyi va yi hlayeke emahlweni ka hosi ya Yuda.

Ntirho 35:13

Xikwembu xi nga ka xi nga twi mikhongelo ya swahava, Lowa matimba hinkwawo a nga ka a nga swi languti.

Yeremiya 14:2

“Yuda wa rila; tihuvo ta yena ti hele matimba, ti tshame hansi; va khomiwe hi tingana, kutani ku huwelela ka Yerusalema, ku tlhandlukile ehenhla.

Yeremiya 18:11

“Kutani sweswi, byela vavanuna va Yuda ni vaaki va Yerusalema, u ku: ‘Yehovha u ri: “Vonani, ndzi mi lunghiserile khombo, kambe ndzi mi endlele makungu layo biha; hundzukani un'wana ni un'wana emikhuveni ya yena leyo biha, kutani mi sasekisa ku famba ka n'wina ni ku endla ka n'wina.” ’

Yeremiya 25:35

“Varisi va ta pfumala vuchavelo, ni ku pona ku ta va hava eka vini va mitlhambi.

Swirilo 2:22

U ndzi rhambele ku chavisa hi matlhelo hinkwawo, kukota loko ngi siku ra nkhuvo; Kutani a ku vanga na la poneke, ni la siyiweke esikwini ra vukari bya Yehovha. Lava ingi ndzi va tsetselele, lava ndzi va kuriseke, La ndzi vengaka u va herisile.

Ezekiele 14:3

“N'wana wa munhu, vanhu valavo va namarhele swikwembu swa vona hi timbilu ta vona, va vekile emahlweni ka vona ribye ra ku khunguvanyisa, leri va dyohisaka. Xana ndzi ta va yingisa-ke?