Yeremiya 10:5 - Xitsonga (Bibele)

⁵ Swifaniso leswi swi kotisa mhandze leyi sasekisiweke kambe a swi vulavuri; swa rhwariwa, hikuva a swi tivi ku famba; mi nga tshuki mi swi chava, a swi endli swo biha; na swona swa tsandzeka ku endla leswo lulama.”

BIBELE Mahungu Lamanene

⁵ Swikwembu swa vona swi fana ni switlakati leswi hayekiwaka ensin'wini ya marhakarhaka ku chavisa tinyanyana: A swi vulavuri, a swi famba-fambi, swo rhwariwa kunene. Hikokwalaho mi nga swi chavi, hikuva swi nge pfuki swi endle nchumu, hambi xo biha kumbe xo saseka!”

Yeremiya 10:5 Referans Kwoze

Esaya 46:7

Va xi tlakula, va xi rhwala ekhatleni, va xi veka endhawini ya xona, kutani xi tshama kona, xi nga suki; hambi va huwelela eka xona a xi hlamuli a xi ponisi munhu enhlomulweni wa yena.

1 Vakorinto 12:2

Ma swi tiva leswaku a mi ri vamatiko lava nga kokeriwa eka swifaniso leswi nga vulavuriki, hilaha mi nga kokiwa hakona.

1 Vakorinto 8:4

Loko ku ri ku dya leswi tlhaveriweke swifaniso, ha swi tiva leswaku xifaniso a hi nchumu emisaveni, hikuva a ku na xikwembu ximbe loko xi nga ri xin'we ntsena.

Habakuku 2:19

U ni khombo la nge eka ntsandze: “Pfuka!” ni ka ribye ra mbheveve: “Yima!” Xana ku ta dyondzisa rona-ke? Vonani, ri namarhetiwe hi nsuku ni silivhere; a ku na moya eka rona.

Esaya 46:1

Bele u wile, Nebo wa tsekatseka swifaniso swa vona swi rhwariwa hi swifuwo ni tihomu; a mi swi rhwala, kutani sweswi swa tikela swifuwo leswi karheleke.

Esaya 45:20

Hlengeletanani, tanani, tshinelani swin'we, n'wina lava seleke exikarhi ka vamatiko! Va pfumala ku twisisa lava rhwalaka xifaniso xa vona xa ntsandze, lava khongelaka xikwembu lexi nga kotiki ku ponisa.

1 TIHOSI 18:26

Kutani va teka nkunzi leyi va yi nyikiweke va yi lunghisa; kutani va khongela Baali ku suka nimixo ku yisa nhlekanhi, va ku: “O Baali, hi hlamule!” Kambe va nga twi rito ra ku hlamula. Kutani va cina hi matimba, va rhendzela alitari leyi va yi endleke.

Yeremiya 10:14

Munhu un'wana ni un'wana u hungukile hi ku pfumala ku tiva; kutani munyukisi un'wana ni un'wana a khomisiwa tingana hi xifaniso xa yena, hikuva xifaniso xa yena i vunwa ntsena, a ku na ku hefemula ka xona.

Duteronoma 4:28

mi ta tirhela kona swikwembu leswi endliweke hi mavoko ya vanhu, wu ri ntsandze ni ribye, leswi nga voniki, ni leswi nga yingisiki ni leswi nga dyiki, ni leswi nga nun'hweteriki.

2 TIKRONIKA 25:15

Kavaloko Yehovha a karihela Amasiya, kutani a n'wi rhumela muprofeta la nga te eka yena: “U lavele yini swikwembu swa tiko leri, leswi nga ponisangiki tiko ra swona evokweni ra wena-ke?”

Esaya 16:12

Kutani, hambi ku voniwa Mowabu a karhala exitsungeni, ni loko a nghena etempeleni ku ya khongela, a nga ka a nga kumi nchumu!