Yeremiya 10:22 - Xitsonga (Bibele)

²² Ku twakala mpfumawulo; maswivo i dzolonga lerikulu leri humeke etikweni ra n'walungu ku ta hundzula miti ya Yuda marhumbi, ni xivandla xa timhungubye.

BIBELE Mahungu Lamanene

²² Yingisani huwa! Ku ni vanhu lava taka, va huma en'walungwini, va tsekatsekisa misava; miti ya Yuda yi ta hundzuka marhumbi ni bako ra timhungubye.

Yeremiya 10:22 Referans Kwoze

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”

Malakiya 1:3

A ndzi ku: “Esawu a a ri makwa Yakobo!” ku vula Yehovha: “kutani, ndzi rhandze Yakobo, kasi Esawu, yena, ndzi n'wi vengile; ndzi onhe tintshava ta yena, ni ndzhaka ya yena ndzi yi nyike timhungubye ta mananga.”

Yeremiya 6:22

Yehovha u vula a ku: “Vonani, tiko ra huma etlhelweni ra n'walungu tiko lerikulu ri humelela, ri huma emakumu ya misava;

Yeremiya 6:1

“Vana va Benjamini, balekani exikarhi ka Yerusalema, mi yimba nanga eTekowa, yimisani xikombiso eBeta-Hakereme, hikuva khombo ri huma etlhelo ra n'walungu, ni ku onha lokukulu.

Yeremiya 5:15

“Langutani, n'wina, yindlu ya Israele, ndzi mi tisela tiko leri nga ekule,” ku vula Yehovha, “tiko ra matimba, tiko ra khale, leri u nga twiki ririmi ra rona, u nga twi leswi ri swi vulaka.

Yeremiya 4:6

Yimisani mujeko hitlhelo ra Siyoni; tsutsumani mi nga yimi, hikuva ndzi ya tlhelo ra n'walungu ku ya teka masangu ni khombo lerikulu.”

Yeremiya 1:15

Kambe vonani, ndzi ta rhamba matiko hinkwawo ya ku fuma ka le n'walungwini,” ku vula Yehovha, “leswaku rin'wana ni rin'wana ri ta veka xiluvelo xa rona emitsendzeleni ya tinyangwa ta Yerusalema, ni le mahlweni ka marhangu hinkwawo ya kona, hi ku rhendzela, ni le mahlweni ka miti hinkwayo ya Yuda.

Esaya 34:13

Mitwa yi ta mila etindlwini ta tihosi ta kona, mahlwehlwe ni swigatlu swi ta mila emakhokholweni ya kona, kutani ri va tiko ra timhungubye ni rivala ra tiyimbhu.

Yeremiya 1:14

Yehovha a ku eka mina: “Khombo leri taka ehenhla ka vaaki hinkwavo va misava ri ta huma etlhelo ra n'walungu.

Yeremiya 4:15

Hikuva nkosi wu huma eDani, wu twakala entshaveni ya Efrayimi, wu vula khombo.

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.

Yeremiya 49:33

Kutani Hasoro u ta va tshanga ra timhungubye ni mananga, hilaha ku nga heriki. Ku nga ka ku nga aki munhu kona, hambi a ri n'wana wa munhu ku tiakela kona.”

Swirilo 1:4

Magondzo ya Siyoni ma rila, hikuva a ka ha ri na lava yaka emikhubyeni; Tinyangwa hinkwato ta yena ti onhakile, Vaprista hinkwavo va yena va hefemuteka, Vanhwanyana va yena va ni tingana, na yena u le nhlomulweni lowukulu.

Ezekiele 12:19

U ta byela vanhu va tiko u ku: Ku vula Yehovha Xikwembu eka vanhu va Yerusalema, etikweni ra Israele, a ku: Va ta dya vuswa bya vona hi gome va ta nwa mati ya vona hi ku hlunama; hikuva tiko ri ta phangiwa hikwalaho ka ku homboloka ka vaaki hinkwavo va rona.”

Yeremiya 2:15

Tinghala ta n'wi mpfandzela, ti pfumisa marito ya tona, kutani ti handzula tiko ra yena, ku va ku onhaka ntsena; miti ya yena yi hisiwile, yi pfumarile vaaki.