Yeremiya 10:2 - Xitsonga (Bibele)

² Yehovha u vula, a ku: “Mi nga tshuki mi titoloveta mikhuva ya matiko, kambe mi nga tshuki mi chavisiwa hi swikombiso swa le tilweni hikuva matiko ma tshukisiwa hi swona.

BIBELE Mahungu Lamanene

² Xi vurisa sweswo xi ri: “Mi nga tshuki mi tolovela mikhuva ya vamatiko, naswona mi nga hlamali mahlori lama humelelaka ematilweni, hikuva lava va ma hlamalaka, hi vona vamatiko volavo.

Yeremiya 10:2 Referans Kwoze

Levhitika 20:23

Mi nga tshuki mi landza mikhuva ya tiko leri ndzi ri hlongolaka emahlweni ka n'wina, hikuva va endlile swilo sweswo hinkwaswo, hakona va ndzi nyenyetsa.

Levhitika 18:3

Mi nga tshuki mi endla leswi va swi endlaka etikweni ra Egipta, laha ingi mi akile kona; mi nga tshuki mi endla leswi va swi endlaka etikweni ra Kanana laha ndzi mi yisaka kona; mi nga tshuki mi landza mikhuva ya vona.

Ezekiele 20:32

Swi nga ka swi nga vi kona leswi taka etimbilwini ta n'wina, loko mi ku: ‘Hi ta fana ni matiko man'wana ni tinxaka ta matiko man'wana, ku luvela ntsandze ni ribye.’

Genesa 1:14

Kutani Xikwembu xi ku: “Swo voninga a swi ve kona empfhukeni wa matilo, swi hambanyisa nhlekanhi ni vusiku, swi va swikombiso swa tinguva, ni masiku ni malembe,

Vaavanyisi 6:10

Ndzi te eka n'wina: “Hi mina Yehovha, Xikwembu xa n'wina, mi nga tshuki mi chava swikwembu swa Vaamori, lava mi akeke etikweni ra vona.” Kambe a mi yingisangi rito ra mina.’ ”

Yeremiya 10:1

Yingisani rito leri Yehovha a mi byelaka rona, n'wina va yindlu ya Israele:

Duteronoma 18:9

“Kutakuloko u nghenile etikweni leri Yehovha, Xikwembu xa wena, a ku nyikaka rona, u nga tshuki u dyondza ku endla swo biha swa matiko lawa.