Yeremiya 10:13 - Xitsonga (Bibele)

¹³ Loko xi tlakusa rito, mati ma hlengeletana ematilweni; kambe xi humesa tihunguva emakun'wini ya misava hi ku hatima xi nisa mpfula, kutani xi humesa moya eku fumeni ka wona.

BIBELE Mahungu Lamanene

¹³ Loko muvumbi a vulavula, mati ya le henhla ma hakasiwa, mapapa ma tlakuka ma huma evugimamusi; loko a hatimisa rihati, mpfula ya na, moya wu huma laha yena a wu hlayiseke kona.

Yeremiya 10:13 Referans Kwoze

Pisalema 135:7

Hi yena la tlakusaka mapapa emakumu ka misava, La hatimisaka tilo, a nisaka mpfula, A humesaka mimoya evuhlayiselweni byakwe.

Ntirho 38:22

“Xana u fikele evuhlayiselweni bya gamboko? Xana u vonile laha xihangu xi hlayisiwaka kona-ke?

Pisalema 18:13

Yehovha u pfuma ematilweni Loya nge henhla a twakarisa rito ra yena, Ku va ni xihangu ni makala lama vavamelaka.

Pisalema 147:8

U eneta tilo hi mapapa, u nisa mpfula emisaveni, U mirisa byanyi etintshaveni.

Pisalema 135:17

Swi ni tindleve, kambe a swi twi, Ku hefemula a ku kona emilon'wini ya swona.

Pisalema 68:33

Hi yena la taka ematilweni, ematilweni lama nga riki na makumu! Vonani, u twarisa rito ra yena, rito ra matimba,

1 TIHOSI 18:41

Eliya a ku eka Akabu: “Tlhandluka, u ya dya, u nwa, hikuva ku twala mpfula.”

Eksoda 9:23

Kavaloko Muxe a yimisa nhonga ya yena ehenhla, kutani Yehovha a pfumisa tilo a nisa ni xihangu, ni ndzilo a wu pfurha emisaveni; Yehovha a nisa xihangu etikweni ra Egipta.

Zakariya 10:1

Kombelani mpfula eka Yehovha hi nkarhi wa timpfula ta xirimo! Yehovha u ta humesa tihati; kutani u ta va nyika mpfula ya dzonga, a nyika un'wana ni un'wana leswi milaka ensin'wini ya yena.

Genesa 2:5

A ku nga si va kona ximudyana ni xin'we xa nhova emisaveni, ni byanyi hinkwabyo bya nhova a byi nga si mila, hikuva Yehovha Xikwembu a a nga si nisa mpfula emisaveni, kutani a ku nga si va na munhu la rimaka misava.

Pisalema 104:13

U chelete tintshava, a ri endlwini ya yena leyi tlakukeke, Misava yi xurha mihandzu ya mitirho ya wena.

Yeremiya 51:16

Hi mpfumawulo wa rito ra yena, mati ma hlengeletana ematilweni; wa humesa mapapa emakun'wini ya misava; hi tindlati u nisa mpfula, kutani u humesa moya evuhlayiselweni bya yena.

Amosi 4:13

Hikuva vona, la tumbuluxeke tintshava, la endleke moya, la tivisaka munhu leswi anakanyiweke hi yena, la hundzulaka nhlekanhi munyama, la fambaka eswivandleni leswi tlakukeke swa misava, vito ra yena i Yehovha, Xikwembu xa mavandla.

Yeremiya 5:24

Kambe a va tilayi etimbilwini ta vona, va ku: ‘Hi fanele ku chava Yehovha, Xikwembu xa hina, la hi nyikaka, mpfula yo rhanga ni ya hlovo enkarhini wa yona, la hi hlayiselaka mavhiki lama vekiweke ya ku tshovela.’

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Yeremiya 19:12

Ndzi ta endlisa sweswo xivandla lexi ni vaaki va kona, ku vula Yehovha, ndzi ta endla muti lowu ku fana na Tofete.