Yeremiya 10:12 - Xitsonga (Bibele)

¹² Hi xona xi nga endla misava hi matimba ya xona, xi tiyisile ntumbuluko hi vutlhari bya xona, kutani hi ku twisisa ka xona, xi andlarile matilo.

BIBELE Mahungu Lamanene

¹² HOSI Xikwembu hi xona lexi tumbuluxeke misava hi ntamu wa xona, xi veka masungulo ya yona hi vutlhari, xi vamba ni matilo ha byona.

Yeremiya 10:12 Referans Kwoze

Ntirho 9:8

Hi yena ntsena la anekaka matilo, A famba emitsungeni ya lwandle.

Genesa 1:1

Eku sunguleni Xikwembu xi tumbuluxile tilo ni misava.

Swivuriso 3:19

Yehovha u khingele misava hi vutlhari, U yimise matilo hi ku anakanya.

Esaya 40:22

Hi yena la tshameke empfhukeni, ehenhla ka xirhendzevutana xa misava, kutani vaaki va yona va fana ni tinjiya. U andlala matilo tanihi nguvu leyo vevuka, u ma andlala tanihi tende a ma endla vuako bya yena.

Vakolosa 1:16

Hikuva swilo hinkwaswo swi tumbuluxiwile ha yena, le matilweni ni la emisaveni, leswi voniwaka ni leswi nga voniwiki, ni xiluvelo, ni vuhosi, ni tindhuna, ni vafumi. Hinkwaswo swi tumbuluxiwe hi yena, kambe swi endleriwe yena.

Yohane 1:3

Swilo hinkwaswo swi endliwile hi rona, kutani exikarhi ka swilo leswi endliweke, a ku na xilo lexi endliweke handle ka rona.

Pisalema 24:2

Hikuva u yi sungurile ehenhla ka malwandle, U yi tiyisile ehenhla ka milambu.

Zakariya 12:1

Vuprofeta bya rito ra Yehovha ehenhla ka Israele: Ku vurile Yehovha la andlaleke matilo, la vangeke misava, la vumbeke moya wa munhu eka yena:

Yeremiya 32:17

“ ‘Oho! Hosi Yehovha, vona, hi wena la endleke matilo ni misava hi matimba ya wena lamakulu, ni voko ra wena leri tshambulukeke; a ku na nchumu lowu ku tsandzaka.

Yeremiya 10:13

Loko xi tlakusa rito, mati ma hlengeletana ematilweni; kambe xi humesa tihunguva emakun'wini ya misava hi ku hatima xi nisa mpfula, kutani xi humesa moya eku fumeni ka wona.

Esaya 49:8

U vula sweswo Yehovha: “Enkarhini wa tintswalo, ndzi ku yingisile, hi siku ra ku hlayiseka, ndzi ku pfunile; ndzi ku tumbuluxile, ndzi ku tiyisile leswaku u lulamisa ntwanano ni tiko, ni ku pfuxa tiko, ku nyika vanhu tindzhaka leti onhakeke,

Esaya 48:13

Hi rona voko ra mina leri akeke masungulo ya misava, i voko ra mina ra xinene leri andlaleke matilo; ndza ma vitana, ma tumbuluka kan'we.

Esaya 45:18

Hikuva u vurile sweswo Yehovha, la endleke matilo, xona Xikwembu lexi endleke misava ni ku yi vumba lexi yi sunguleke xi ri xona; a nga yi endlanga mananga, kambe u yi endlile leswaku yi akiwa. “Hi mina Yehovha, ku hava un'wana!

Esaya 45:12

Hi mina la endleke misava, la vumbeke munhu ehenhla ka yona. Hi mina ndzi endleke matilo hi mavoko ya mina; hi mina loyi ndzi fumaka nyimpi ya wona hinkwayo.

Esaya 44:24

U vula sweswo Yehovha, Mukutsuri wa wena, la ku vumbeke ekhwirini ra mana wa wena: “Hi mina Yehovha la endleke swilo hinkwaswo, la andlaleke matilo ni misava, ndzi ri ndzexe.

Esaya 42:5

La vulaka sweswo i Yehovha la tumbuluxeke matilo loyi a ma andlaleke, la anekeke misava ni swo mila swa yona, loyi a nyikeke moya eka lava akeke eka yona, ni ku hefemula ka lava fambaka eka yona.

Pisalema 104:24

Oho Yehovha! Mitirho ya wena yi tarisile ku yini! U yi endlile hinkwayo hi vutlhari; Misava yi tele rifuwo ra wena.

Pisalema 33:6

Matilo ma endliwile hi rito ra Yehovha, Ni vandla hinkwaro ra wona hi ku hefemula ka nomu wa yena.

Swivuriso 30:4

I mani la tlhandlukeleke etilweni a tlhela a xikela kona? I mani la fumbarheleke mheho hi swandla swa yena? La hlengeleteke mati hinkwawo engubyeni ya yena, i mani xana? I mani loyi a tumbuluxeke matlhelo hinkwawo ya misava? Vito ra yena i mani? I mani vito ra n'wana wa yena loko u n'wi tiva?

Pisalema 119:90

Vutshembeki bya wena byi tshama eka vatukulu ni vatukulwana; U sungurile misava, kutani yi tama ya ha tiyile.

Pisalema 78:69

Kutani xi aka vukwetsimelo bya xona tani hi tindhawu leti tlakukeke. Tanihi misava leyi xi nga yi tiyisa hi laha ku nga heriki.

Ntirho 26:7

Xi andlala n'walungu, ehenhla ka xibakabaka, Xi lengeleta misava ehenhla ka hava.

Pisalema 104:2

U tifunengete hi ku vonakala kukotisa nkumba, U andlale matilo kukotisa tende.

Pisalema 93:1

Yehovha wa fuma, u ambele vukulukumba, Matimba i xiambalo xa Yehovha, ni vamba ra yena; Hikwalaho misava yi tiyile, yi nga tsekatseki.

Genesa 2:5

A ku nga si va kona ximudyana ni xin'we xa nhova emisaveni, ni byanyi hinkwabyo bya nhova a byi nga si mila, hikuva Yehovha Xikwembu a a nga si nisa mpfula emisaveni, kutani a ku nga si va na munhu la rimaka misava.

Ntirho 37:18

Xana u nga tiva ku andlala xibakabaka xa le tilweni kukotisa yena, U xi tiyisa kukota xivonivoni xa nsimbhi leyi chuluriweke?

Esaya 37:16

“Yehovha, Xikwembu xa Israele, la tshamiseke exikarhi ka tikerubu! Wena ntsena u Xikwembu xa matiko hinkwawo ya misava; hi wena la endleke matilo ni misava.

Yeremiya 10:16

Ku averiwa ka Yakobo a ku kotisi leswo tano, hikuva hi yena la vumbeke swilo hinkwaswo, kutani Israele i tiko leri nga ndzhaka ya yena; Yehovha wa tinyimpi i vito ra yena.

Yeremiya 27:5

“ ‘Hi mina ndzi endleke misava, ni vanhu, ni swiharhi leswi nga ehenhla ka misava, hi matimba ya mina lamakulu, ni voko ra mina leri tshambulukeke, ndzi yi nyika loyi ndzi swi rhandzaka ku n'wi nyika yona.

1 TIKRONIKA 16:26

Hikuva swikwembu hinkwaswo swa vamatiko i swifaniso ntsena, Kambe Yehovha u endlile matilo.

Pisalema 65:7

U miyeta ku pfuma ka malwandle, Ni ku pfuma ka magandlati ya wona, Ni pongo ra matiko.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.