Yeremiya 10:11 - Xitsonga (Bibele)

¹¹ “Mi ta va byerisa sweswo, mi ku: ‘Swikwembu leswi nga ka swi nga endli tilo ni misava, swona swi ta susiwa emisaveni ni le hansi ka matilo.’ ”

BIBELE Mahungu Lamanene

¹¹ Vanhu lava a va tivisiwe mhaka leyi nge: “Swikwembu leswi nga vumbangiki tilo kumbe misava, swi ta nyamalala kwala misaveni, swi herisiwa ehansi ka tilo!”

Yeremiya 10:11 Referans Kwoze

Pisalema 96:5

Hikuva swikwembu hinkwaswo i swifaniso ntsena, Kasi Yehovha u endlile matilo.

Esaya 2:18

Swifaniso hinkwaswo swa swikwembu swi ta pfumaleka.

Zakariya 13:2

Hi siku rolero, ku vula Yehovha wa tinyimpi! Ndzi ta susa emisaveni mavito ya swifaniso, a swi nga tshami swi tsundzukiwa, na vona vaprofeta, ndzi ta va rhurhisa emisaveni ni moya lowa thyaka.

Sofoniya 2:11

Yehovha u ta chavisa ehenhla ka vona, hikuva u ta herisa swikwembu hinkwaswo swa misava; va ta ta n'wi khinsamela, un'wana ni un'wana hi ku suka exivandleni xa yena, swi nga swihlale hinkwaswo swa matiko.

Swirilo 3:66

U va hlongorisa hi vukari bya wena, Kutani u va herisa ehansi ka matilo, oho Yehovha!”

Yeremiya 51:18

Xilo sweswo i mavunwa, i ntirho wo soleka; nkarhi swi holoveriwaka swi ta hela.

Yeremiya 10:15

Swilo sweswo i vuhava, i mitirho ya ku kanganyisa; siku swi tshinyiwaka swi ta hela.

Nhlavutelo 20:2

kavaloko yi khoma dragona, nyoka ya khale, a nga Diyavulosi na Satana; yi n'wi bohela malembe ya khume ra madzana.

1 SAMIELE 5:4

Siku leri tlhandlamaka va Axidodo va pfuka kambe nimixo, kutani maswivo Dagona a wile hansi emombyeni emahlweni ka areka ya Yehovha; nhloko ya Dagona ni mavoko mambirhi ya yena swi tsemekile, swi ri exitulwini xa nyangwa; ku sele miri ntsena.

Esaya 57:12

Ndzi ta vula ku lulama ka wena, kutani mitirho ya wena, a yi nga ku pfuni nchumu.

Yeremiya 43:12

“ ‘Ndzi ta tshivela ndzilo etindlwini ta swikwembu swa Egipta, Nebukadnetsara, u ta ti hisa, a yisa swikwembu ekhotsweni, u ta tifunengeta hi tiko ra Egipta kukota murisi loko a funengela nguvu ya yena, u ta suka kona hi ku tsaka.

Yeremiya 43:13

U ta tshovelela swifaniso swa Beta-Xemexe etikweni ra Egipta, ni tindlu ta swikwembu swa Egipta a ti hisa hi ndzilo.’ ”

Yeremiya 50:2

“Tivisani sweswo exikarhi ka matiko, mi ti twarisa, mi yimisa mujeko; va byeleni, mi nga fihli, mi ku: ‘Babilona u khomiwile, Bele u khomisiwe tingana, Merodaka u tshoviwile; swifaniso swa yena swi khomisiwile tingana, swikwembu swa yena swi tshoviwile.’

Ezekiele 30:13

“Hosi Yehovha u ri: Ndzi ta lovisa ni swifaniso, ndzi herisa swikwembu swahava eNofu; a ku nga ha vi na hosi ya tiko ra Egipta; na swona ndzi ta veka ku chava etikweni ra Egipta.