Yeremiya 10:10 - Xitsonga (Bibele)

¹⁰ Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

BIBELE Mahungu Lamanene

¹⁰ Kasi HOSI yona, hi yona yi nga Xikwembu xa ntiyiso; i Xikwembu lexi hanyaka, lexi fumaka hilaha ku nga heriki. Vukari bya xona byi tsekatsekisa misava, loko xi hlundzukile, vamatiko va nge swi tiyiseli.

Yeremiya 10:10 Referans Kwoze

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Pisalema 76:7

Wena, wa chaveka! I mani la nga yimaka emahlweni ka wena, Loko vukari bya wena byi pfuka?

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Pisalema 42:2

Moya wanga wu ni torha ra Xikwembu, ra Xikwembu lexi hanyaka. Ndzi ta ya rini, ndzi humelela emahlweni ka Xikwembu xana?

Pisalema 100:5

Hikuva u ni tintswalo, vunene bya yena i bya masiku, Ni ku tshembeka ka yena etinxakeni ta tinxaka.

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.

Pisalema 31:5

Ndzi nyiketa moya wa mina emavokweni ya wena; U ta ndzi kutsula, wee Yehovha, Xikwembu xa ku tshembeka!

Pisalema 10:16

Yehovha i hosi hi masiku, hilaha ku nga heriki; Vamatiko va herisiwa emisaveni ya yena.

Pisalema 18:7

Misava yi va yi tsekatseka, yi rhurhumela, Masungulo ya tintshava ma susumetiwa, Ma tsekatseka, hikuva a a karihile.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

1 Timotiya 1:17

Eka Hosi ya mikarhi, leyi nga riki na ku bola ni ku voniwa, eka Xikwembu xi ri xin'we xa vunene, a ku ve ku chaviwa, ni ku twala hi mikarhi ni mikarhi! Amen!

1 Vatesalonika 1:9

Hikuva vanhu va rungula maenghenelo ya hina eka rikwenu, ni hilaha mi nga hundzukela hakona eka Xikwembu, mi fularhela swifaniso ku tirhela Xikwembu lexi hanyaka, xa ntiyiso;

Timhaka 14:15

“Vavanuna, mi endlisela yini sweswo xana? Kasi na hina hi vanhu lava fanaka na n'wina hi ntumbuluko; kutani ho mi byela leswaku mi tshika timhaka leti ta swahava, ni leswaku mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga eka swona;

Malakiya 3:2

Kambe i mani la nga tshamelaka siku ra ku ta ka yena? I mani la nga yimaka eku fikeni ka yena? Hikuva u kotisa ndzilo wa mun'okisi, ni xisibi xa vahlantswi.

Habakuku 3:6

A yima, kutani a pima misava; a languta, kutani a rhurhumerisa matiko; tintshava ta khale ti mbundzuka, switsunga swa khale swi byatsama. Tindlela ta yena i ta khalekhale.

Mikiya 1:4

Tintshava ti ta n'oka ehansi ka yena, ni mikova yi ta handzuka, kukotisa swihlenga swa tinyoxi loko swi ri kusuhi ni ndzilo, ni mati loko ma halatiwa laha ku rhelelaka.

Pisalema 146:6

U endlile matilo ni misava, Elwandle ni hinkwaswo leswi nga ka rona. U hlayisa rito ra ntiyiso hi laha ku nga heriki.

Pisalema 145:13

Ina, ku fuma ka wena i ku fuma ka mikarhi hinkwayo, Ni vuhosi bya wena byi kona ku yisa etinxakeni leti nga heriki.

Pisalema 114:7

Wena, misava, rhurhumela emahlweni ka Hosi! Emahlweni ka Xikwembu xa Yakobo,

Pisalema 104:32

A languta misava, kutani yi rhurhumela; U khumba tintshava, kutani ti huma musi.

Pisalema 97:4

Rihati ra yena ri voningela misava, Misava ya ri vona, ya rhurhumela.

Pisalema 93:2

Xiluvelo xa wena xi tiyile ni le mikarhini ya khale; Ana u ri kona emikarhini leyi nga riki na ku sungula.

Pisalema 90:11

I mani la tsundzukaka matimba ya vukari bya wena, Ni ku hlundzuka ka wena hi ku chavisa loku ku fanelaka!

Pisalema 84:2

Moya wa mina wu hisekela ni ku navela rikupakupa ra yindlu ya Yehovha, Mbilu ni nyama ya mina swi huwelela eka Xikwembu lexi hanyaka.

Pisalema 77:18

Ku pfuma ka wena ku twakele exihuhurini, Tihati ti voningile misava, Misava yi tsekatseka, yi rhurhumela.

Ntirho 9:6

U tsekatsekisa misava emasungulweni ya yona, Timhandze ta yona ta dzedzemela.

2 TIKRONIKA 15:3

Enkarhini lowo leha, Israele u pfumarile Xikwembu lexi nga xona, ni muprista la dyondzisaka, ni nawu;

1 TIHOSI 18:39

Tiko hinkwaro ri swi vona, va khinsama hi mimombo ya vona, va ku: “Xikwembu i Yehovha! Xikwembu i Yehovha!”

1 SAMIELE 17:36

Sweswo nandza wa wena u dlayile nghala hambi yi ri bere, kutani Mufilista loyi, wa khuna u ta kotisa xin'wana xa swona, hikuva u sandzile tinyimpi ta Xikwembu lexi hanyaka.”

1 SAMIELE 17:26

Davhida a ku eka vavanuna lava yimeke ekusuhi na yena: “Xana va ta endla yini eka loyi a nga ta hlula Mufilista loyi, a susa xisandzu ehenhla ka Israele? I mani Mufilista loyi, la nga yimbangiki, leswi a sandzaka mavandla ya Xikwembu lexi hanyaka?”

Vaavanyisi 5:4

Oho! Yehovha, kuteloko u suke eSeyira, Loko u huma etikweni ra Edomu, Misava yi tsekatseka, matilo ma n'oka, Ni mapapa ma tshona mati.

Duteronoma 5:26

Hikuva va kwihi vanhu lava nga yingisa kukotisa hina rito ra Xikwembu lexi hanyaka loko xi vulavula endzilweni, kutani va sala va hanya?

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Matewu 26:63

Kambe muprista lonkulu a engeta a vulavula, a ku eka yena: “Ndzi ku hlambanyisa hi Xikwembu lexi hanyaka, leswaku u hi byela swinene xana u Kriste, N'wana wa Xikwembu-ke?”

Matewu 16:16

Kutani Simoni Petro a angula, a ku: “U Kriste, N'wana wa Xikwembu lexi hanyaka.”

Habakuku 3:10

U handzula misava ku yi hundzula milambu. Tintshava ta ku vona, kutani ta tsekatseka; ku hundza ndhambi ya mati swidziva swi tlakusa rito ra swona, swi yimisela mavoko ya swona ehenhla.

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Daniele 7:14

Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Daniele 4:34

Eku heleni ka masiku walawo, mina, Nebukadnetsara, ndzi tlakuse mahlo ya mina ehenhla, kutani ku titiva ku tlhelela eka mina. Ndzi vonga La nge henhlahenhla, ndzi dzunisa, ndzi kurisa loyi a hanyaka hilaha ku nga heriki, loyi ku fuma ka yena ku nga ku fuma loku nga heriki, loyi vuhosi bya yena byi sukaka erixakeni rin'wana ku yisa etinxakeni leti nga heriki.

Daniele 4:3

Swikombiso swa xona, kasi swonghasi! Ni masingita ya xona ma ni matimba wonghasi! Vuhosi bya xona i vuhosi Lebyi nga heriki, ni ku fuma ka xona ku tshama etinxakeni leti nga heriki.

Yeremiya 23:36

Kambe ‘masungulo ya Yehovha’ a mi nga ha tshami mi ma vula sweswo, hikuva un'wana ni un'wana u ta biwa hikwalaho ka rito ra yena; hikuva mi soholote marito ya Xikwembu lexi hanyaka a nga Yehovha wa mavandla, Xikwembu xa hina.

Esaya 37:17

Oho Yehovha! Rhiya ndleve, u yingisa; oho Yehovha! Pfula mahlo ya wena u vona; u yingisa marito ya Senakeribi, lawa a ma rhumeleke ku sandza Xikwembu lexi hanyaka.

Esaya 37:4

Kumbe Yehovha, Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, xi ta avanyisa marito lawa a ma yingiseke, kutani u ta humesela tiko lera ha seleke xikhongelo.’ ”

Pisalema 68:11

Hosi yi letele rito, Kutani vavasati lavo tala va vika mahungu lamanene,

Genesa 21:33

Kutani Abrahama a byala mikuhlu eBerexeba, a khongela kona vito ra Yehovha, Xikwembu xa mikarhi leyi nga heriki.

1 TIHOSI 8:60

matiko hinkwawo ya misava ma ta tiva leswaku Xikwembu i Yehovha, ni leswaku a ku na xin'wana.

Pisalema 29:10

Yehovha a a fuma enguveni ya ndhambi; Yehovha u ta fuma a ri Hosi hi laha ku nga heriki.

Pisalema 68:8

Misava ya tsekatseka, na wona matilo ma nyuka emahlweni ka Xikwembu, Sinayi loyi a tsekatseka emahlweni ka Xikwembu, Xikwembu xa Israele.

Pisalema 90:2

Loko tintshava ti nga si tumbuluka, Loko u nga si vumba misava, ni swilo hinkwaswo, Hi mikarhi ni mikarhi, u Xikwembu.

Esaya 40:15

Vonani, emahlweni ka yena, matiko ma fana ni thonsi leri tengatengaka embiteni, ma fana ni ntshuri lowu nga exikalweni. Vonani swihlale, eka yena, swi fana ni ntshuri lowu nga empfhukeni.

Esaya 65:16

“Mani na mani la nga ta rhandza ku katekisiwa etikweni, u ta rhandza ku katekisiwa hi Xikwembu xa ntiyiso, kutani un'wana na un'wana la nga ta hlambanya, u ta hlambanya hi Xikwembu xa ntiyiso; hikuva nhlomulo wo sungula wu ta rivariwa, wu ta va wu hundzile emahlweni ka mina.

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

Yeremiya 4:24

Ndzi languta tintshava, vonani, ta rhurhumela, ni switsunga hinkwaswo swa tsekatseka.

Yeremiya 50:46

Siku va huwelelaka, va ku: Babilona u phangiwile! Tiko ra tsekatseka, rito ra mikosi ri twala ematikweni!”

Yeremiya 51:29

“Misava yi tsekatseka, yi rhurhumela, hikuva makungu ya Yehovha ma karhi ma endlakala ehenhla ka Babilona ku hundzula misava ya Babilona emananga ntsena, yi nga ri na muaki.

Yoxuwa 3:10

Kutani Yoxuwa a ku: “Mi ta tiva hi lexi, leswaku ku ni Xikwembu lexi hanyaka exikarhi ka n'wina, ni leswaku xi ta hlongola kunene emahlweni ka n'wina Vakanana, ni Vahiti, ni Vahivhi, ni Vaperesi, ni Vagirigaxi, ni Vaamori, ni Vayebusi.

1 TIKRONIKA 29:11

Eka wena Yehovha ku ve vukulu, ni matimba ni ku twala, ni ku kwetsima, ni vuhosi, hikuva hinkwaswo leswi nga etilweni ni le misaveni, swi na wena; eka wena Yehovha, ku ve ku fuma, wena la titlakuseke ku va hosi ehenhla ka swilo hinkwaswo!

Pisalema 9:8

U ta avanyisa misava hi ku lulama, A nyiketa matiko eku avanyiseni loku lulameke.

Pisalema 74:12

Xikwembu i Hosi ya nga ku sukela emikarhini ya khale, Xona lexi ponisaka la emisaveni.

Pisalema 76:8

Hi le henhla etilweni, u tivisile ku avanyisa ka wena, Kutani misava yi miyele hi ku chava,

Pisalema 100:3

Mi pfumela leswaku yena Yehovha i Xikwembu! Hi yena la nga hi endla, a hi hina; Hi tiko ra yena, ni ntlhambi lowu a wu rixaka.

Esaya 40:28

A ku swi tivi xana? A ku swi twanga xana? I Xikwembu lexi nga heriki, yena Yehovha la tumbuluxeke makumu ya misava; a nga karhali, a nga heri matimba, a nga kona la kambeke vutlhari bya yena.

Daniele 6:27

Hi yena muponisi ni muhanyisi: xi endle swikombiso ni masingita ematilweni ni le misaveni, hi xona lexi poniseke Daniele emin'waleni ya tinghala.”

Nahume 1:5

Tintshava ti tsekatseka emahlweni ka yena, switsunga swa n'oka, misava ya kukumuka emahlweni ka yena, tiko ra vanhu, ni hinkwaswo leswi nga eka rona.