Yeremiya 1:19 - Xitsonga (Bibele)

¹⁹ Va ta lwa na wena, kambe va nga ka va nga ku hluri, hikuva ndzi na wena ku ku lwela,” ku vula Yehovha.

BIBELE Mahungu Lamanene

¹⁹ Va ta lwa na wena, kambe va ta tsandzeka ku ku hlula, hikuva mina HOSI ndzi ta va na wena ndzi ku lamulela.”

Yeremiya 1:19 Referans Kwoze

Yoxuwa 1:9

Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

Yeremiya 1:8

U nga chavi, hikuva ndzi na wena ku ku lwela,” ku vula Yehovha.

Yeremiya 20:11

Kambe Yehovha u le ka mina kukotisa nhenha leya matimba; hikwalaho, lava ndzi xanisaka va ta khunguvanyeka, kutani va nga ka va nga hluri nchumu; va ta khomisiwa tingana ngopfu hikuva a va tlharihanga; ti ta va tingana leti nga heriki, leti nga riki na ku rivariwa.

Pisalema 129:2

Va ndzi xanisile swonghasi ka ha ri mpfhuka ndzi ri lontshwa, Kambe a va ndzi hlulanga.

Yeremiya 11:19

Loko ndzi ri mina a ndzi kotisa nyimpfu leyo rhula leyi yisiwaka eku tlhaviweni, a ndzi nga swi tivi leswaku va kanerile makungu ehenhla ka mina, lama nge: “A hi dlayeni murhi ni swakudya swa wona Hi wu heta emisaveni ya lava hanyaka, kutani vito ra yena ri nga ha tshami ri tsundzukiwa!”

Timhaka 26:17

hikuva ndzi ta ku lwela etikweni leri, ni le matikweni lawa ndzi ku rhumelaka eka wona,

Tinhlayo 14:9

Ntsena mi nga tshuki mi pfukela Yehovha; loko mi ri n'wina, mi nga chaveni vanhu va tiko leri, hikuva swi ta va swakudya swa hina; ndzhuti wa vona wu sukile ehenhla ka vona, kasi Yehovha u na hina, mi nga tshuki mi va chava.”

Yeremiya 1:18

Languta, namuntlha, mina ndzi ku endla muti wa khokholo, ni mhandze ya nsimbhi, ni rirhangu ra koporo emahlweni ka tiko hinkwaro, ni le mahlweni ka tihosi ta Yuda, ni le mahlweni ka vakulukumba va kona, ni le mahlweni ka vaprista va kona, ni le mahlweni ka vanhu va tiko.

Yeremiya 2:1

Rito ra Yehovha ri humelele eka mina, ri ku:

Yeremiya 30:11

Hikuva, ndzi na wena ku ku ponisa, ku vula Yehovha; hikuva ndzi ta heta hinkwako matiko hinkwawo lawa ndzi ku hangalaseke ka wona; kambe wena ndzi nga ka ndzi nga ku herisi, ndzi ta ku laya hi ku lulama, a ndzi nga ku tshiki ntsena u nga avanyisiwanga.

Yeremiya 42:11

Mi nga chavi hosi ya Babilona, leyi mi yi chavaka; mi nga yi chavi, ku vula Yehovha hikuva ndzi na n'wina, ku mi hanyisa ni ku mi lamulela emandleni ya yena.

Yeremiya 46:28

Wena u nga chavi nandza wanga, Yakobo, ku vula Yehovha, hikuva ndzi na wena; hikuva ndzi ta herisa matiko hinkwawo lawa ndzi ku hangalaseleke exikarhi ka wona; loko u ri wena ndzi nga ka ndzi nga ku herisi, ndzi ta ku holovela hi mpimo; hikuva ndzi tsandzeka ku ku tshika u nga layiwi.”

Daniele 3:25

A engeta a ku: “Vonani, ndzi vona mune wa vanhu va famba exikarhi ka ndzilo va tshunxekile va nga vavisiwanga; kutani nghohe ya lowa vumune yi kotisa ya n'wana wa swikwembu.”

Yeremiya 11:21

“Hikwalaho, Yehovha a nga vula, ehenhla ka vanhu va Anatoto, lava lavaka vutomi bya wena, lava nge: ‘U nga ha tshami u profeta hi vito ra Yehovha leswaku, u nga fi hi mavoko ya hina!’

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Yeremiya 20:10

Hikuva ndzi twile ku hleva ka lavo tala; ku chavisa ku ndzi rhendzele hi matlhelo hinkwawo: “N'wi hleveni, hi ta n'wi hehla.” Hinkwavo lava ngi ndzi twanana na vona, lava langutelaka ku khunguvanyeka ka mina, va ri: “Ingi a nga kanganyisiwa, kutani hi n'wi hlula leswaku hi tirihisela eka yena!”

Yeremiya 26:8

Kuteloko Yeremiya a hetile ku vulavula hinkwako loku Yehovha a n'wi leriseke ku byela tiko hinkwaro, vaprista ni vaprofeta, ni tiko hinkwaro, va n'wi khoma, va ku: “U ta fela makumu!

Yeremiya 39:17

Kambe ndzi ta ku lamulela esikwini rolero, ku vula Yehovha, u nga ka u nga nyiketiwi emavokweni ya vanhu volavo u va chavaka.