Yeremiya 1:14 - Xitsonga (Bibele)

¹⁴ Yehovha a ku eka mina: “Khombo leri taka ehenhla ka vaaki hinkwavo va misava ri ta huma etlhelo ra n'walungu.

BIBELE Mahungu Lamanene

¹⁴ Hiloko HOSI Xikwembu xi ku ka mina: “Vaaki hinkwavo va tiko leri, ndzi ta va vangela khombo ri ta hi le n'walungwini.

Yeremiya 1:14 Referans Kwoze

Yeremiya 10:22

Ku twakala mpfumawulo; maswivo i dzolonga lerikulu leri humeke etikweni ra n'walungu ku ta hundzula miti ya Yuda marhumbi, ni xivandla xa timhungubye.

Yeremiya 6:1

“Vana va Benjamini, balekani exikarhi ka Yerusalema, mi yimba nanga eTekowa, yimisani xikombiso eBeta-Hakereme, hikuva khombo ri huma etlhelo ra n'walungu, ni ku onha lokukulu.

Yeremiya 4:6

Yimisani mujeko hitlhelo ra Siyoni; tsutsumani mi nga yimi, hikuva ndzi ya tlhelo ra n'walungu ku ya teka masangu ni khombo lerikulu.”

Esaya 41:25

“Ndzi n'wi vitanile, a huma en'walungwini, kutani u ta hi le vuxeni, a khongela hi vito ra mina. U kandziyela va matimba endzhopeni, tanihi vumba lebyi muvumbi a byi kandziyelaka.

Ezekiele 1:4

A ndzi languta, kutani ku huma en'walungwini emheho leya matimba, ni papa lerikulu, ni ndzilo lowukulukumba lowu nga voninga hi matlhelo hinkwawo; exikarhi ka wona a ku vonaka xilo lexi nga fana ni koporo leyi vangamaka swinene.

Yeremiya 50:41

“Vonani, ri ta ta tiko leri humaka en'walungwini, kutani tiko lerikulu ni tihosi to tala ti ta huma emakun'wini ya misava.

Yeremiya 50:9

Hikuva ndzi ta pfuxa, ndzi humesela Babilona nhlengeletano ya matiko lamakulu ya le misaveni ya n'walungu, kutani va ta n'wi phalalela; ku va kona a khomiwaka. Miseve ya vona yi kotisa ya tinhenha leto tlhariha, ti nga ka ti nga vuyi mahala.

Yeremiya 46:20

“Egipta i thokazi lero saseka ngopfu: Muonhi u huma etlhelo ra n'walungu, wa fika.

Yeremiya 31:8

“Vonani, ndzi ta va vita etikweni ra le dzongeni, ndzi va hlengeleta emakun'wini ya misava. Exikarhi ka vona ku ni lowo fa mahlo ni lowo khwita, la tikeke ni ntswendyana, swin'we va ta tlhelela halenu va tele ngopfu.

Yeremiya 6:22

Yehovha u vula a ku: “Vonani, tiko ra huma etlhelweni ra n'walungu tiko lerikulu ri humelela, ri huma emakumu ya misava;

Esaya 14:31

“Wena nyangwa, kolola! Bana huwa, wena muti! Wena tiko hinkwaro ra Vafilista, hela mbilu! Hikuva ku ta huma musi lowu humaka en'walungwini. A ku na la nyengaka emavandleni ya valala!”

Yeremiya 11:17

Yehovha wa tinyimpi la ku byaleke u lerisile ku biha ehenhla ka wena, hikwalaho ka ku homboloka ka yindlu ya Israele, ni ka va yindlu ya Yuda, kuloku va ku endleke leswaku va ndzi karihisa hi ku hisela Baali mirhi ya risuna.

Yeremiya 47:2

Ku vula Yehovha: “Vona, mati ma karhi ma tlhandluka ma huma etlhelo ra n'walungu; i boboma leri tihalakelaka, ri funengeta misava, ni lava yi teleke vona, ni miti ni lava akeke eka yona.

Ezekiele 24:3

U nga vulavula hi xifaniso eka yindlu ya vakaneti, u ku eka vona: Hosi Yehovha u ri: Tseleka mbita exitikweni, u yi tseleka, u yi chela mati.

Yuwele 2:20

“Loko xi ri xirha xexo lexi humaka etlhelo ra n'walungu, ndzi ta xi susa exikarhi ka n'wina, ndzi xi hlongolela etikweni leri omeke; mavandla ya xona lama xi rhangelaka emahlweni, ndzi ta ma hoxa elwandle ra le vuxeni, ni ya le ndzhaku ndzi ma susumetela elwandle ra le vupeladyambu; kutani ku nun'hwa ka xona ku ta humela ehandle ku bola ka xona ku ta hangalaka, hikuva xi endle leswikulu.

Zakariya 6:6

Tihanci ta golonyi yin'wana, ti ri leta ntima, ti humela etikweni ra n'walungu, to basa ti landzela mitila ya tona; ta mavala ti humela etikweni ra le dzongeni,”

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.