Yeremiya 1:11 - Xitsonga (Bibele)

¹¹ Kambe rito ra Yehovha ri ta eka mina, ri ku: “U vona yini, Yeremiya?” Ndzi ku: “Ndzi vona rhavi ra murhi wa alimondi.”

BIBELE Mahungu Lamanene

¹¹ HOSI Xikwembu xi vulavula na mina, xi ku: “We Yeremiya, xana u vona yini?” Ndzi hlamula ndzi ku: “Ndzi vona xirhabyana xa murhi wo hatla ku hluka wa alimondi.”

Yeremiya 1:11 Referans Kwoze

Amosi 7:8

Hosi yi ku eka mina: “U vona yini Amosi?” Ndzi ku: “Ndzi vona ngoti ya ku ringanyeta.” Kutani Hosi yi ku: “Vona, ndzi ta veka ngoti ya ku ringanyeta exikarhi ka tiko ra mina ra Israele; a ndzi nga ha tshami ndzi va rivalela.

Amosi 8:2

A ku eka mina: “U vona yini Amosi?” Ndzi ku: “Ndzi vona xirhundzu lexi teleke mihandzu leyi vupfeke.” Kutani Yehovha a ku eka mina: “Ku hela ka tiko ra mina ra Israele ku fikile, a ndzi nga ha tshami ndzi va rivalela.

Zakariya 5:2

Kutani ntsumi yi ku eka mina: “U vona yini?” Ndzi ku: “Ndzi vona papila leri nga phurumulwa, leri hahaka, leri ku leha ka rona ku nga ka swisungunhu swa makumu mambirhi, ni ku anama ka rona swisungunhu swa khume.”

Zakariya 4:2

Yi ku eka mina: “U vona yini?” Ndzi ku: “Ndzi vona kandelari leri nga ra nsuku ntsena, ri nga ni khuwana ra rona ra mafurha emakumu ka rona, ni mavoningo ya rona ya ntlhanu na mambirhi ehenhla ka rona, ni tipompinyana ta ntlhanu na timbirhi ta mavoningo lawa ma nga ehenhla ka rona.

Yeremiya 24:3

Yehovha a ku eka mina: “U vona yini, Yeremiya?” Ndzi ku: “Ndzi vona makuwa; makuwa layo nandziha, ma nandziha ngopfu; layo biha, wona, ma biha ngopfu, a ma na ku dyiwa hikuva ma bihile.”

Tinhlayo 17:8

Hi siku leri tlhandlamaka, Muxe a nghena etabernakeleni ya vumbhoni, kutani maswivo, ku hlukile nhonga ya Aroni leyi nga ya nyimba ya Levhi; yi hlukile kunene yi balekile swiluva yi vekile ni mihandzu leyi vupfeke.

Ezekiele 7:10

“Hi rona siku! Vona, ri fikile! Sweswi ri na wena; rhavi ri humesile swiluva; ku tikurisa ka wena ka voneka.

Genesa 30:37

Kutani Yakobo a tsema mikhavi leyo tsakama ya ndhlulameti ni ya xirhomberhombe ni ya murhi wa alimondi, a yi vandlela tindlela to basa, ku vonaka mbilu leyo basa ya mikhavi.

Esaya 55:11

swi tano ni rito ra mina, le ri humaka enon'wini wa mina: Ri nga ka ri nga tlheleri eka mina ri nga si tirha nchumu, ri nga si endla ku rhandza ka mina, ri nga si hetisa makungu ya mina.

Ezekiele 12:25

Hikuva mina Yehovha, ndzi ta vulavula, ndzi va ndzi tiyisa leswaku leswi ndzi swi vulaka ndzi swi vurile, swi ta hatla ku humelela, sweswisweswi, wena, yindlu ya vatiarisi, ndzi ta humesa rito, ndzi ri hetisa kan'we, ku vula Yehovha Xikwembu!”

Ezekiele 12:28

Kwalaho u ku eka vona: Hosi Yehovha u ri: A ku na rito, hambi ri ri rin'we ra mina leri nga ta hlwela ku humelela; rito leri ndzi ri vulaka ri ta endleka, ku vula Hosi Yehovha.”