Yeremiya 1:10 - Xitsonga (Bibele)

¹⁰ Languta, hi siku leri, ndza ku lerisa eka matiko ni vuhosi, ku tsuvula ni ku hlanhla, ni ku onha ni ku herisa, ni ku aka ni ku simeka.”

BIBELE Mahungu Lamanene

¹⁰ Namuntlha ndzi ku nyika matimba ya ku fuma matiko ni tihosi ta wona: U ta tsuvula, u wisela hansi, u mbundzumuxa, u herisela makumu, u aka, u tlhela u byala.”

Yeremiya 1:10 Referans Kwoze

Yeremiya 31:28

Kutani, kukotisa leswi ndzi tshamaka ndzi va langutela ku yimbula, ni ku hahlula, ni ku mbundzuxa, ni ku onha, ni ku endla swo biha, na kona ndzi ta va langutela ku aka, ni ku simeka, ku vula Yehovha.

Ezekiele 36:36

Matiko lama nga ta va ma sele ematlhelweni ya n'wina, ma ta tiva leswaku hi mina Yehovha, ndzi pfuxeke leswi ingi swi nhlanhliwile, ndzi byarile kambe leswi ingi swi hlaseriwile! Mina Yehovha, ndzi vulavula, ndzi va ndzi endla.

Yeremiya 24:6

Ndzi ta va languta hi tihlo lerinene ndzi va tlherisela etikweni lero ndzi va akisa, ndzi nga va onhi; ndzi va byala, ndzi nga va tsuvuri.

Amosi 9:11

“Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;

Amosi 3:7

Hikuva Hosi, Yehovha, a nga endli nchumu a nga si kombisa makungu ya yena eka malandza ya yena va nga vaprofeta.

Zakariya 1:6

Hambiswiritano, marito ya mina ni ku lerisa ka mina leswi ndzi leriseke vaprofeta, malandza ya mina, xana a swi fikelanga vatata wa n'wina? Va hundzuka, va ku: Hilaha Yehovha wa tinyimpi a tsundzukeke ku hi endla hakona, hikwalaho ka ku famba ka hina ni mitirho ya hina, kunene u hi endlile sweswo.”

Ezekiele 32:18

“N'wana wa munhu rilela vunyingi bya le Egipta, u byi cukumeta ehansi, byona, ni vanhwana va vamatiko lama twaleke, ehansi ka misava, kun'we ni lava nghenaka emiceleni.

Ezekiele 43:3

Ku kotisa xifaniso lexiya lexi ingi ndzi xi vonile xi ta ta onha muti, hilaha xifaniso lexi ndzi xi voneke ingi xi vonakala hakona; leswi voniwaka a swi vonaka wo nge hi leswi ndzi tshamaka ndzi swi vona enambyeni wa Kebara; kutani ndzi tiwisa hansi hi mombo.

1 TIHOSI 19:17

Kutani la nga ta balekela ripanga ra Hazaele, Yehu u ta n'wi dlaya, ni la nga ta balekela tlhari ra Yehu, Elixa u ta n'wi dlaya.

1 TIHOSI 17:1

Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”

Yeremiya 1:5

“Ndzi ku tivile ndzi nga si ku vumba ekhwirini ra mana wa wena, kambe u nga si huma enyimbeni, ndzi ku hlawurile, kutani ndzi ku vekile muprofeta wa matiko.”

Yeremiya 25:13

Ndzi ta humesela tiko rero marito hinkwawo lawa ndzi vuleke ematshan'weni ya n'wina, lawa ma tsariweke hinkwawo ebukwini leyi, swi nga leswi profetiweke hi Yeremiya ehenhla ka matiko hinkwawo.

Yeremiya 31:40

Nkova hinkwawo wa mitsumbu ni wa nkuma, ni masimu hinkwawo, ku yisa enambyaneni wa Kedroni ku fika eyinhleni ya nyangwa ya tihanci, hitlhelo ra vuxa, ku ta hlawuleriwa Yehovha; a ku nga ha mbundzuxiwi, a ku nga ha onhiwi hilaha ku nga heriki.”

Yeremiya 36:2

“U titekela buku u ta tsala eka yona marito hinkwawo lawa ndzi tshamaka ndzi ku byela wona hikwalaho ka Israele ni hikwalaho ka Yuda, ni hikwalaho ka tiko hinkwaro, ka ha ri mpfhuka ndzi vulavula na wena, enkarhini wa Yosiya, ku fika siku leri.

Yeremiya 44:27

Waswivo, ndzi va langutela ku va endla leswo biha, ku nga ri swo saseka; kutani vanhu hinkwavo va Yuda lava nga etikweni ra Egipta va ta herisiwa hi tlhari ni ndlala, va ko va hela.

Yeremiya 45:4

U ku eka yena: Ku vula Yehovha, a ku: Waswivo, leswi ndzi swi akeke ndzi ta swi mbundzuxa, ni leswi ndzi swi byaleke, ndzi ta swi tsuvula; swi tano emisaveni hinkwayo.

Ezekiele 21:19

“Kutani wena, n'wana wa munhu profeta, u phakata swandla swa wena; fumu a ri engete ri tlhava kambirhi kanharhu: I fumu leri dlayaka, i fumu leri dlayaka lavakulu, ri va rhendzela.

Ezekiele 23:36

Kwalaho Yehovha a ku eka mina: “N'wana wa munhu, xana u ta avanyisa Ohola na Oholiba xana? Loko swi ri tano, va byele manyala ya vona.

Hosiya 6:5

Hikwalaho, ndzi va bile hi vaprofeta, ndzi va dlele hi marito ya nomu wa mina; ku avanyisa ka mina ku ve tanihi ku vonakala loku humaka!

Eklesiasta 3:3

Nkarhi wu kona wa ku dlaya, wu kona nkarhi wa ku horisa; nkarhi wu kona wa ku hlanhla, wu kona nkarhi wa ku aka.