Yakobo 5:17 - Xitsonga (Bibele)

¹⁷ Eliya a a ri munhu la titwaka kukota hina, kutani a kombela hi ku khongela leswaku mpfula yi nga ni, kutani a yi nangi emisaveni hi malembe manharhu, ni tin'hweti ta ntlhanu na yin'we.

BIBELE Mahungu Lamanene

¹⁷ Eliya a a ri munhu ku fana na hina, kambe ú khongerile hi ku hiseka leswaku mpfula yi nga ni, kutani hi malembe manharhu ni tin'hweti ta 6, mpfula a yi nanga emisaveni.

Testamente Leyimpsha Xichangana

¹⁷ Eliya aali munhu kufana na hina, aali ni kutwa kofana, kambe akhongelile hi kuhiseka lesvaku mpfula yingani, kutani hi malembe manharhu ni tihweti ta ntlhanu ni yin'we, mpfula ayinanga misaveni.

Yakobo 5:17 Referans Kwoze

1 TIHOSI 17:1

Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”

Luka 4:25

Kunenenene ndzi ri eka n'wina: Vavasati va tinoni lavo tala a va ri kona etikweni ra Israele, emikarhini ya Eliya, loko tilo ri pfariwa hi malembe manharhu na ntlhanu wa tin'hweti ni n'hweti yin'we, kutani ndlala leyikulu yi va kona emisaveni hinkwayo;

Nhlavutelo 11:6

Va ni matimba yo pfala tilo leswaku mpfula yi nga ha ni hi masiku lawa va profeteke ha wona; kambe va ni matimba ya ku hundzula mati ma va ngati, ni ya ku ba misava hi makhombo walawo, hi mikarhi hinkwayo leyi va rhandzaka ku endlisa sweswo.

1 TIHOSI 18:1

Masiku yo tala loko ma hundzile, rito ra Yehovha ri ta eka Eliya hi lembe ra vunharhu, ri ku: “Famba u tikombisa eka Akabu, kutani ndzi ta nisa mpfula emisaveni.”

Timhaka 14:15

“Vavanuna, mi endlisela yini sweswo xana? Kasi na hina hi vanhu lava fanaka na n'wina hi ntumbuluko; kutani ho mi byela leswaku mi tshika timhaka leti ta swahava, ni leswaku mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga eka swona;

Timhaka 10:26

Kambe Petro a n'wi pfuxa, a ku: “Pfuka, na mina ndzi munhu ntsena.”

Varhoma 11:2

Xikwembu a xi cukumetanga tiko ra xona, leri xi ri tiveke eku sunguleni. Xana a mi swi tivi leswi Tsalwa ri swi vulaka ehenhla ka Eliya, hilaha a nga rila eka Xikwembu hikwalaho ka Israele, a ku: