Yakobo 5:11 - Xitsonga (Bibele)

¹¹ Vonani, hi dzunisa ku kateka ka lava tiyiseleke loko va ri eku vavisekeni. Mi twile ku tiyisela ka Yobo, kutani mi vonile mahetelelo ya yena eHosini; hikuva Hosi yi tele tintswalo ni nsovo.

BIBELE Mahungu Lamanene

¹¹ Langutani, lava hi vulaka leswaku va katekile, hi lava va tiyiseleke. Mi twile ta ku tiyisela ka Yobo, nakona mi vonile leswi Hosi a yi kongomile swona, ni hilaha Hosi yi taleke musa ni tintswalo hakona.

Testamente Leyimpsha Xichangana

¹¹ Langutani, lava hivulaka lesvaku vakatekile, hi lava vatiyiseleke. Mitwile ta kutiyisela ka Yobe, nasvona mivonile lesvi Hosi ayikongomile svona, ni hilaha Hosi yitaleke musa ni timpsalu hakona.

Yakobo 5:11 Referans Kwoze

Yakobo 1:12

Ku katekile munhu la tiyiselaka endzingweni, hikuva, kutakuloko a ringiwile, u ta nyikiwa harhi ya vutomi, leyi Hosi yi yi tshembiseke lava yi rhandzaka.

Eksoda 34:6

Kutani Yehovha a hundza emahlweni ka yena, a ku: “Yehovha, Yehovha, Xikwembu xa tintswalo ni vunene, lexi hlwelaka ku kariha, lexi teleke tintswalo ni ku tshembeka,

Matewu 10:22

Kutani hinkwavo va ta mi venga hikwalaho ka vito ra mina; kambe la tiyiselaka ku fika siku ra makumu, hi yena la nga ta hlayiseka.

2 Petro 2:9

naswona, Hosi yi tiva ku kutsula emiringweni lava nga ni xichavo, ni ku hlayisela lavo homboloka ku biwa hi siku ra ku avanyisa;

Pisalema 86:15

Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.

Ntirho 2:10

Yobo a ku eka yena: “U vulavula kukotisa xihunguki loko xi vulavula. Xana hi ta amukela leswo saseka emavokweni ya Xikwembu, hi nga amukeri swo biha-ke?” Etimhakeni toleto hinkwato Yobo a nga dyohanga hi nomu wa yena.

1 Petro 1:13

Hikwalaho, na n'wina, tiboheni swisuti swa ku twisisa ka n'wina mi hanya hi ku tikhoma, mi tshemba hi mukhuva lowu hetisekeke tintswalo leti mi nga ta nyikiwa tona siku Yesu Kriste a nga ta humelela;

Luka 6:36

Kutani sweswi mi va ni nsovo kukotisa leswi, Tata wa n'wina, na yena a nga ni nsovo.

Swirilo 3:22

I tintswalo ta Yehovha leti ti endleke leswaku hi nga tshuki hi lova, Hikuva tintswalo ta yena a ti si hela;

Pisalema 103:8

Yehovha u ni tintswalo ni ku tsetselela, U hlwela ku kariha, u tele vunene.

Tinhlayo 14:18

‘Yehovha u hlwele ku kariha, u tele tintswalo, wa khomela nandzu ni ku dyoha; kambe xidyohi, a nga xi vuri la nga riki na nandzu, kutani a londza ku dyoha ka vatatana ehenhla ka vana va vona, ku fika erixakeni ra vunharhu ni ra vumune.’

Vaheveru 10:39

Loko hi ri hina, a hi vanhu va ku tlhelela ku ya eku lahlekeni, kambe hi va ku pfumela, leswaku mimoya ya hina yi hanyisiwa.

Vaheveru 3:14

Hikuva hi averiwile Kriste, loko ntsena hi hlayisa hi ku tiya, ku ya fika emakumu, ku tshemba loku hi nga sungula hakona,

Vaefesa 2:4

Kambe Xikwembu lexi teleke tintswalo, hikwalaho ka rirhandzu lerikulu ra xona, leri xi hi rhandzeke ha rona,

Mikiya 7:18

Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.

1 TIKRONIKA 21:13

Davhida a ku eka Gadi: “Ndzi ni gome lerikulu! A ndzi wele emavokweni ya Yehovha, hikuva tintswalo ta yena i tikulu ngopfu; ndzi nga tshuki ndzi wela emavokweni ya vanhu!”

Vaheveru 3:6

kambe Kriste u tshembekile kukotisa n'wana eku fumeni ka yindlu ya yena, kutani yindlu ya yena hi hina, loko kunene hi hlayisa hi ku tiya ku ya fika emakumu, ku tshemba ka hina loku hi tidzunisaka hikwalaho ka kona, hi nga siveriwi ha nchumu.

Vaefesa 1:6

eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka Murhandziwa wa xona,

Varhoma 2:4

Kumbe u tsan'wa vunene, ni xivindzi, ni musa wa Xikwembu, u nga tsundzuki leswaku vunene bya xona byi ku byisela eku hundzukeni xana?

Luka 1:50

Vito ra yena ra kwetsima, ni tintswalo ta yena ti le tinxakeni ta tinxaka eka lava n'wi chavaka.

Yonasi 4:2

Kutani a khongela Yehovha, a ku: “Yehovha, xana a hi leswi ndzi swi vuleke loko ndza ha ri etikweni ra rikwerhu xana? Hilaha ndzi hatliseke ku balekela eTarxixi, hikuva a ndzi tiva leswaku u Xikwembu xa nsovo, xa tintswalo, lexi hlwelaka ku kariha, lexi nga ni musa ngopfu, lexi tshikaka ku ba.

Yuwele 2:13

Handzulani timbilu ta n'wina, ti nga ri tinguvu,” mi tlhelela eka Yehovha, Xikwembu xa n'wina, hikuva u ni tintswalo ni nsovo, wa hlwela ku kariha, u tele musa, wa vaviseka loko a vavisa munhu.

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Esaya 63:7

Ndzi ta dzunisa tintswalo ta Yehovha, ni ku dzuneka ka yena, hilaha swi fanekelaka hinkwaswo leswi Yehovha a nga hi endlela swona, ni vunene bya yena lebyikulu eka yindlu ya Israele lebyi a nga va kombisa byona hi tintswalo ta yena, ni vukulu bya rirhandzu ra yena.

Eklesiasta 7:8

Makumu ya mhaka ma tlula masungulo ya yona. Mbilu yo leha yi sasekile ku tlula mbilu leyi tikurisaka.

Pisalema 119:132

Rhendzelekela eka mina, u ndzi twela vusiwana, Hi laha u toloveleke ku endlela lava rhandzaka vito ra wena hakona!

Pisalema 116:5

Yehovha u ni tintswalo ni ku lulama, Xikwembu xa hina xi tele nsovo.

Pisalema 103:13

Hi laha tatana a nga ni tintswalo eka vana va yena, Hi sweswo Yehovha u ni tintswalo eka lava n'wi chavaka.

Pisalema 94:12

Ku katekile munhu loyi u n'wi layaka, Yehovha! Loyi u n'wi dyondzisaka hi nawu wa wena.

Pisalema 86:5

Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.

Pisalema 78:38

Kambe xona hi tintswalo ta xona xi va rivalele ku dyoha, a xi va hetanga. Hakanyingi xi tlhelele evukarini bya xona, A xi pfumelangi vukari hinkwabyo bya xona ku pfuka.

Pisalema 37:37

Xiya la tengeke, u languta la lulameke; Hikuva munhu wa ku rhula u ni vatukulu;

Ntirho 23:10

Kasi xi tiva tindlela ta mina; Ni loko xi nga ndzi ringa, a ndzi ta huma ndzi basile kukota nsuku.

Ntirho 1:2

A a velekile vana va ntlhanu na vambirhi, ni vanhwanyana vanharhu.

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

2 TIKRONIKA 30:9

Hikuva loko mi tlhela eka Yehovha, vamakwenu ni vana va n'wina va ta kuma tintswalo eka lava va va yiseke evukhumbini, kutani va ta vuya etikweni leri; hikuva Yehovha, Xikwembu xa n'wina, u tele tintswalo ni vunene, a nga ka a nga mi fularheli loko mi vuya ka yena.”

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

Pisalema 145:8

Yehovha u ni tintswalo u ni nsovo, U hlwela ku kariha u tsetselela ngopfu.

Pisalema 51:1

Oho Xikwembu! Ndzi twele vusiwana hi tintswalo ta wena; Hi musa lowukulu wa wena, hlangula swidyoho swa mina.

Nehemiya 9:31

Kambe hi mitsetselelo ya wena ya ku tala, a ku va hetanga, a ku va fularhelanga, hikuva u Xikwembu xa tintswalo ni vunene.

Ntirho 1:1

Munhu a a ri kona etikweni ra Usi, vito ra yena a a ri Yobo. A a ri munhu la fambaka hi ku tenga ni ku lulama; a chava Xikwembu, a tinga swo biha.

Yakobo 1:2

Vamakwerhu, ringanisani leswaku i ku tsaka ntsena loko mi humelela hi miringo leyo tala;

1 Petro 3:14

Hikuva hambi, na swona, mi nga twisiwa ku va viseka hikwalaho ka ku lulama, mi katekile; mi nga tshukisiwi hi ku va chava, mi nga pfilunganyiwi;

Luka 11:10

Hikuva un'wana ni un'wana la kombelaka, wa nyikiwa; la lavaka, wa swi kuma; ku ta pfuleriwa, la gongondzaka.