Yakobo 4:8 - Xitsonga (Bibele)

⁸ Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

BIBELE Mahungu Lamanene

⁸ Tshinelani kusuhi ni Xikwembu kutani xi ta tshinela kusuhi na n'wina. Hlambani mandla ya n'wina, n'wina vadyohi, mi basisa timbilu ta n'wina, n'wina vanhu va miehleketo mimbirhi.

Testamente Leyimpsha Xichangana

⁸ Tshinelani kusuhi ni Xikwembu kutani xitatshinela kusuhi na n'wina. Hlambani mandla ya n'wina, n'wina vajohi, mibasisa timbilu ta n'wina, n'wina vanhu va miyehleketo yimbirhi.

Yakobo 4:8 Referans Kwoze

Pisalema 145:18

Yehovha u le kusuhi ni hinkwavo lava n'wi khongelaka, Ni ka hinkwavo lava n'wi khongelaka hi timbilu.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Malakiya 3:7

Loko ka ha ri emikarhini ya vatata wa n'wina, mi sukele milawu ya mina, kutani a mi yi hlayisanga; tlhelelani eka mina, kutani ndzi ta tlhelela eka n'wina, ku vula Yehovha wa mavandla. Kutani mi ri: ‘Hi ta vuyela ha yini xana?’

Zakariya 1:3

U nge eka vona: Yehovha wa tinyimpi u ri: Tlhelelani eka mina, ku vula Yehovha wa tinyimpi, kutani ndzi ta tlhelela eka n'wina, ku vula Yehovha wa tinyimpi.

2 TIKRONIKA 15:2

kutani a humelela emahlweni ka Asa, a ku eka yena: “Wee Asa, ni va Yuda hinkwenu, ni va Benjamini, ndzi yingiseni! Yehovha u na n'wina loko mi ri na yena; kungakuloko mi n'wi lava, u ta pfumela ku kumiwa hi n'wina; kambe loko mi n'wi tshika, u ta mi tshika.

Yeremiya 4:14

Yerusalema, tihlantswe ku biha ka mbilu ya wena, leswaku u ta ponisiwa; mianakanyo leyo biha yi ta tshama ku ri kungani embilwini ya wena xana?

1 Yohane 3:3

Kutani un'wana ni un'wana la nga ni ku tshemba kuloku ka yena, wa titengisa kukota yena a tengeke.

Pisalema 51:10

Oho Xikwembu! Vumba endzeni ka mina mbilu leyo tenga. U tlhela u pfuxa endzeni ka mina moya lowo tiya.

Vaheveru 7:19

hikuva nawu a wu hetisangi nchumu; kasi ku nghenile ku tshemba loku wu tlurisaka, loku hi tshinelelaka Xikwembu hakona.

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Ezekiele 18:31

Cukumetani swidyoho swa n'wina hinkwaswo leswi mi dyoheke ha swona, mi va ni timbilu letintshwa ni mimoya leyintshwa. Mi ta lova ha yini, n'wina, va yindlu ya Israele?

Pisalema 73:28

Loko ndzi ri mina, ku tshinelela Xikwembu, i rifuwo ra mina. Ndzi vekile vuchavelo bya mina eka Hosi Yehovha, Leswaku ndzi ta amba mitirho ya wena hinkwayo.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

1 Petro 3:21

kutani wa hi ponisa ni namuntlha hi ku khuvula, yi nga mhaka leyi nga fanisiwa khale, ku nga ri hi ku hlantswa thyaka ra miri, kambe ku ri ku tiboha hi ripfalo lerinene eka Xikwembu, hi ku pfuka ka Yesu Kriste,

Ntirho 17:9

Hambiswiritano, lowo lulama u tiyisela endleleni ya yena, Ni lowa mavoko yo basa u engetela ku tiya mbilu.

Matewu 12:33

Kumbe vulani leswaku murhi wunene, na vona vana va wona vanene; kumbe vulani leswaku murhi wu bihile, ni mihandzu ya wona yi bihile, hikuva murhi wu tiviwa hi vana va wona.

1 Timotiya 2:8

Hikwalaho ndzi rhandza leswaku vavanuna va khongela hinkwako va ri karhi va tlakusa mavoko layo basa, ku nga ri na ku kariha ni ku kanetana.

Esaya 29:13

Hosi yi te: “Loko tiko leri, ri titshinetile eka mina hi milomu, va ndzi chava hi nomu, kasi timbilu ta vona ti le kule na mina, ni xichavo lexi va ndzi chavaka ha xona, wu ri nawu ntsena wa vanhu lowu va wu dyondzeke.

Pisalema 24:4

Hi loyi a nga ni swandla leswi nga riki na nandzu, ni mbilu leyi tengeke. Loyi a nga nyiketiki moya wa yena ku hemba mavunwa, La nga hlambanyiki hi ku xisa.

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

Pisalema 18:20

Yehovha u ndzi endlile hi ku lulama ka mina, Kambe u ndzi tlherisile hi ku basa ka mavoko ya mina;

Yakobo 1:8

Munhu la nga ni timbilu timbirhi u tsekatseka etindleleni ta yena hinkwato.

Pisalema 26:6

Ndzi hlamba swandla swa mina eku lulameni, Kutani ndzi yima ekusuhi ni alitari ya wena, Yehovha!

Timhaka 15:9

kambe a xi hambanyisanga nchumu exikarhi ka hina na vona, hikuva xi basisile timbilu ta vona hi ku pfumela.

Genesa 18:23

Kambe Abrahama a tshinela, a ku: “Xana kunene u ta lovisa la lulameke swin'we ni la hombolokeke?

Ntirho 16:17

Hambiswiritano, a ku na ku homboloka emavokweni ya mina, Xikhongelo xa mina xi basile.

Matewu 15:2

“Vadyondzisiwa va wena va tlulela yini mikhuva ya vakhale? Hikuva va dya vuswa va nga hlambanga.”

Yeremiya 4:11

Enguveni yoleyo ku ta byeriwa tiko leri na Yerusalema, leswaku moya lowu hisaka wu huma eswitsungeni swa xivandzawulo, wa hungela endleleni ya nhwanyana wu tiko ra mina; ku nga ri ku peperha, ni loko ku ri ku hlungula.

Ntirho 9:30

Hambi ndzi tihlantswa ematini ya gamboko, Kumbe ndzi hlamba mavoko hi xisibi;

Esaya 13:15

Un'wana ni un'wana la kumiwaka u ta tlhaviwa hi tlhari, kambe un'wana ni un'wana la nga ta khomiwa u ta dlawa hi ripanga.

Pisalema 73:13

Kunene mbilu ya mina ndzi yi basisele swahava, Hambi ku ri ku hlamba mandla ya mina eku baseni,

Matewu 27:24

Pilato, loko a vona leswaku a nga ha pfuni nchumu, hikuva dzolonga a ri engeteleka, a teka mati, a hlamba mandla emahlweni ka ntshungu, a ku: “A ndzi na nandzu engatini ya munhu loyi la lulameke, tilanguteleni mi ri n'wina.”

1 SAMIELE 14:35

Kutani Sawulo a akela Yehovha alitari: yi va alitari leyo rhanga leyi a yi akeleke Yehovha.

Pisalema 119:113

Ndzi vengile miehleketo ya nsohensohe, Kambe ndzi rhandza nawu wa wena.

Esaya 58:2

Va ndzi lava hi masiku hinkwawo, va lava ku tiva tindlela ta mina; tanihi leswo nge i tiko leri fambaka hi ku lulama, leri nga tshikangiki ku lerisa ka Xikwembu xa rona, va kombela ka mina ku avanyisa ka ku lulama, va lava leswaku Xikwembu xi va tshinelela.

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

Swirilo 3:57

U ndzi tshinelele ekusuhi siku leri ndzi nga huwelela eka wena, U ku: ‘U nga tshuki u chava.’