Yakobo 4:3 - Xitsonga (Bibele)

³ ma kombela, kambe a mi nyikiwi, hikuva mi kombela hi mukhuva lowo biha, leswaku mi ta kuma swa ku korwisa ku navela ka n'wina.

BIBELE Mahungu Lamanene

³ Naswona loko mi kombela, ma hoxa, hikuva mi tilavela ntsena swo titsakisa ha swona.

Testamente Leyimpsha Xichangana

³ Nasvona loko mikombela, mahoxa, hikuva mitilavela ntsena svotitsakisa ha svona.

Yakobo 4:3 Referans Kwoze

1 Yohane 5:14

Kutani ku tshemba loku tiyeke loku hi nga na kona ka xona, hileswaku, loko hi kombela lexi rhandziwaka hi xona, xa hi yingisa.

1 Yohane 3:22

Kutani lexi hi xi kombelaka, hambi yi ri yini na yini, hi nyikiwa hi xona hikuva hi hlayisa ku lerisa ka xona kutani hi endla leswi xi tsakisaka.

Yakobo 4:1

Ku lwa ku huma kwihi exikarhi ka n'wina, ni ku hambana ku huma kwihi xana? Xana a ku humi eku naveleni ka n'wina loku lwaka eswirhweni swa n'wina?

Mikiya 3:4

Enkarhini lowo va ta huwelela eka Yehovha, kambe a nga va yingisi; u ta va fihlela mombo wa yena enkarhini lowo, hikuva va onhile ku famba ka vona.

Swivuriso 15:8

Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Swivuriso 21:13

La tisivaka tindleve leswaku a nga twi mikosi ya swisiwana, U ta rila na yena, kambe a nga ka a nga tsundzukiwi hi munhu.

Ntirho 35:12

Va huwelela, kambe a xi hlamuli, Hikwalaho ka ku tikukumuxa ka lavo biha.

Zakariya 7:13

“Leswi a nga vitana, va nga twangiki, va vitanile kutani a ndzi yingisanga,” ku vula Yehovha wa tinyimpi.

Luka 15:13

Kuteloko ku hundzile masiku ma nga ri mangani, n'wana wa yena lowa ndzisana loko a hlengeletile hinkwaswo, a rhurhela etikweni leri nga ekule a hangalasa xuma xa yena hi vusopfa.

Marka 10:38

Kambe Yesu a ku eka vona: “A mi tivi lexi mi xi kombelaka. Xana mi nga swi kota ku nwa exinwelweni lexi ndzi nga ta nwa eka xona, ni ku khuvuriwa hi ku khuvula loku ndzi nga ta khuvuriwa hakona xana?”

Matewu 20:22

Kambe Yesu a va hlamula, a ku: “A mi tivi lexi mi xi kombelaka! Xana mi nga tiva ku nwela endzhekweni lowu ndzi nga ta nwela eka wona?” Va ku eka yena: “Hi nga swi tiva.”

Yeremiya 11:14

Loko u ri wena, u nga tshuki u khongelela tiko leri, kambe u nga tshuki u tlakusa ku huwelela ni loko xi ri xikhongelo, hikuva siku va vitanaka eka mina hikwalaho ka khombo ra vona, ndzi nga ka ndzi nga va yingisi.

Swivuriso 21:27

Magandzelo ya lavo biha i manyala, Ngopfu loko va gandzela hi makungu layo biha.

Swivuriso 1:28

Enkarhini wolowo va ta vitana eka mina, kambe ndzi nga ka ndzi nga hlamuli; Va ta ndzi lava, kambe va nga ka va nga ndzi kumi.

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

Pisalema 18:41

Va huwelela, kambe va pfumala mulweri; Va huwelele eka Yehovha, kambe a nga va hlamulanga.

Yeremiya 11:11

“Hikwalaho, Yehovha u vula a ku: ‘Vonani, ndzi ta va humesela khombo leri va nga taka va nga poni eka rona; va ta huwelela eka mina, kambe ndzi nga ka ndzi nga va yingisi.

Luka 15:30

Kambe n'wana wa wena loyi, la dyeke xuma xa wena hinkwaxo a ri ni tinghwavava, kutani loko a vuya, u n'wi tlhavela rhole leri noneke!’

1 TIHOSI 3:11

Kutani Xikwembu xi ku eka yena: “Leswi u kombeleke swona, u nga tikombelelanga masiku layo tala, hambi rifuwo, hambi vutomi bya valala va wena, kambe u tikombelele ku twisisa ku yingisisa leswo lulama;

Luka 11:10

Hikuva un'wana ni un'wana la kombelaka, wa nyikiwa; la lavaka, wa swi kuma; ku ta pfuleriwa, la gongondzaka.