Yakobo 3:17 - Xitsonga (Bibele)

¹⁷ Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

BIBELE Mahungu Lamanene

¹⁷ Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

Testamente Leyimpsha Xichangana

¹⁷ Kambe vutlhari bzota hi le henhla, bzi ni kurhula, ni kuwolova, ni kuyingiseta, bzitele musa ni mihandzu leyinene; kambe ngopfungopfu bzitengile; abziyi hi nghohe, kumbe kukanganyisa.

Yakobo 3:17 Referans Kwoze

Swivuriso 2:6

Hikuva Yehovha hi yena la nyikaka vutlhari; Ku tiva ni ku twisisa swi huma enon'wini wa yena.

Yakobo 3:15

A hi byona vutlhari lebyi xikaka hi le henhla, kambe i bya misava, i bya vumunhu, ni bya mademona.

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

1 Yohane 3:18

Vana vanga, hi nga tshuki hi rhandzana hi ku vulavula, ni ririmi, kambe a ku ve hi ku endla, ni ntiyiso.

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

Matewu 5:8

Ku katekile lava nga ni timbilu leti tengeke, hikuva va ta vona Xikwembu.

1 Yohane 3:3

Kutani un'wana ni un'wana la nga ni ku tshemba kuloku ka yena, wa titengisa kukota yena a tengeke.

Luka 21:15

hikuva mina ndzi ta mi nyika nomu ni vutlhari lebyi, lava tivekaka valala va n'wina, va nga ta tsandzeka ku byi hlamula ni ku byi kaneta.

Luka 6:36

Kutani sweswi mi va ni nsovo kukotisa leswi, Tata wa n'wina, na yena a nga ni nsovo.

Vaheveru 12:14

Hisekelani ku va ni ku rhula ni hinkwavo, ni ku kwetsima, loku, kungakuloko munhu a ku pfumala, a nga ka a nga voni Hosi;

2 Timotiya 2:24

Kambe loko a ri nandza wa Hosi, a nga tshuki a va na rilwo, kambe u fanele ku va ni musa eka hinkwavo, ni ku tiva ku dyondzisa a leha mbilu,

1 Petro 2:1

Hikwalaho, tshikani lunya hinkwaro, ni ku xisa hinkwako, ni ku kanganyisa, ni mona, ni ku lumbeta hinkwako,

Yakobo 2:4

a mi hlawulanga etimbilwini ta n'wina xana, mi va vaavanyisi va ku anakanya loko biha?

Vaheveru 12:11

Kambe ku laya kun'wana ni kun'wana, loko ku humelela, a ku ringanisiwi leswaku ku nga hi tsakisa, kambe ka hi ririsa; ntsena endzhaku, ku tlhela ku nyika lava dyondzisiweke hakona mihandzu leyo lulama, leyo tenga.

Vakolosa 1:10

leswaku mi famba hi mukhuva lowu fanelaka Hosi, mi n'wi tsakisa hinkwako, mi veka mihandzu emitirhweni leyo saseka hinkwayo, mi va mi kula eku tiveni ka Xikwembu,

Varhoma 15:14

Loko ndzi ri mina, vamakwerhu, ndza tshemba leswaku na n'wina mi tele vunene, ni leswaku mi tele ku tiva hinkwako; mi tiva ni ku tsundzuxana.

Ntirho 28:28

Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

1 TIKRONIKA 22:12

Ntsena Yehovha a a ku nyike vutlhari ni ku twisisa, a a ku fumise ehenhla ka Israele, a a ku nyike ku hlayisa nawu wa Yehovha, Xikwembu xa wena.

1 Vakorinto 12:8

Hikuva un'wana u nyikiwa hi Moya marito ya vutlhari; un'wana u nyikiwa marito ya ku tiva hi Moya wolowo;

Ntirho 28:23

“Hi xona Xikwembu lexi tivaka tindlela ta byona. Xi tiva laha byi tshamaka kona;

Yakobo 4:8

Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

1 Timotiya 5:21

Ndzi ku lerisa emahlweni ka Xikwembu, ni ka Yesu Kriste, ni ka tintsumi leti hlawuriweke, leswaku timhaka leti u ti hlayisa, u nga avanyisi hi nhloko ya wena, u nga tshuki u endla nchumu hi ku ya hi nghohe.

Timhaka 11:24

Hikuva a a ri wanuna wa tintswalo, la teleke Moya lowo Kwetsima ni ku pfumela; kutani ntshungu lowukulu wu namarhela Hosi.

Matewu 23:28

Swi tano na n'wina loko vanhu va mi languta ehandle, onge mi lulamile, kasi endzeni ka n'wina, mi tele ku kanganyisa ni ku homboloka.

1 Vatesalonika 2:7

kambe hi tshamile hi ri ni tintswalo exikarhi ka n'wina, kukotisa muan'wisi la hlayisaka hi rirhandzu lerikulu vana va yena,

Vafilipiya 4:8

Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.

Vafilipiya 1:11

mi ri karhi mi veka mihandzu ya ku lulama leyi vekiwaka ha Yesu Kriste, leswaku ku va eku twakaleni ni le ku dzuniseni ka Xikwembu.

Timhaka 9:36

Emutini wa Yopa, a ku ri ni wansati wa mudyondzisiwa, loyi va nge i Tabita (hileswaku Dorkasi, loko ku hlamuseriwa), a tele mitirho ya tintswalo, ni ya ku hanana.

Yohane 1:47

Yesu a vona Nataniele loko a ta eka yena, kutani a n'wi vula, a ku: “Vonani Muisraele wa xiviri, loyi ku nga riki na ku kanganyisa eka yena.”

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Malakiya 3:3

“U ta tshama, a ri karhi a n'okisa, a basisa silivhere u ta basisa vana va Valevhi a va tengisa ku fana ni nsuku ni kukotisa silivhere, leswaku va va eka Yehovha, va humesa magandzelo hi ku lulama.

Malakiya 2:9

Na mina, ndzi ta mi endla lava soriwaka, ni vabihi exikarhi ka matiko hinkwawo, hikuva a mi hlayisi tindlela ta mina, kambe mi avanyisa hi nghohe etimhakeni ta nawu.”

Daniele 1:17

Kutani Xikwembu xi nyika majaha laya mune lawa, vutlhari ni ku twisisa matsalwa, ni vutlhari hinkwabyo; kambe Daniele a va ni ku twisisa swikombiso hinkwaswo ni milorho.

1 TIHOSI 3:9

loko swi ri tano, nyika nandza wa wena mbilu ya ku tiva ku avanyisa tiko ra wena ni ku hlawula leswo saseka eka leswo biha! Hikuva i mani la nga tivaka ku avanyisa tiko leri teleke leronghasi, leri nga ra wena?”

Eksoda 36:2

Kutani Muxe a vitana Besalele, na Oholiyabu, ni vavanuna hinkwavo lavo tlhariha, lava Yehovha a ngheniseke vutlhari etimbilwini ta vona va ri hinkwavo lava byisiweke hi timbilu ta vona ku tirha ntirho.

Tito 3:2

va nga tshuki va lumbeta munhu, va tshika timholovo, va tikhoma, va kombisa ku olova hinkwako eka vanhu hinkwavo.

Tito 1:15

Hinkwaswo swi tengile eka lava tengeke; kambe a ku na lexi tengeke eka lava thyaka ni ka lava nga pfumeriki; va nyamisiwile timbilu ni mapfalo.

Varhoma 12:18

Loko swi nga endleka, ni loko mi swi kota, tshamani hi ku tsakelana ni vanhu hinkwavo.

Esaya 32:6

Hikuva mbabva yi vulavula ta vumbabva ntsena, kutani mbilu ya yena yi tele ku biha, u ta endla vumbabva, a hleva Yehovha hi marito yo hemba, a tshika moya wa loyi a karheleke endlaleni, a tsona wa torha ku nwa.

Esaya 2:4

Kutani Xikwembu xi ta lamula matiko, xi ta avanyisa matiko layo tala ngopfu. Hi mabanga ya vona va ta fula swikomu, hi matlhari ya vona va ta fula masikeri; tiko ri nga ka ri nga ha lwi ni rin'wana, kutani a ku nga ha dyondzisiwi ku lwa.

1 TIKRONIKA 22:9

Waswivo, u ta velekeriwa n'wana; u ta va munhu wo rhula; ndzi ta n'wi nyika ku rhula eka valala hinkwavo va yena va matlhelo hinkwawo; hikuva vito ra yena a ta va Solomoni (wa ku rhula), kutani ndzi ta nyika Israele ku rhula, ni ku tsaka eku hanyeni ka yena.

1 TIHOSI 3:28

Kutani Vaisraele hinkwavo va yingisa mhaka ya ku avanyisa loku vuriweke hi hosi, kutani va chava hosi, hikuva va vona leswaku vutlhari bya Xikwembu a byi ri ka yona ku tiva ku avanyisa.

1 TIHOSI 3:12

waswivo, ndzi endlile hi laha u nga vula hakona: ndzi ku nyikile mbilu leyi tlhariheke leyi nga ni ku twisisa leswaku, emahlweni ka wena a ku nga si va ni munhu kukotisa wena, ni ndzhaku ka wena a ku nga humi munhu la kotisaka wena.

Vaefesa 5:9

fambani hakona, kukoti swa vana va ku vonakala,

2 Vakorinto 10:1

Loko ndzi ri mina, Pawulo, ndza mi khongotela hi vunene ni tintswalo ta Kriste, ndzi nga yena yeloyi va nge ndza titsongahata loko ndzi ri exikarhi ka n'wina; kambe loko ndzi nga ri kona, ndzi mi endlela hi matimba;

2 Vakorinto 9:10

La tsetselelaka mubyari hi mbewu, ni vuswa bya ku dya, u ta mi tsetselela, u ta mi tatela hi leswi byariwaka, u ta mi engetelela mihandzu ya ku lulama ka n'wina;

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

Ntirho 28:12

“Kambe vutlhari, byi kumiwa kwihi? Ku twisisa, ku tshamele tlhelo rihi?

Matewu 5:9

Ku katekile lava lamulaka, hikuva va ta thyiwa vana va Xikwembu.

2 Vakorinto 6:6

ni le ku tengeni, ni le ku tiveni; hi ku yingisela, hi vunene, hi moya lowo saseka, hi rirhandzu leri nga riki na ku xisa, hi rito lerinene, hi matimba ya Xikwembu;

2 Vakorinto 7:11

Hikuva maswivo, loko mi tele tingana sweswi hi mukhuva lowu rhandziwaka hi Xikwembu, mi hatlisile ngopfu ku tihlamulela ku phofula lokukulu ku va kona, ni ku tshuka lokukulu, ni ku navela lokukulu, ni ku chivirika lokukulu, ni ku laya lokukulu. Mi vonakisa eka hinkwaswo leswaku a mi nga ri na nandzu emhakeni leyi.

Yakobo 2:13

Hikuva ku avanyisa ku nga ka ku nga vi na tintswalo eka loyi a nga endlangiki hi tintswalo; kambe tintswalo ti tidzunisa henhla ka ku avanyisa.

1 Petro 2:18

Vatirhi, yingisani veni va n'wina hi xichavo hinkwaxo, va nga ri lavanene ni lavo olova ntsena, kambe ni lavo nonon'hwa.