Yakobo 3:10 - Xitsonga (Bibele)

¹⁰ Enon'wini wu ri wun'we, ku huma ku khensa ni ku rhukana. A swi faneli, vamakwerhu, leswaku timhaka ti va tano.

BIBELE Mahungu Lamanene

¹⁰ Enon'weni wun'we ku huma ku dzunisa ni ku rhukana. Vamakwerhu, leswi a swi nga fanelanga ku va tano.

Testamente Leyimpsha Xichangana

¹⁰ Non'weni wun'we kuhuma kudzunisa ni kurhuka. Vamakwerhu, lesvi asvifaneli kuva tano.

Yakobo 3:10 Referans Kwoze

Varhoma 12:14

Katekisani lava mi xanisaka; katekisani, mi nga tshuki mi rhukana.

1 Petro 3:9

Mi nga tlheriseli swo biha hi swo biha hambi ku ri ku rhukana hi ku rhukana, kambe mi katekisa, hikuva mi vitaneriwe swona, leswaku mi ta dya ndzhaka ya ku kateka.

1 Vakorinto 3:3

Hikuva leswi mona ni ku hambana swa ha riki kona exikarhi ka n'wina, xana a mi va nyama-ke? Xana a mi yi hi mikhuva ya vanhu-ke?

1 Timotiya 5:13

Na swona leswi va lolohaka, va tolovela ku hungasela etindlwini hinkwato; kambe a va lolohi ntsena, va ni ku vulavula ngopfu, va tinghenisa etimhakeni leti nga riki ta vona, va vulavula leswi nga faneriki.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Genesa 20:9

Kavaloko Abimeleke a vitana Abrahama a ku eka yena: “U hi endle yini? Kumbe ndzi ku onhele kwihi, leswi u nga vangela mina ni tiko ra mina nandzu lowonghasi? U ndzi endlele mhaka leyi nga faneriki ku endliwa.”

2 SAMIELE 13:12

Yena a n'wi hlamula, a ku: “A hi swona, makwerhu, u nga ndzi khomisi tingana hikuva swi nga ka swi nga endleki eIsraeleni; u nga tshuki u endla manyala lawa.

Yakobo 1:16

Mi nga tshuki mi tixisa, vamakwerhu lava rhandziwaka;

Yakobo 1:19

Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha;

Yakobo 3:1

Vamakwerhu, mi nga tshuki mi va vadyondzisi lavanyingi, mi ri karhi mi tiva leswaku hi ta kuma ku avanyisiwa loku tlurisaka;

Yakobo 3:9

Ha rona hi khensa Xikwembu Tatana, ha rona kambe, hi rhukana vanhu, lava endliweke hi xifaniso xa Xikwembu.

Yakobo 3:11

Xana xihlovo xi nga pfelela hi nseledyana wu ri wun'we, mati yo nandziha ni ya ku bava xana?