Yakobo 1:21 - Xitsonga (Bibele)

²¹ Hikwalaho, cukumetani thyaka hinkwaro, ni hinkwaswo swa lunya, mi amukela hi ku olova rito leri byariweke etimbilwini ta n'wina, leri kotaka ku londzovota mimoya ya n'wina.

BIBELE Mahungu Lamanene

²¹ Hikokwalaho, susani thyaka hinkwaro ni vubihi hinkwabyo lebyi hatlaka ku mila, kutani mi amukela hi ku titsongahata rito leri byariwaka etimbilwini ta n'wina, leri kotaka ku mi ponisa.

Testamente Leyimpsha Xichangana

²¹ Hikolaho, susani chaka hinkwaru ni vubihi hinkwabzu lebzihantlaka kumila, kutani miyamukela hi kutitsongahata rito leribzaliwaka timbilwini ta n'wina, lerikotaka kumiponisa.

Yakobo 1:21 Referans Kwoze

Vaefesa 4:22

hileswaku, loko ku ri ku famba ka n'wina ka khale, mi tintshunxa eka munhu wa khale, la onhiweke hi ku navela loku dyelelaka,

Vaefesa 1:13

yeloyi, na n'wina mi nga ka yena, n'wina lava yingiseke rito leri tiyeke, yi nga Evhangeli ya ku hlayiseka ka n'wina, yeloyi kambe, siku mi pfumeleke ka yena, mi funghiweke hi Moya lowo Kwetsima lowu tshembisiweke vanhu;

1 Petro 2:11

Varhandziwa, ndza mi khongotela hi laha mi nga vaendzi ni valuveri, ndzi ku: Alelani ku navela ka nyama loku lwaka ni moya,

Yohane 6:63

Moya hi wona lowu hanyisaka; nyama a yi pfuni nchumu. Timhaka leti ndzi mi byelaka tona, i moya ni vutomi.

Pisalema 25:9

A fambisa eku lulameni lava olovaka etimbilwini, A dyondzisa lava titsongahataka ndlela ya yena.

1 Petro 2:1

Hikwalaho, tshikani lunya hinkwaro, ni ku xisa hinkwako, ni ku kanganyisa, ni mona, ni ku lumbeta hinkwako,

Vaheveru 12:1

Hikwalaho-ke, na hina, leswi hi nga rhendzeriwa hi papa leronghasi ri timbhoni, a hi cukumeteni hinkwaswo leswi hi tikelaka, ni vudyoho lebyi hi namarhelaka hi ku hatlisa, hi tsutsuma hi ku tiyisela empfhukeni lowu hi wu vekeriweke,

Yakobo 4:8

Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

Tito 2:11

Hikuva tintswalo ta Xikwembu, leti nga hlayisaka vanhu hinkwavo, ti vonakarile,

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Vaheveru 4:2

Hikuva na hina hi byeriwile Evhangeli kukotisa vona; kambe valavo, rito leri va ri yingiseke a ri va pfunanga nchumu, hikuva a ri pfangananga ni ku pfumela etimbilwini ta lava yingiseke.

Vaheveru 2:3

hina hi ta chupukisa ku yini, loko hi nga xiyi ku hlayiseka loko tano, loku nga sungula ku vuriwa hi Hosi, kambe ku tiyisiwile eka hina hi lava swi yingiseke,

1 Vakorinto 15:2

leyi mi ponisiwaka ha yona loko mi yi hlayisa hilaha ndzi mi byeleke hakona; loko ngi a mi pfumelangi eka yona mahala.

Varhoma 6:17

Kambe a ku khensiwe Xikwembu, hikuva, hambi ngi mi ri makhumbi ya vudyoho, mi yingisile hi mbilu ku famba hi mitila ya ku dyondza loku mi dyondzisiweke kona.

Esaya 29:19

Lava nga enhlomulweni va ta tsakela Yehovha; lava pfumalaka va ta titsakisa hi Mukwetsimi wa Israele.

Yohane 6:68

Simoni Petro a hlamula, a ku eka yena: “Hosi, hi nga ya eka mani xana? U ni marito ya vutomi lebyi nga heriki.

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Esaya 30:22

Kutani swifaniso swa n'wina leswi vatliweke leswi namekiweke hi silivhere, ni swifaniso swa n'wina leswi chuluriweke, leswi lemiweke hi nsuku, mi ta swi chela thyaka, mi swi cukumeta kukotisa manyala, mi ku: “Huma!”

Esaya 2:20

Esikwini rero, vanhu va ta cukumeta swikwembu swa nsuku ni swa silivhere leswi va tiendleleke swona ku swi gandzela eka makondlo ni vamangadyani,

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

1 Petro 1:9

mi ri karhi mi amukela hakelo ya ku pfumela ka n'wina, ku nga ku hlayiseka ka mimoya ya n'wina.

Varhoma 11:17

Kambe loko marhavi man'wana ma phatluriwile, kutani wena, mutlhwari wa nhova, u tlhomiwile eka wona, kutani u hlanganisiwile ni rimitsu, u phameriwa mafurha ya mutlhwari wa le kaya,

Timhaka 10:33

Hikwalaho ndzi hatliseke ku rhuma vanhu eka wena; kambe u endlile swona loko u tile; sweswi, hinkwerhu hi tshamile la, kun'we emahlweni ka Xikwembu, ku yingisa hinkwaswo leswi Xikwembu xi ku leriseke swona.”

Matewu 5:5

Ku katekile lavo rhula, hikuva va ta dya ndzhaka ya misava.

Sofoniya 2:3

Lavani Yehovha, n'wina, vatitsongahati hinkwavo va tiko, lava endlaka hi ku lerisa ka yena, lavani ku lulama, mi lava ku titsongahata; kumbe mi ta tifihla esikwini ra vukari bya Yehovha.

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Ezekiele 18:31

Cukumetani swidyoho swa n'wina hinkwaswo leswi mi dyoheke ha swona, mi va ni timbilu letintshwa ni mimoya leyintshwa. Mi ta lova ha yini, n'wina, va yindlu ya Israele?

1 Vatesalonika 1:5

Hikuva Evhangeli ya hina a yi tangi eka n'wina hi marito ntsena, kambe yi tile hi matimba ni Moya lowo Kwetsima, ni ku khorwisa lokukulu, hi laha mi tivaka hakona mahanyelo ya hina eka rikwenu hikwalaho ka n'wina.

Vaefesa 5:4

hambi yi ri mhaka ya tingana, hambi ti ri ta vuhunguki, hambi ti ri ta mafenya, ti nga timhaka leti nga faneriki; kambe a ku twakale ku khensa,

Vaefesa 4:25

Hikwalaho-ke, tshikani vunwa, mi vulavula leswi tiyeke, un'wana ni un'wana eka warikwavo, hikuva hi swirho van'wana eka van'wana.

Yakobo 5:20

yeloyi a a swi tive leswaku la tlheriseke mudyohi eku hambukeni ka yena, a ta ponisa moya wun'wana eku feni, kutani a funengeta swidyoho leswo tala.

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;