Varhoma 9:7 - Xitsonga (Bibele)

⁷ kambe na vona lava nga va rixaka ra Abrahama, a hi hinkwavo va nga vana va yena; kambe ku vuriwile leswaku: “Lava nga ta vuriwa va rixaka ra wena, va ta huma eka Isaka.”

BIBELE Mahungu Lamanene

⁷ naswona, a hi hinkwavo va rixaka ra Abrahama lava nga vuriwaka leswaku i vatukulu va yena va xiviri, hikuva Xikwembu xi te: “Lava humaka eka Isaka hi vona lava nga ta vuriwa va rixaka ra wena.”

Testamente Leyimpsha Xichangana

⁷ na svona, ahi hinkwavu va rixaka ra Abrahamu lavangavuliwaka lesvaku i vana va yena va xiviri, hikuva Xikwembu xite: “Lava vahumaka ka Izaki hi vona lavangatavuliwa va rixaka ra wena.”

Varhoma 9:7 Referans Kwoze

Genesa 21:12

Kutani Xikwembu xi ku eka Abrahama: “U nga tshuki u vaviseka hikwalaho ka wandzisanyana ni ka khumbi ra wena; hinkwaswo leswi Sara a nga ta ku byela, pfumela, hikuva eka yena Isaka, ku ta huma rixaka leri nga ta thyiwa ha wena.

Vaheveru 11:18

loyi ku nga vuriwa ehenhla ka yena leswaku: “Hi yena Isaka loyi rixaka ra wena ri nga ta thyiwa ha yena”;

Vagalatiya 4:23

Kambe loyi wa la nga fuyiwa, u velekiwe hi mukhuva wa nyama, kambe lowun'wana, wa la nga fuyiwangiki, u tswariwe hikwalaho ka ku tshembisa.

Vafilipiya 3:3

Hikuva hi hina hi nga ngoma leyinene, hina lava hi tirhelaka Xikwembu emoyeni, lava hi tidzunisaka ha Yesu Kriste, lava hi nga titshembiki enyameni.

Luka 3:8

Loko swi ri tano-ke, vekani mihandzu leyi kombisaka ku tisola ka n'wina; mi nga tshuki mi anakanya, mi ku: ‘Hi na tatana, a nga Abrahama’; hikuva ndzi ri eka n'wina: Xikwembu xi nga pfuxela Abrahama vana hi maribye lawa.

Yohane 8:33

Va n'wi hlamula, va ku: “Hi rixaka ra Abrahama, a hi si fuyiwa hi munhu ni siku ni rin'we; u vurisa ku yini, loko u ku: ‘Mi ta tshunxiwa’?”

Luka 16:30

Mufuwi a ku: ‘E-e, tatana Abrahama, kambe kungakuloko un'wana wa lava feke a ya eka vona, va ta hundzuka.’

Matewu 3:9

Kutani mi nga tshuki mi tianakanyela mi ku: ‘Hi na Abrahama, a nga tata wa hina’; hikuva ndza mi byela leswaku Xikwembu xi nga pfuxela Abrahama vana hi maribye lawa.

Vagalatiya 4:28

Loko hi ri hina vamakwerhu, hi vana va ku tshembisa, ku kotisa Isaka.