Varhoma 9:5 - Xitsonga (Bibele)

⁵ hi vona lava humaka eka vatatana, lava Kriste a humeke eka vona hitlhelo ra nyama, yena la nga ehenhla ka swilo hinkwaswo, Xikwembu lexi vongiwaka hilaha ku nga heriki. Amen!

BIBELE Mahungu Lamanene

⁵ Vakokwa wa hina i va vona; na yena Kriste ú huma erixakeni ra vona, hi tlhelo ra ku velekiwa. Xikwembu lexi nge henhla ka swilo hinkwaswo, a xi vongiwe hilaha ku nga heriki. Amen!

Testamente Leyimpsha Xichangana

⁵ Vakokwana va hina i va vona; na yena Kriste ahuma rixakeni ra vona, hi tlhelo ra kuvelekiwa. Xikwembu lexinga henhla ka svilo hinkwasvu, axivongiwe hilaha kungaheliki. Amen!

Varhoma 9:5 Referans Kwoze

Varhoma 1:25

va nga valavo lava hundzuleke ntiyiso wa Xikwembu mavunwa, va gandzela, va va va tirhela leswi vumbiweke, a nga ri Muvumbi la vongiwaka hi masiku ni masiku. Amen!

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Yohane 10:30

Mina na Tatana hi endla un'we.”

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Varhoma 1:3

loko xi ringanisa hi n'wana wa xona, Yesu Kriste, Hosi ya hina, la nga huma erixakeni ra Davhida, hitlhelo ra nyama,

Nhlavutelo 1:18

ni Loyi a hanyaka; a ndzi file, kutani sweswi, ndza hanya hi masiku ni masiku; ndzi ni mimpfungura ya xivandla xa vafi ni ya rifu.

Esaya 11:1

Kutani rhavi ri ta huma ensinyeni wa Yese, hluke ri ta huma etimitswini ta wona, ri veka mihandzu.

Nhlavutelo 22:16

“Mina Yesu, ndzi rhumile ntsumi ya mina ku vula vumbhoni bya timhaka teto etikerekeni. Hi mina rimitsu ni rixaka ra Davhida, ni nyeleti leyi voningaka ya mixo.”

2 Vakorinto 11:31

Xikwembu lexi nga Tata wa Hosi ya hina, Yesu Kriste, xi nga xona lexi khensiwaka hilaha ku nga heriki, xa swi tiva leswaku a ndzi hembi.

Varhoma 11:28

Kunene, hitlhelo ra Evhangeli, i valala hikwalaho ka n'wina; kambe hitlhelo ra ku hlawuriwa, va ha ri varhandziwa hikwalaho ka vatatana va vukulukulu,

Varhoma 10:12

Hikuva a ku na ku hambana eka Muyuda ni Mugriki, hikuva hinkwavo va ni Hosi yin'we, leyi fuwelaka hinkwavo lava kombelaka eka yona.

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Pisalema 106:48

A ku khensiwe Yehovha, Xikwembu xa Israele, Ku suka eku sunguleni, ku yisa laha ku nga heriki! Tiko hinkwaro a ri vule: “Amen!” Dzunisani Yehovha!

Pisalema 103:19

Yehovha u vekile xiluvelo xa yena ematilweni, Kutani vuhosi bya yena byi fuma swilo hinkwaswo.

Pisalema 72:19

A ku khensiwe vito ra yena ra ku kwetsima! Misava hinkwayo a yi tatiwe hi ku twala ka yena. Amen! Ina! Amen!

Pisalema 45:6

Oho Xikwembu! Xiluvelo xa wena xi tiyile hi mikarhi ni mikarhi; Nhonga ya vuhosi bya wena i nhonga ya ku lulama.

Pisalema 41:13

A ku vongiwe Yehovha, Xikwembu xa Israele, Hi mikarhi leyi nga riki na ku sungula ni ku hela. Amen! Amen!

Nhlavutelo 22:20

Loyi a tiyisaka vumbhoni bya timhaka leti, a ku: “Ina, ndza ta sweswi!” Amen! Tana, Hosi Yesu!

2 Timotiya 2:8

Anakanya Yesu Kriste, wa rixaka ra Davhida, la pfukeke eku feni, hilaha Evhangeli ya mina yi vulaka hakona,

1 Timotiya 6:15

leri nga ta kombisiwa enkarhini wa kona hi loyi a katekeke, la nga ni matimba a ri swakwe, mufumi wa vafumi, ni Hosi ya tihosi;

1 Vakorinto 14:16

Loko swi nga ri tano, kungakuloko u khensa hi Moya, xana la nga tiviki nchumu, a nga tiyisa ku yini ku khensa ka wena, loko a ku: “Amen,” loko a nga tivi leswi u swi vulaka?

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Pisalema 89:52

A ku khensiwe Yehovha hi masiku! Amen! Amen!

1 TIKRONIKA 16:36

A ku khensiwe Yehovha, Xikwembu xa Israele! Hi masiku lama nga heriki!” Kutani tiko hinkwaro ri ku: “Amen!” Tlangelani Yehovha.

1 TIHOSI 1:36

Kutani Benaya, n'wana Yehoyada, a hlamula, a ku eka hosi: “Amen! A ku vurise sweswo Yehovha, Xikwembu xa hosi, n'wini wa mina!

Nhlavutelo 5:14

Kutani swivumbiwa leswi hanyaka leswa mune swi ku: “Amen!” Kutani vakulukumba va makume mambirhi na mune va khinsama, va gandzela.

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

Matewu 6:13

U nga hi yisi emiringweni, kambe u hi lwela eka lowo biha.’

Yeremiya 28:6

Muprofeta Yeremiya a ku: “A swi ve tano! Yehovha a a endle sweswo! Yehovha a a tiyise marito ya wena lawa u ma profeteke hikwalaho ka swibya leswi nga ta tlheriseriwa exivandleni lexi, swa yindlu ya Yehovha, ni hinkwavo lava yeke eku bohiweni eBabilona!

Duteronoma 10:15

Kambe Yehovha u namarhele vatata wa wena ntsena ku va rhandza; kutani u hlawurile vana va vona endzhaku ka vona, u hlawurile n'wina exikarhi ka matiko hinkwawo hilaha mi swi vonaka namuntlha.

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Genesa 12:3

Ndzi ta katekisa lava nga ta ku katekisa, ndzi rhuketela lava nga ta ku rhuketela, kambe ha wena ku ta katekisiwa tinxaka hinkwato ta misava.”

Timhaka 3:13

Xikwembu xa Abrahama, ni xa Isaka, ni xa Yakobo, Xikwembu xa vatata wa hina, xi dzunisile nandza wa xona, Yesu loyi mi n'wi nyiketeke Pilato, mi n'wi landzula emahlweni ka yena, kasi yena a a n'wi avanyisela ku n'wi tshunxa.

Vaheveru 7:24

kambe yena, leswi a tshamaka hilaha ku nga heriki, u va ni vuprista lebyi nga hundziki.

Luka 20:44

Sweswi, loko Davhida a n'wi vula Hosi ya yena, a nga va n'wana wa yena hi mukhuva wihi xana?”