Varhoma 9:4 - Xitsonga (Bibele)

⁴ va nga Vaisraele, volavo, ku hlayiwa vana ku nga ka vona, ni ku kwetsima, ni ntwanano, ni nawu, ni ku gandzela, ni ku tshembisiwa;

BIBELE Mahungu Lamanene

⁴ Ndzi vula Vaisraele, vona lava va nga endliwa vana va Xikwembu, va nyikiweke ku kwetsima ka xona, ni mintwanano, ni Nawu, ni vukhongeri bya xiviri, ni switshembiso.

Testamente Leyimpsha Xichangana

⁴ Nivula Vaisrayele, vona lava vangayendliwa vana va Xikwembu, vanyikiweke kukwetsima ka xona, ni mintwananu, ni Nawu, ni vukhongeli bza xiviri, ni svitshembiso.

Varhoma 9:4 Referans Kwoze

Vaefesa 2:12

emikarhini yeleyo a mi ri ehandle ka Kriste, a mi hambene ni tiko ra Israele, a mi nga ri na ku averiwa emitwananweni yo tshembisa, a mi nga ri na ku tshemba, a mi nga ri na Xikwembu emisaveni.

Pisalema 147:19

U hlavutele Yakobo rito ra yena, Na Israele, milawu ya yena ni swileriso swa yena;

Varhoma 9:6

Hambiswiritano, a hileswaku rito ra Xikwembu ri wile; hikuva a hi hinkwavo lava humeke eka Israele lava nga Vaisraele;

Genesa 17:2

Famba emahlweni ka mina, u va munhu lowo lulama; kutani ndzi ta tiyisa ntwanano exikarhi ka mina na wena, ndzi va ndzi ku andzisa hi ku hundzisisa.”

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Duteronoma 7:6

Hikuva u tiko leri hlawuleriweke Yehovha, Xikwembu xa wena; Yehovha, Xikwembu xa wena, u ku hlawurile leswaku u va tiko ra yena hi xiviri exikarhi ka matiko hinkwawo lama nga emisaveni.

Eksoda 4:22

Kutani u ta ku eka Faro: ‘Yehovha u te: Israele i n'wananga wa mativula,

Vaheveru 9:1

Ntwanano lowo rhanga, na wona a wu ri ni milawu ya ku tirhela Xikwembu, ni vukwetsimelo bya la emisaveni.

Pisalema 89:3

U te: “Ndzi endlile ntwanano ni muhlawuriwa wa mina; Ndzi hlambanyile eka Davhida, nandza wa mina,

1 TIHOSI 8:11

vaprista va tsandzeka ku yima kona ku tirha ntirho hikwalaho ka papa; hikuva ku kwetsima ka Yehovha ku tatile Yindlu ya Yehovha.

Varhoma 8:15

Hikuva a mi nyikiwanga moya wa vukhumbi, leswaku ku chava ku va kona kambe mi nyikiwile moya wa lava vekiweke vana, lowu hi huwelelaka ha wona, hi ku: “Abba, Tatana!”

Yohane 1:17

Hikuva nawu wu nyikiwile hi Muxe; kambe tintswalo ni vunene swi humelele hi Yesu Kriste.

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

Duteronoma 14:1

“Mi vana va Yehovha, Xikwembu xa n'wina: Mi nga tshuki mi titlhavela tinhlanga emirini, kambe mi nga tshuki mi byewula misisi emahlweni hikwalaho ka mufi.

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Vaheveru 9:10

yi nga milawu ya misava ntsena, leyi lerisaka swakudya, ni swakunwa, ni swa ku hlantswa leswo tala, ku ko ku fika nkarhi wa ku pfuxeta hinkwaswo.

Vaheveru 9:3

kutani endzhaku ka xisirhelelo xa vumbirhi a yi ri tabernakela leyi vuriwaka xikwetsimisiso,

Yohane 1:47

Yesu a vona Nataniele loko a ta eka yena, kutani a n'wi vula, a ku: “Vonani Muisraele wa xiviri, loyi ku nga riki na ku kanganyisa eka yena.”

Matewu 21:33

“Yingisani xifaniso xin'wana. Munhu a a ri kona, a ri n'wini wa yindlu, a byarile nsimu ya vhinya, a yi biyerile rihlampfu, a cerile xikhuvuto, a ake ni tshala; kutani loko a yi vekile emavokweni ya varimi, a ya endza.

Hosiya 11:1

Israele loko a ha ri ntsongwana, ndzi n'wi rhandzile, ndzi vita n'wananga a huma eEgipta.

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

Yeremiya 31:9

Va ta, va ri karhi va rila; ndzi va fambisa va ri karhi va khongela, ndzi va yisa emilambyeni ya mati, hi ndlela yo lulama leyi va nga tiki khunguvanyeka eka yona; hikuva ndzi ta va tatana eka Israele, Efrayimi a va n'wananga wa mativula.

Esaya 60:19

Dyambu ri nga ha vi ku vonakala ka wena ninhlekanhi, ni n'weti wu nga ha ku voningi Yehovha u ta va ku vonakala ka wena hi masiku, Xikwembu xa wena xi ta va ku twala ka wena.

Esaya 46:3

“Ndzi yingiseni n'wina va yindlu ya Yakobo, na n'wina hinkwenu masalela ya yindlu ya Israele, n'wina lava ndzi mi rhwaleke mpfhuka mi tswariwa, ndzi va ndzi mi veleka loko ma ha ri eveleni ra mana wa n'wina!

Esaya 41:8

“Kambe wena Israele, nandza wa mina, wena Yakobo, loyi ndzi ku hlawuleke, xaka ra Abrahama leri ndzi ri rhandzeke!

Esaya 5:2

Kutani a yi rima, a susa maribye, a simekela vhinya leyi hlawuriweke, a aka tshala exikarhi ka yona, kutani a cela kona xikhuvuto; kutani a tshembile leswaku yi ta veka mihandzu leyo nandziha, kasi yi vekile leyo bava.

Pisalema 90:16

Ntirho wa wena a wu vonakarise ka malandza ya wena, Ni ku kwetsima ka wena eka vana va vona!

Pisalema 89:34

Ndzi nga ka ndzi nga onhi ntwanano wa mina, Ni ku hundzuluxa rito leri nga huma emilon'wini ya mina.

Pisalema 78:61

Kutani xi tshika ku kwetsima ka xona ku yisiwa eku bohiweni, Ni ku twala ka xona ku wela emavokweni ya valala.

Pisalema 73:1

Kunene Xikwembu xi ni tintswalo eka Israele, Eka lava nga ni timbilu to basa.

Pisalema 63:2

Ndzi ta ku hlalela evukwetsimelweni, Ndzi ta vona matimba ya wena ni ku kwetsima ka wena.

Nehemiya 13:29

Oho! Xikwembu xa mina, u va anakanya, hikuva va nyamisile vuprista ni xinakulobye xa vaprista ni Valevhi.

Duteronoma 31:16

Yehovha a ku eka Muxe: “Waswivo, u ta ya etlela ni vatata wa wena; kambe tiko leri ri ta pfuka ri ya oswana ni swikwembu swin'wana swa misava leyi ri nga ta nghena eka yona; ri ta ndzi tshika, kutani ri ta tlula ntwanano wa mina lowu ndzi wu endleke na rona.

Duteronoma 29:14

“A ndzi endli ntwanano lowu na n'wina ntsena, ni ku hlambanya loku;

Duteronoma 29:1

Hi wona marito ya ntwanano lowu Yehovha a leriseke Muxe ku wu endla ni vana va Israele etikweni ra u Mowabu, wu ri handle ka ntwanano lowu a nga wu endla na vona eHorebe.

Tinhlayo 7:89

Kutani kakuloko Muxe a tshama a nghena etabernakeleni ya nhlengeletano ku ya vulavula na Yehovha, a tshama a yingisa rito leri vulavulaka na yena, ri twakala evukhongelelweni lebyi nga ehenhla ka areka ya vumbhoni, exikarhi ka tikerubu timbirhi; hi sweswo Muxe a tshama a vulavula na Yena.

Eksoda 40:34

Kutani papa ri funengeta Yindlu ya nhlengeletano, kutani ku kwetsima ka Yehovha ku tata Yindlu.

Eksoda 34:27

Yehovha a engeta, a ku eka Muxe: “Tsala marito lawa, hikuva ndzi endlile ntwanano na wena na Israele hi marito lawa.”

Eksoda 12:25

Kuteloko mi fikile etikweni leri Yehovha a nga ta mi nyika rona, hilaha a vuleke hakona, mi ta hlayisa maendlelo lawa.

Genesa 32:28

Loyi a ku: “Vito ra ku a ri nga ha vuriwi Yakobo, kambe u ta va Israele (la hluleke Xikwembu); hikuva u kamane na Xikwembu, u lwile ni vanhu, kutani u va hlurile.”

Genesa 17:10

Ntwanano lowu mi nga ta wu hlayisa lowu nga xikarhi ka mina na wena ni vatukulu va wena, hi wolowo: Wanuna un'wana ni un'wana exikarhi ka n'wina u ta yimba.

Genesa 15:18

Hi siku rolero, Yehovha a tiyisa ntwanano na Abrama, a ku: “Ndzi nyikile tiko leri eka vatukulu va wena, ku suka enambyeni wa Egipta, ku fikela enambyeni lowukulu, wu nga nambu wa Yufrata,

Varhoma 3:2

Kumbe ku yimba ku pfuna yini? Ka pfuna ngopfu hi matlhelo hinkwawo, ngopfungopfu hi leswi marito ya Xikwembu ma vekiweke eka vona.

Duteronoma 4:13

U mi twisisile ntwanano lowu a mi leriseke ku wu hlayisa, ma ri marito ya khume, kutani u ma tsarile emaribyeni mambirhi.

Ezekiele 1:28

Tanihi ku saseka ka nkwangulatilo emapepeni hi siku ra mpfula, a ku sasekisile xisweswo ematlhelweni hinkwawo hi ku vonakala loku: A ku ri hlavutelo ya ku kwetsima ka Yehovha. Kuteloko ndzi swi vonile, ndzi wa hi mombo wa mina, ndzi ri karhi ndzi twa rito ra un'wana la vulavulaka.

2 Vakorinto 11:22

Xana i Vaheveru? Na mina ndzi yena. Xana i Vaisraele? Na mina ndzi wa vona. Xana i vatukulu va Abrahama? Na mina ndzi yena.

Vagalatiya 3:16

Kasi ku tshembisa ku endleriwe Abrahama ni rixaka ra yena; a nga vulanga, a ku: “Ni tinxaka ta yena,” kukotisa leswo ngi u vula leto tala; kambe a ku, “hi ku hlaya rin'we ntsena.” Ni rixaka ra wena, a nga Kriste.

Vaheveru 9:5

Kutani ehenhla ka areka a ku ri ni tikerubu to kwetsima leto wungameleke vukhongelelo; kambe sweswi a hi nkarhi wa ku vula swilo leswi ha xin'we.

Vaheveru 9:6

Kutani leswi swilo leswo swi nga lunghisiwa xisweswo, vaprista va nghena hi masiku hinkwawo etabernakeleni leyo rhanga, va tirha ntirho wa Xikwembu;