Varhoma 9:3 - Xitsonga (Bibele)

³ hikuva, loko ndzi ri mina, ndzi nga rhandza ku va anathema, ndzi hambanyisiwa na Kriste, hikwalaho ka vamakwerhu lava nga rixaka rin'we na mina hi nyama,

BIBELE Mahungu Lamanene

³ Hikuva a ndzi ta navela, mina hi xiviri xa mina, ku va loyi a cukumetiwaka, ndzi hambanisiwa na Kriste hikwalaho ka vona lava va nga va rixaka ra ka hina hi ku velekiwa.

Testamente Leyimpsha Xichangana

³ Hikuva anitanavela, mina hi xiviri xa mina, kuva lweyi acukumetiwaka, nihambanisiwa na Kriste hikolaho ka vona lava vanga va rixaka ra ka hina hi kuvelekiwa.

Varhoma 9:3 Referans Kwoze

Eksoda 32:32

Kambe sweswi, wanga va rivalela ku dyoha ka vona! Loko swi nga ri tano, hlangula vito ra mina ebukwini ya wena leyi u yi tsaleke.

Estere 8:6

Hikuva ndzi nga tiyisa ku yini matimba ku vona ku biha loku nga ta wela ehenhla ka vanhu va rikwerhu xana? Kumbe ndzi nga tiyisa ku yini matimba ku languta ku dlayiwa ka varikwerhu xana?”

Varhoma 11:14

leswaku, kumbe ndzi ta pfuxa va nyama ya mina hi rilondzo, ndzi ponisa van'wana va vona.

Vagalatiya 3:10

Hikuva hinkwavo lava namarhelaka mitirho ya nawu, va le ku rhukaniweni, hikuva ku tsariwe va ku: “Ku rhukaniwa mani na mani la nga tiyiseriki eka hinkwaswo leswi tsariweke ebukwini ya nawu ku swi endla.”

1 Vakorinto 16:22

Kungakuloko munhu a ri kona la nga rhandziki Hosi Yesu, a a endliwe anathema! Maranatha! (Hosi ya ta!)

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

Vagalatiya 1:8

Kasi loko a ri kona loyi a mi dyondzisaka Evhangeli yin'wana eka leyi hi nga mi dyondzisa yona, hambi ku nga va hina, hambi yi ri ntsumi ya le tilweni, a yi ve anathema.

1 Vakorinto 12:3

Hikwalaho ndzi mi ti visaka leswaku a ku na munhu la vulavulaka hi Moya wa Xikwembu, a ku: “Yesu i anathema.” Na swona a ku na munhu la nga tivaka ku vula a ku: “Yesu i Hosi,” loko ku nga ri hi Moya lowo Kwetsima.

Varhoma 11:1

Kambe ndzi ri: Xana Xikwembu xi cukumetile tiko ra xona xana? E-e! Niswitsanana! Hikuva na mina ndzi Muisraele, wa rixaka ra Abrahama, wa nyimba ya Benjamini.

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

1 SAMIELE 14:44

Sawulo a ku: “Xikwembu a xi endle hi matimba loko u nga fi Yonatani!”

1 SAMIELE 14:24

Vanhu va Israele a va karhele ngopfu siku leri, hikuva Sawulo a a hlambanyisile tiko, a ku: “A ku rhuketeriwe munhu la nga ta dya swakudya ku fikela nimadyambu, ndzi nga si tirihisela eka valala va mina!” Kutani a ku vanga na munhu la nantseke swakudya.

Duteronoma 21:23

ntsumbu wa yena wu nga tshuki wu hundza vusiku wu ri emutini; u ta n'wi lahla hi siku rolero, hikuva la hayekiweke, wa yila eka Xikwembu, kambe u nga tshuki u nyamisa tiko ra wena leri Yehovha, Xikwembu xa wena, a ku nyikaka rona leswaku yi va ndzhaka ya wena.

Genesa 29:14

Kutani Labani a ku eka yena: “Kunene, u marhambu ya mina, ni nyama ya mina!” Kutani Yakobo a tshama na yena n'hweti hinkwayo.

2 SAMIELE 18:33

Kutani hosi yi twa ku vaviseka ngopfu embilwini, yi khandziyela endlwini leyi nga ehenhla ka nyangwa, kutani yi rila; loko yi ri karhi yi famba, yi vula sweswo yi ku: “N'wananga Abixalomu! N'wananga, n'wananga Abixalomu! Ingi ku file mina ematshan'weni ya wena Abixalomu, n'wananga, n'wananga!”

Timhaka 22:5

hilaha na yena muprista lonkulu a nga vaka mbhoni, ni nhlengeletano hinkwayo ya vakulukumba, hikuva ndzi tekile mapapila eka vona, ku ma mukisa eka varikwerhu va Damaska, ndzi ya kona ku boha lava akeke kona va dyondzo leyi, ni ku va tisa eYerusalema, leswaku va tshinyiwa.

Timhaka 28:21

Va ku eka yena: “A hi si vona mapapila lama pfaka eYudiya lama vulaka timhaka ta wena, hambi va ri vamakwerhu, a ku na un'we la teke ku hi byela, hambi a ri la humeseke mhaka yo biha ehenhla ka wena.

Varhoma 1:3

loko xi ringanisa hi n'wana wa xona, Yesu Kriste, Hosi ya hina, la nga huma erixakeni ra Davhida, hitlhelo ra nyama,

Varhoma 9:2

Ndzi ni gome lerikulu, ni swirilo leswi nga heriki swi kona embilwini ya mina;

Varhoma 16:7

Ndzi runguleleni Androniko na Yuniya, maxaka ya mina, lava tshamaka va bohiwa na mina, kambe va twakele exikarhi ka vaapostola, na swona va ndzi rhangele eka Kriste.

Varhoma 16:11

Ndzi runguleleni Herodiyoni, xaka ranga. Ndzi runguleleni va yindlu ya Narkiso, lava nga le Hosini.

Varhoma 16:21

Timotiya nakulorhi entirhweni, wa mi rungula; na Lukiyo, na Yaso, na Sosipatro, maxaka ya mina, va mi rungula.

2 Vakorinto 12:15

Loko ndzi ri mina, ndzi ta humesa swa mina, na swona ndzi ta tinyika hi xiviri hikwalaho ka mimoya ya n'wina; hambi ndzi rhandziwa kutsongo, ndzi ta mi rhandza ngopfu.

Vagalatiya 1:9

Hilaha hi nga rhanga hi mi byela hakona ni sweswi ndza ha vurisa sweswo: Loko un'wana a mi byela Evhangeli yin'wana eka leyi mi yi amukeleke, a a ve anathema!

Vaefesa 6:5

N'wina malandza, yingisani vini va n'wina enyameni hi xichavo, ni ku rhurhumela, timbilu ta n'wina ti basile, kukotisa loko mi yingisa Kriste,