Varhoma 9:21 - Xitsonga (Bibele)

²¹ Kumbexana muvumbi a nga na matimba ya ku endla hi nkanyanga wun'we wa vumba mbita yin'we leyi dzunisiwaka, ni yin'wana leyi nga dzunisiwiki xana?

BIBELE Mahungu Lamanene

²¹ Hi tlhelo rin'wana, xana muvumbi a nga na matimba ehenhla ka vumba ra yena, ku endla, hi nkanyanga wun'we, xibya xin'wana xa nkoka ni xin'wanyana xo soleka xana?

Testamente Leyimpsha Xichangana

²¹ Hi tlhelo rin'wana, xana muvumbi anga na wona matimba henhla ka vumba ra yena, akuva hi vumba ro ra rin'we, avumba xibza xin'we xa risima ni xin'wana xosoleka ke?

Varhoma 9:21 Referans Kwoze

Esaya 64:8

Kambe sweswi, o Yehovha, u tata wa hina; hina hi vumba, wena u loyi a hi vumbeke, hinkwerhu hi ntirho wa mavoko ya wena.

Swivuriso 16:4

Yehovha u lerisile swilo hinkwaswo emakungwini ya yena, Na yena lowo biha, u endleriwe siku ra khombo.

Timhaka 9:15

Kambe Hosi yi ku eka yena: “Yana, hikuva loyi, i khuwana leri ndzi tihlawuleleke rona, ku yisa vito ra mina eka vamatiko, ni ka tihosi, ni ka vana va Israele;

Varhoma 9:11

hikuva, kuteloko mahahla ma nga si velekiwa, ma nga si endla swo saseka ni swo biha, leswaku ku ta vonaka leswaku makungu ya Xikwembu ma tiyile, loko xi hlawurile munhu ku nga ri hi mitirho, kambe ku ri hi ku rhandza ka la vitanaka,

Varhoma 9:18

Loko swi ri tano xi tsetselela loyi xi rhandzaka ku n'wi tsetselela; kambe xi nonon'hwisa loyi xi rhandzaka ku n'wi nonon'hwisa.

Hosiya 8:8

Israele u mitiwile; exikarhi ka matiko, va kotisa mbita leyi nga rhandziwiki.

Yeremiya 22:28

Xana munhu loyi, Yekoniya, i xibya lexi soriwaka, lexi fayiwaka xana? Kumbe i ntirho lowu nga pfuniki nchumu-ke? Va tshikiwa ha yini, yena ni nyimba ya yena, ku ya cukumetiwa ematikweni lawa va nga ma tiviki?

Esaya 10:15

Xana xihloka xi nga tidzunisa eka la tsemaka ha xona, ni saha yi nga tikurisa eka la sahaka ha yona xana? Kukotisa leswo nge nkhavi wu nga tsekatsekisa voko ra loyi a wu yimiseke, ni loko nhonga yi nga tlakusa loyi a nga riki murhi!

Esaya 45:9

“Khombo eka loyi a kanetanaka ni muvumbi wa yena! Yi ri mbita exikarhi ka timbita! Xana vumba byi ta ku eka muvumbi: ‘U endla yini?’ Xana lexi u xi tirhaka xi ta ku: ‘U hava mavoko’?

Varhoma 9:20

Kambe wena munhu, u mani loko u tengisa Xikwembu? Xana mbita yi nga ku eka loyi a yi vumbeke: “U ndzi endlisele yini xileswi xana?”