Varhoma 9:18 - Xitsonga (Bibele)

¹⁸ Loko swi ri tano xi tsetselela loyi xi rhandzaka ku n'wi tsetselela; kambe xi nonon'hwisa loyi xi rhandzaka ku n'wi nonon'hwisa.

BIBELE Mahungu Lamanene

¹⁸ Loko swi ri tano ke, Xikwembu xi tsetselela loyi xi rhandzaka ku n'wi tsetselela; kutani xi nonon'hwisa loyi xi rhandzaka ku n'wi nonon'hwisa.

Testamente Leyimpsha Xichangana

¹⁸ Loko svilitano ke, Xikwembu xitsetselela lweyi xirhandzaka kumutsetselela; kutani xinonon'hwisa lweyi xirhandzaka kumunonon'hwisa.

Varhoma 9:18 Referans Kwoze

Yoxuwa 11:20

Hikuva a swi huma ka Yehovha leswi va nonon'hwiseke timbilu ta vona ku lwa na Israele, leswaku a va yirisa va nga kumi tintswalo, kambe a va heta hilaha Yehovha a leriseke Muxe hakona.

Eksoda 4:21

Kambe Yehovha a ku eka Muxe: “Eku tlheleleni ka wena eEgipta, vona masingita hinkwawo lawa ndzi vekeke wona emavokweni ya wena u ta ma endla emahlweni ka Faro; kambe mina ndzi ta nonon'hwisa mbilu ya yena leswaku a nga pfumeleli tiko ku famba.

Duteronoma 2:30

Kambe Sihoni, hosi ya Hexiboni, u hi arisile ku tsemakanya eka rikwavo, hikuva Yehovha, Xikwembu xa wena, xi nonon'hwisile moya wa yena, xi sihalarisile mbilu ya yena, leswaku xi ta n'wi neha emavokweni ya wena hilaha swi humeleleke hakona.

Esaya 63:17

Hikwalaho ka yini, o Yehovha, u hi tsendzelekisaka ekule ni tindlela ta wena, kutani u nonon'hwisa timbilu ta hina leswaku ti nga ha ku chavi? Tlhela, hikwalaho ka rirhandzu ra wena eka malandza ya wena, ni ka tinxaka ta ndzhaka ya wena!

Eksoda 7:13

Kambe mbilu ya Faro yi nonon'hwa, kutani a nga va yingisanga, hilaha Yehovha a nga vula hakona.

Vaefesa 1:6

eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka Murhandziwa wa xona,

Eksoda 7:3

Kambe mina ndzi ta nonon'hwisa mbilu ya Faro, ndzi va ndzi andzisa swikombiso ni masingita ya mina etikweni ra Egipta.

Eksoda 9:12

Kambe Yehovha a nonon'hwisa mbilu ya Faro, a nga yingisanga Muxe na Aroni, hilaha Yehovha a nga byela Muxe hakona.

Eksoda 10:1

Yehovha a ku eka Muxe: “Yana eka Faro, hikuva ndzi nonon'hwisile mbilu ya yena ni timbilu ta malandza ya yena, ndzi ta endla exikarhi ka vona swikombiso leswi u nga ta swi vona;

Eksoda 10:20

Kambe Yehovha a nonon'hwisa mbilu ya Faro, kutani Faro a nga tshunxanga vana va Israele.

Eksoda 10:27

Kambe Yehovha a nonon'hwisa mbilu ya Faro, a ala ku va tshunxa.

Eksoda 11:10

Muxe na Aroni va endlile masingita hinkwawo emahlweni ka Faro. Kambe Yehovha a nonon'hwisile mbilu ya Faro, kutani a nga tshunxanga vana va Israele, leswaku va huma etikweni ra yena.

Eksoda 14:4

Ndzi ta nonon'hwisa mbilu ya Faro, u ta va landza; kambe ndzi ta tidzunisa ha Faro ni nyimpi ya yena hinkwayo; Vaegipta va ta tiva leswaku hi mina Yehovha.” Kutani va endlisa sweswo.

Eksoda 14:17

Kambe mina ndzi ta nonon'hwisa timbilu ta Vaegipta, va ta mi landzela; kutani ndzi ta tidzunisa ha Faro ni nyimpi ya yena hinkwayo, ni makalichi ya yena, ni 12 va khandziyaka tihanci.

Yohane 12:40

“U phumerisile mahlo ya vona, u nonon'hwisile timbilu ta vona, leswaku va nga tshuki va vona hi mahlo, va nga tshuki va twisisa hi timbilu va nga tshuki va hundzuka, kutani ndzi nga tshuki ndzi va hanyisa.”

Varhoma 11:25

Hikuva, vamakwerhu, a ndzi swi rhandzi leswaku mi fihleriwa xihundla lexi, mi nga ti tshuka mi tiendla lavo tlhariha: swi ri leswaku ku nonon'hwa ku humelele Vaisraele hitlhelo rin'wana, ku tala ka vamatiko ku ko ku nghena;

Eksoda 9:7

Faro a vutisa leswi humeleleke, kutani a ku nga fanga ni xifuwo xin'we emitlhambini ya vana va Israele. Kambe mbilu ya Faro yi nonon'hwa, kutani a nga tshunxangi tiko.