Varhoma 8:7 - Xitsonga (Bibele)

⁷ hikuva ku rhandza ka nyama, i vulala eka Xikwembu, hikuva a yi tiveki hansi ka nawu wa Xikwembu; ni ku tsandzeka, ya tsandzeka.

BIBELE Mahungu Lamanene

⁷ Hikokwalaho, mianakanyo leyi fumiwaka hi ntumbuluko wa laha misaveni yi lwa ni Xikwembu, hikuva a yi yingisi Nawu wa Xikwembu; naswona yi nga ka yi nga swi koti.

Testamente Leyimpsha Xichangana

⁷ Hikolaho, kunavela lokufumiwaka hi miri kulwa ni Xikwembu, hikuva akulandzi Nawu wa Xikwembu; nasvona kungakala kungasvikoti.

Varhoma 8:7 Referans Kwoze

1 Vakorinto 2:14

Kambe munhu wa nyama a nga amukeri timhaka ta Moya wa Xikwembu; hikuva eka yena, i vuhunguki; kutani wa hluleka ni ku ti tiva, hikuva ti anakanyiwa hi Moya.

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

Varhoma 7:22

Hikuva ndzi tsakela nawu wa Xikwembu hi munhu la nga exikarhi ka mina;

Vaheveru 8:10

Hikuva ntwanano lowu ndzi nga ta wu vekela yindlu ya Israele, endzhaku ka masiku lawa, hi lowu, ku vula Hosi: Ndzi ta veka milawu ya mina eku anakanyeni ka vona, ndzi yi tsala etimbilwini ta vona, ndzi ta va Xikwembu xa vona, vona va va tiko ra mina.

2 Timotiya 3:4

vaxengi, vakarihi, lava tikurisaka, lava rhandzaka ku tsaka, xi nga ri Xikwembu,

Vakolosa 1:21

Na n'wina, a mi ri ekule khale, a mi ri valala hi miehleketo ya n'wina ni mitirho leyo biha ya n'wina;

Varhoma 8:4

ku va leswaku ku lulama ka nawu ku ta hetiseka eka hina, lava hi nga fambiki hi nyama, kambe hi fambaka hi Moya.

Varhoma 5:10

Hikuva loko ha ha ri valala, hi hlanganisiwile ni Xikwembu hi ku fa ka N'wana wa xona, ngopfungopfu leswi hi hlanganisiweke, hi ta hanyisiwa hi ku hanya ka yena.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Yohane 7:7

Misava yi nga ka yi nga mi vengi, kambe mina ya ndzi venga hikuva ndzi vula vumbhoni leswaku mitirho ya yona yi bihile.

Varhoma 3:31

Xana kutani hi herisa nawu hi ku pfumela xana? A swi tano! Kambe hi tiyisa nawu.

Varhoma 1:30

i vahlevi, i valumbeti, i vavengi va Xikwembu, i varhukani, i vatiarisi, i vatikurisi; lava pfuxaka swo biha, lava nga yingisiki vatswari va vona;

Matewu 12:34

“Vana va timhiri, mi nga vurisa ku yini timhaka letinene, leswi mi nga ni nsele! Hikuva milomu yi vula leswi mbilu yi teleke swona.

2 Petro 2:14

Mahlo ya vona ma tele vuoswi a ma rhuteri ku dyoha; va rhiya mimoya leyi tsekatsekaka, va ni timbilu leti tlharihelaka makwanga, i vana va ndzhukano.

Matewu 5:19

Hikwalaho la tlulaka wun'wanyana wa milawu leyitsongo leyi, kutani a dyondzisa vanhu ku endlisa sweswo, u ta vuriwa lontsongo eku fumeni ka matilo. Kambe la hlayiseke nawu kutani a wu dyondzisa, u ta vuriwa lonkulu eku fumeni ka matilo.

Yeremiya 13:23

“Xana Muetiyopiya a nga tihundzula nhlonge ya yena, kumbe yingwe yi nga tihundzula mavala ya yona-ke? Loko swi ri tano, mi nga swi tiva ku endla swinene, n'wina lava mi titoloveteke ku endla leswo biha.

2 TIKRONIKA 19:2

Kavaloko Yehu, n'wana Hanani, muprofeta, a huma a ya hlangana na yena, a ku eka hosi Yoxafati: “Xana lowo biha u fanekele ku pfuniwa-ke, xana u rhandza lava vengaka Yehova-ke? Hikwalaho ka swona, Yehovha u ku karihele.

Pisalema 53:1

Xihunguki xi ku embilwini ya xona: “A ku na Xikwembu!” Va borile va hundzuluxe ku biha ka vona manyala; A ku na un'we la endlaka leswinene.

1 Vakorinto 9:21

eka lava nga riki enawini, ndzi tiendle la nga riki enawini, leswaku ndzi ta nghenisa lava nga riki enawini, (hambi ndzi nga ri loyi a nga riki na nawu eka Xikwembu), kasi ndzi le nawini wa Kriste.

Eksoda 20:5

u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Vakolosa 2:18

Munhu a nga tshuki a mi tekela hakelo hi ku rhandza ka yena, wo nge a swi endla hi ku titsongahata ni ku gandzela tintsumi; a tinghenisa eka leswi a nga swi vonangiki, hi ku tikurisela swahava hi ku anakanya ka nyama ya yena;

Ntirho 15:13

Loko u pfukela Xikwembu vurhenha, Ni loko nomu wa wena wu humesile marito layo nghasi.

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.