Varhoma 8:32 - Xitsonga (Bibele)

³² Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

BIBELE Mahungu Lamanene

³² Xona hakunene, lexi nga tsetselelangiki N'wana wa xona wa xiviri kambe xi n'wi nyiketile hikwalaho ka hina hinkwerhu, xana xi nga tsandzekisa ku yini ku hi nyika swilo hinkwaswo mahala xana, kasi xi hi nyikile ni N'wana wa xona?

Testamente Leyimpsha Xichangana

³² Xona, lexingatsetselelangiki N'wana wa xona wa xiviri kambe ximunyiketa hikolaho ka hina hinkwerhu, xana xingatsandzekisa kuyini kuhinyika svilo hinkwasvu mahala ke, kasi xihinyikile ni N'wana wa xona?

Varhoma 8:32 Referans Kwoze

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

1 Yohane 4:10

Laha rirhandzu ri nga rona, hi leswi ku nga riki hina lava rhandzeke Xikwembu, kambe hi xona xi hi rhandzeke, kutani xi rhumile N'wana wa xona, leswaku yi va mhamba ya swidyoho swa hina.

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

1 Vakorinto 2:12

Loko hi ri hina, a hi amukelanga moya wa misava, kambe hi amukele Moya lowu humaka eka Xikwembu, leswaku hi tiva leswi hi swi nyikiweke hi Xikwembu hi tintswalo ta xona.

Varhoma 6:23

Hikuva hakelo ya vudyoho i rifu, kambe ku nyika ka tintswalo ta Xikwembu, i vutomi lebyi nga heriki, ha Yesu Kriste, Hosi ya hina.

Varhoma 4:25

a nga yena la nyiketiweke hikwalaho ka ku dyoha ka hina, kutani u pfuxiwile hikwalaho ka ku khanisiwa ka hina.

Esaya 53:10

Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.

Matewu 3:17

Kutani ku twakala rito leri humaka ematilweni, ri ku: “Loyi, i n'wana wa mina, loyi ndzi n'wi rhandzaka, loyi ndzi n'wi tsakelaka.”

Nhlavutelo 21:7

Loyi a nga ta hlula, u ta dya ndzhaka ya swoleswo; ndzi ta va Xikwembu xa yena, yena a va n'wananga.

Genesa 22:12

Kutani yi ku: “U nga yisi voko ra wena eka n'wana, u nga n'wi endli nchumu; hikuva sweswi, ndza swi tiva leswaku u chava Xikwembu, ni leswaku a u ndzi alelanga n'wanaku, loyi a nga swakwe.”

2 Vakorinto 4:15

Hikuva hinkwaswo swi endleriwe n'wina hileswaku, tintswalo, loko ti ri karhi ti andza, ti tala hi ku khensa ka lavo tala, eku dzuniseni ka Xikwembu.

Varhoma 11:21

Hikuva, leswi Xikwembu xi nga tsetselelangiki marhavi ya xiviri, xi nga ka xi nga ku tsetseleri, na wena.

Matewu 7:11

Kasi n'wina va tihanyi, loko mi tiva ku nyika vana va n'wina swilo leswinene, ngopfungopfu Tata wa n'wina wa le matilweni, a ta nyika leswinene eka lava kombelaka eka yena.

2 Vakorinto 6:10

ingi hi ni tingana, kasi hi tsakile hi masiku; ingi hi swisiwana, kasi hi fuwisa lavo tala; ingi a hi na nchumu, kasi hi fuwile swilo hinkwaswo.