Varhoma 8:29 - Xitsonga (Bibele)

²⁹ Hikuva lava xi titiveleke vona eku sunguleni, hi vona xi nga tihlawulela vona eku sunguleni, leswaku va ta xaxamela ni xifaniso xa N'wana wa xona, leswaku a va yena wa mativula exikarhi ka tindzisana leto tala.

BIBELE Mahungu Lamanene

²⁹ Hikuva lava xi va tiveke ka ha ri ku sunguleni, xi lulamisile ka ha ri khale leswaku va ta vonaka va ri lava fanaka ni N'wana wa xona, ni leswaku a va yena wa mativula exikarhi ka vamakwavo lavo tala.

Testamente Leyimpsha Xichangana

²⁹ Hikuva lava xivativeke kahali kusunguleni, xilulamisile kahali khale lesvaku vatavonaka na vali lavafanaka ni N'wana wa xona, ni lesvaku ava yena wa mativula xikarhi ka vamakwavu lavanyingi.

Varhoma 8:29 Referans Kwoze

Yeremiya 1:5

“Ndzi ku tivile ndzi nga si ku vumba ekhwirini ra mana wa wena, kambe u nga si huma enyimbeni, ndzi ku hlawurile, kutani ndzi ku vekile muprofeta wa matiko.”

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

2 Timotiya 1:9

lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

1 Petro 1:20

loyi a nga tiviwa hi Xikwembu misava yi nga si tumbuluka, kutani a kombisiwa hi mikarhi ya ku hela hikwalaho ka n'wina,

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

1 Vakorinto 2:7

kambe hi vula vutlhari bya Xikwembu xi nga xihundla xa vutlhari lebyi fihliweke, lebyi Xikwembu xi byi lunghiseke eku sunguleni, malembe ma nga si va kona, ku va ku dzunisa ka hina;

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

1 Vakorinto 15:49

Kukota leswi hi nga funengela nghohe ya wa misava, hi ta funengerisa sweswo nghohe ya wa le tilweni.

Varhoma 9:23

leswaku xi twarisa hi vukulu bya ku kwetsima ka xona etimbiteni ta ku tsetseleriwa, leto ingi xi ti lunghisele ku kwetsima, ka ha ri eku sunguleni;

1 Yohane 3:2

Varhandziwa, sweswi, hi vana va Xikwembu, kambe lexi hi nga ta va xona, a xi si vonaka; kambe ha swi tiva leswaku siku a humelelaka, hi ta fana na yena, hikuva hi ta n'wi vona hi xiviri xa yena.

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

Varhoma 11:2

Xikwembu a xi cukumetanga tiko ra xona, leri xi ri tiveke eku sunguleni. Xana a mi swi tivi leswi Tsalwa ri swi vulaka ehenhla ka Eliya, hilaha a nga rila eka Xikwembu hikwalaho ka Israele, a ku:

Yohane 17:16

A hi va misava, kukotisa mina ndzi nga riki wa misava.

Vafilipiya 3:21

la nga ta hundzuluxa miri wa hina lowu solekaka, a wu endla xivumbeko xin'we ni miri wa yena lowo kwetsima, hilaha a nga ni matimba ya ku tivekela hinkwaswo ehansi ka yena.

Vaefesa 4:24

ni leswaku mi ambala munhu lontshwa, la vumbiweke hi xifaniso xa Xikwembu, eku lulameni ni le ku kwetsimeni ka ntiyiso.

Eksoda 33:17

Kutani Yehovha a ku eka Muxe: “Ndzi ta endla lexi u xi vulaka, hikuva u kumile tintswalo eka mina, kambe ndzi ku tivile hi vito ra wena.”

Matewu 12:50

hikuva un'wana ni un'wana la nga ta endla ku rhandza ka Tatana la nga etilweni, hi yena la nga makwerhu, ni makwerhu wa xisati, na manana.”

Eksoda 33:12

Kutani Muxe a ku eka Yehovha: “Waswivo, u te eka mina: ‘Humesa tiko leri,’ kambe a ku ndzi byelanga loyi u nga ta n'wi rhuma a famba na mina Kambe u vurile, u ku: ‘Ndza ku tiva hi vito ra wena, u vonile tintswalo ta mina.’

Pisalema 1:6

Hikuva Yehovha u tiva ndlela ya lavo lulama, Kambe ndlela ya lavo homboloka yi helela eku onhakeni.

Yohane 17:26

Ndzi va tivisile vito ra wena, kutani ndza ha ta va tivisa rona, leswaku rirhandzu leri u ndzi rhandzeke ha rona, ri va eka vona, na mina ndzi va eka vona.”

Varhoma 13:14

kambe mi tifunengeta ha Hosi Yesu Kriste, kutani mi nga tsetseleri nyama hi ku yi xurhisa eku naveleni ka yona.

Matewu 7:23

Enkarhini wolowo ndzi ta va byela erivaleni, ndzi ku: ‘A ndzi mi tivanga, ni siku ni rin'we; sukani eka mina, n'wina vadyohi.’

Yohane 20:17

Yesu a ku eka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu u ya va byela u ku, ndzi tlhandlukela eka Tatana a nga Tata wa n'wina, ni ka Xikwembu xa mina xi nga Xikwembu xa n'wina”.

Yohane 17:19

Kutani ndzi tibasisela vona, leswaku na vona va basisiwa entiyisweni.

Pisalema 89:27

Mina ndzi ta n'wi endla mativula ya mina, La tlulaka tihosi hinkwato ta misava.

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Matewu 28:10

Yesu a ku eka vona: “Mi nga chaveni, yanani, mi ya byela vamakwerhu leswaku va ya eGaleliya, hi kona va nga ta ndzi vona.”

1 Vakorinto 8:3

Kambe loko munhu a rhandza Xikwembu, u tiviwa hi xona.

Vakolosa 3:10

mi va mi funengele munhu lontshwa la dzuvulaka eku tiveni, hi xifaniso xa la n'wi tumbuluxeke.