Varhoma 8:26 - Xitsonga (Bibele)

²⁶ Kambe na wona Moya wa hi pfuna eku karhaleni ka hina hikuva a hi tivi leswi hi fanelaka ku kombela emikhongelweni ya hina; kambe wona Moya wa hi khongelela hi mahika lama tsandzekaka ku vuriwa hi munhu.

BIBELE Mahungu Lamanene

²⁶ Hi mukhuva wolowo Moya na wona wa hi pfuna eku tsaneni ka hina; hikuva a hi tivi ndlela leyi hi fanelaka ku khongela ha yona, kambe Moya, wona ha woxe, wu khongela Xikwembu ematshan'wini ya hina, loko hina hi konya kunene hi nga humesi marito.

Testamente Leyimpsha Xichangana

²⁶ Hi mukhuva wolowo Moya na wona wahipfuna gomeni ra hina; hikuva ahitivi lesvi hinga svikombelaka ni ndlela leyi hifanelaka kukhongela ha yona, kambe Moya, wona ha woxe, wukhongela Xikwembu matshan'wini ya hina, loko hina hikonya kunene hingahumesi marito.

Varhoma 8:26 Referans Kwoze

Matewu 10:20

Hikuva a hi n'wina lava mi nga ta vulavula, kambe i moya wa Tata wa n'wina lowu nga ta vulavula ha n'wina.

Vaefesa 6:18

mi khongela hi Moya hi mikarhi hi mikhongelo hinkwayo ni ku chivirikela kona, mi hanyanya kona hi ku tiyisela hinkwako, mi ri karhi mi khongelela vakwetsimi hinkwavo.

Vagalatiya 4:6

Kutani leswi mi nga vana, Xikwembu xi rhumile etimbilwini ta n'wina, Moya wa N'wana wa xona, lowu huwelelaka: “Abba,” hileswaku “Tatana!”

Yohane 14:16

Kutani mina ndzi ta khongela Tatana, a ta mi nyika Muchaveleri un'wana, leswaku a tshamisa na n'wina hilaha ku nga heriki;

Vaefesa 2:18

hikuva eka yena, havambirhi ka hina hi ni ku tshinela eka Tatana hi Moya wu ri wun'we.

Varhoma 8:15

Hikuva a mi nyikiwanga moya wa vukhumbi, leswaku ku chava ku va kona kambe mi nyikiwile moya wa lava vekiweke vana, lowu hi huwelelaka ha wona, hi ku: “Abba, Tatana!”

Pisalema 6:9

Yehovha u yingisile ku kombela ka mina. Yehovha u amukele xikhongelo xa mina.

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

Yakobo 4:3

ma kombela, kambe a mi nyikiwi, hikuva mi kombela hi mukhuva lowo biha, leswaku mi ta kuma swa ku korwisa ku navela ka n'wina.

Varhoma 15:1

Kutani hina va matimba, hi fanele ku rhwala ku hluleka ka lava tsaneke, kambe hi nga tshuki hi lava leswi tsakisaka hina ntsena.

Luka 22:44

Kakuloko a ri emaxangwini lamakulu, a tiyisa matimba ku khongela; kavaloko nyuku wa yena wu xiririka, wu fana ni mathonsi ya ngati lama tshonelaka emisaveni.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

2 Vakorinto 5:4

Hikuva hina va ntsonganyana lowo, hi rila hi ku tikeriwa, hikuva a hi rhandzi ku funungula, kambe ku ri ku ambala, leswaku leswi nga ta hela, swi va swi munyiwa hi vutomi.

Pisalema 10:17

Oho Yehovha! U yingisa mikhongelo ya lava xanisiwaka; U tiyisa timbilu ta vona, u va yingisela hi tindleve ta wena,

2 Vakorinto 5:2

Loko ha ha ri karhi hi ri entsongeni lowo, hi navela ngopfungopfu ku funengela yindlu ya hina ya le tilweni,

Matewu 20:22

Kambe Yesu a va hlamula, a ku: “A mi tivi lexi mi xi kombelaka! Xana mi nga tiva ku nwela endzhekweni lowu ndzi nga ta nwela eka wona?” Va ku eka yena: “Hi nga swi tiva.”

Pisalema 102:5

Ku konya ka mina i kukulu swonghasi; Marhambu ya mina ma namarhela enyameni ya mina;

Pisalema 6:3

Moya wanga wu chava ngopfu; Kambe wena Yehovha, u ta hlwela ku yisa kwihi?

Vaheveru 5:2

a ri karhi a swi kota ku tsetselela lava nga tiviki, ni lava lahlekeke, leswi na yena a rhendzeriwaka hi mikarhalo.

Varhoma 7:24

Yo! Ndzi munhu wa khombo leronghasi! I mani la nga ta ndzi kutsula emirini lowu wa rifu?

Pisalema 69:3

Ndzi hele matimba hi ku huwelela, mikolo ya mina yi omile; Mahlo ya mina ma hela hi ku languta eka Xikwembu xanga.

Pisalema 102:20

Ku yingisa ku konya ka lava bohiweke, Ni ku tshunxa lava hlawuleriweke rifu,

Ntirho 37:19

Hi dyondzise lexi hi nga n'wi byelaka xona; Hikuva munyama wa hina wu hi sivela ni ku vula mhaka na yin'we.

Swirilo 3:56

“U yingisile rito ra mina, u nga tshuki u siva tindleve ta wena Loko ndzi hefemuteka, ni loko ndzi huwelela eka wena.