Varhoma 8:25 - Xitsonga (Bibele)

²⁵ Kambe loko hi langutela leswi hi nga swi voniki, hi swi langutela hi ku tiyisela.

BIBELE Mahungu Lamanene

²⁵ Kambe loko hi langutela leswi hi nga swi voniki, hi swi langutela hi ku tiyisela.

Testamente Leyimpsha Xichangana

²⁵ Kambe loko hilangutela lesvi hingasvivoniki, hisvilangutela hi kutiyisela.

Varhoma 8:25 Referans Kwoze

Varhoma 12:12

Tsakani eku languteleni, mi yingisela emaxangwini, mi chivirikela eku khongeleni.

Vaheveru 10:36

Hikuva mi fanele ku va ni ku tiyisela leswaku, kutakuloko mi endle ku rhandza ka Xikwembu, mi kuma leswi mi tshembisiweke swona.

Pisalema 27:14

Langutela Yehovha, u tshama u tiya; Mbilu ya wena a yi tiye! U titshembela Yehovha!

1 Vatesalonika 1:3

a hi tshiki ku ehleketa ntirho wa ku pfumela ka n'wina, ni nyuku wa rirhandzu ra n'wina, ni ku chivirika ka ku tshemba ka n'wina eka Hosi Yesu Kriste, emahlweni ka Xikwembu, Tata wa hina;

Vakolosa 1:11

mi ri karhi mi tiyile ematlhelweni hinkwawo hi matimba yo kwetsima ya xona, mi ta va ni ku chivirika hinkwako ni ku yingisela, mi ri ni ku tsaka.

Luka 21:19

Hlayisani mimoya ya n'wina hi ku tiyisela ka n'wina.

Genesa 49:18

“Yehovha, ndzi langutele ku kutsuriwa hi wena!

2 Vatesalonika 3:5

Hosi a yi yise timbilu ta n'wina erirhandzwini ra Xikwembu, ni le ku yimeleni ka Kriste hi ntiyiso.

Esaya 25:9

Hi siku lero va ta ku: “Vonani, hi xona Xikwembu xa hina; hi tshembile xona, kutani xi hi ponisile! Hi yena Yehovha loyi hi n'wi tshembeke; a hi tsakisiseni hi tsakela ku ponisa ka yena!”

Varhoma 8:23

Kambe a hi swona ntsena, kambe hina hi nga ni swirhangana swa Moya, na hina hi hefemuteka endzeni ka hina, hi langutela ku vekiwa vana, ku nga ku kutsuriwa ka miri wa hina.

Nhlavutelo 1:9

Mina Yohane, makwenu, ni la averiweke swin'we na n'wina maxangu, ni ku fuma, ni ku tiyisela loku nga eka Yesu, a ndzi ri exihlaleni lexi vuriwaka Patmosi, hikwalaho ka Rito ra Xikwembu, ni hikwalaho ka vumbhoni bya Yesu.

Vaheveru 6:12

leswaku mi nga ti hundzuka lava lolohaka, kambe mi va valandzeri va lava kumaka ndzhaka ya ku tshembisiwa, hi ku pfumela ni ku leha ka mbilu.

Varhoma 2:7

Xi ta nyika vutomi lebyi nga heriki eka lava lavaka ku kwetsima, ni ku twala ni vutomi lebyo kala rifu, hi ku tiyisela emitirhweni yo saseka;

Luka 8:15

Leswi nga wela emisaveni leyinene, hi lava yingisaka rito, va ri hlayisa etimbilwini leto lulama, letinene, kutani va veka mihandzu hi ku tiyisela.

Esaya 26:8

Oho Yehovha! Hi ku languterile hakona endleleni ya ku avanyisa ka wena; hi navela vito ra wena, ni ku anakanya ka wena hi mimoya hinkwayo ya hina.

Pisalema 62:1

Kunene, moya wa mina wu wisa eka Xikwembu; Ku hlayiseka ka mina ku huma eka xona.

Nhlavutelo 14:12

Hilaha ku nga kona ku tiyisela ka vakwetsimi, va nga lava hlayisaka ku lerisa ka Xikwembu, ni ku pfumela eka Yesu.

Nhlavutelo 13:10

Loyi a yisaka van'wana evukhumbini, u ta ya evukhumbini; loyi a dlayaka hi tlhari, na yena u ta fanela ku dlawa hi tlhari, Hilaha ku nga vonakalaka ku tiyisela ni ku pfumela ka vakwetsimi.

Vaheveru 6:15

Kutani, kuteloko a langutele hi mbilu leyo leha, a kuma leswi a nga tshembisiwa swona.