Varhoma 8:17 - Xitsonga (Bibele)

¹⁷ Kutani loko hi ri vana, hi vadyandzhaka na swona; ndzi ri vadyandzhaka va Xikwembu, ni vadyandzhakakulobye na Kriste, loko kunene hi twa ku vaviseka na yena, hi ta kwetsimisiwa na yena.

BIBELE Mahungu Lamanene

¹⁷ Kutani leswi hi nga vana, naswona hi vadyandzhaka; hi vadyandzhaka va Xikwembu, ni vadyandzhaka swin'we na Kriste; leswi kunene hi xanisekaka na yena, swi vula leswaku hi ta kwetsimisiwa na yena.

Testamente Leyimpsha Xichangana

¹⁷ Loko hili vana, svivula lesvaku hi vinyi va ndzhaka ya Xikwembu, nivaji va ndzhaka svin'we na Kriste; lesvi kunene hixanisekaka na yena, svivula lesvaku hitakwetsimisiwa na yena.

Varhoma 8:17 Referans Kwoze

Vagalatiya 4:7

Hikwalaho u nga ha tshami u ri nandza, kambe u n'wana, kutani loko u ri n'wana, u mudyi wa ndzhaka hi ku rhandza ka Xikwembu.

Vagalatiya 3:29

Kutani loko mi ri va Kriste, hilaha mi nga rixaka ra Abrahama, mi ri vadyandzhaka, hilaha ku tshembisiweke hakona.

Vaefesa 3:6

xi nga leswaku vahedeni i vadyandzhaka swin'we ni Vaisraele va miri wu ri wun'we va ni ku averiwa kun'we eku tshembiseni ka Yesu Kriste eEvhangelini,

Nhlavutelo 21:7

Loyi a nga ta hlula, u ta dya ndzhaka ya swoleswo; ndzi ta va Xikwembu xa yena, yena a va n'wananga.

1 Petro 4:13

kambe mi titsakela hi leswi mi nga ni ku averiwa eku vavisekeni ka Kriste, leswaku mi ta engeta mi tsaka hi ku tsaka lokukulu, siku ku kwetsima ka yena ku taka eku vonakaleni.

1 Petro 1:4

hi ta nyikiwa ndzhaka leyi nga boriki, leyi nga nyamisiwiki, yi nga vuniki, leyi hlayiseriweke hina ematilweni,

Tito 3:7

leswaku, leswi hi nga hlayiwa lava lulameke hi tintswalo ta xona, hi ta va ni ku tshemba ku endliwa vadyandzhaka va vutomi lebyi nga heriki.

Vaheveru 6:17

Hi sweswo ni Xikwembu, loko xi rhandza ku kombisisa vadyandzhaka va ku tshembisa ku tiya ka makungu ya xona, xi nghenisa ku hlambanya,

Yohane 17:24

Tatana, lava u ndzi nyikeke vona, ndzi rhandza leswaku laha ndzi nga kona, na vona va va kona na mina, va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si va kona.

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Vafilipiya 1:29

hikuva, hikwalaho ka Kriste, mi nyikiwe ku kateka, ku nga ri ka ku pfumela ntsena, kambe ka ku twa ku vaviseka hikwalaho ka yena,

2 Vakorinto 1:7

hi ku tiva leswaku, kukota leswi mi nga ni ku averiwa eku vavisekeni, mi ta va na kona eku chaveleriweni.

Varhoma 5:17

Hikuva loko ku ri hikwalaho ka ku dyoha ka munhu a ri un'we, rifu ri fumile ha munhu loyi a ri un'we, ngopfungopfu lava nyikiwaka ku tala ka tintswalo ni ka nyiko ya ku lulama, va ta fuma evutomini ha un'we, a nga Yesu Kriste.

Vaheveru 1:14

Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Matewu 16:24

Yesu a engeta a ku eka vadyondzisiwa va yena: “Kungakuloko munhu a rhandza ku ndzi landza, a a titshike, a tirhwalela xihambano xa yena, a ndzi landza hi le ndzhaku.

1 Vakorinto 2:9

Kambe kukota leswi tsariweke leswaku: “Timhaka teto, tihlo a ri si ti vona, ndleve a yi si ti twa, a ti humelelanga embilwini ya munhu; timhaka teto, Xikwembu xi ti lunghisele lava xi va rhandzaka.”

Varhoma 8:3

Hikuva leswi ngi swi tsandza nawu hikwalaho ka nyama, Xikwembu xi swi endlile, xi avanyisile vudyoho enyameni, loko xi rhumile N'wana wa xona enyameni leyi fanaka ni ya vadyohi, hikwalaho ka vudyoho;

Timhaka 20:32

“Kutani sweswi, ndzi mi veka eka Xikwembu ni ka rito ra tintswalo ta xona, lexi nga ni matimba ya ku mi akisa, ni ku mi nyika ndzhaka swin'we ni vakwetsimi hinkwavo.

Timhaka 14:22

va tiyisa timbilu ta vadyondzisiwa, va va khongotela ku tiyisela eku pfumeleni, va ri karhi va va ringanisela leswaku hi fanele ku nghena eku fumeni ka Xikwembu hi maxangu layo tala.

Matewu 25:21

Hosi ya yena yi ku eka yena: ‘Hi swona nandza lonene, la tshembekaka; u tshembekile eswilweni swi nga ri swingani; sweswi, ndzi ta ku veka ehenhla ka leswo tala; nghena eku tsakeni ka Hosi ya wena.’

Luka 24:26

Xana a swi nga faneri leswaku Kriste a twisiwa ku vaviseka kuloku, kutani a nghena eku kwetsimeni ka yena xana?”

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

2 Vakorinto 1:5

hikuva kukota leswi maxangu ya Kriste ma hi taleleke, na kona, ku chaveleriwa ku hi talele ha Kriste!

Vafilipiya 3:10

ndzi ta tiva Yesu Kriste, ni matimba ya ku pfuka ka yena, ni ku hlangana na yena emaxangwini ya yena, ndzi ta fana na yena eku feni ka yena,

Vakolosa 1:24

Sweswi, ndzi titsakela emaxangwini lama ndzi humelelaka hikwalaho ka n'wina, kutani ndzi hetisa emirini wa mina, leswi seleke swa ku xaniseka ka Kriste, hikwalaho ka miri wa yena yi nga Kereke.

Vaheveru 1:2

kambe sweswi, hi masiku walawo ya makumu, xi vulavule na hina hi N'wana wa xona, yeloyi xi n'wi vekeke mudyandzhaka wa swilo hinkwaswo, yeloyi kambe xi endleke ha yena hinkwaswo leswi vumbiweke,