Varhoma 8:1 - Xitsonga (Bibele)

¹ Kutani sweswi, a ka ha ri na ku avanyisiwa eka lava nga ka Yesu Kriste.

BIBELE Mahungu Lamanene

¹ Kutani sweswi a ka ha ri na ku avanyisiwa eka lava nga va ka Kriste Yesu.

Testamente Leyimpsha Xichangana

¹ Kutani svosvi akahali na kuyavanyisiwa ka lava vanga ka Kriste Yesu.

Varhoma 8:1 Referans Kwoze

2 Vakorinto 5:17

Hikwalaho, loko munhu a ri eka Kriste, i xivumbiwa lexintshwa; swa khale swi herile; hinkwaswo swi sasekisiwile.

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

Varhoma 5:1

Kutani leswi hi nga hlayiwa lava lulameke hi ku pfumela, hi ni ku rhula eka Xikwembu ha Yesu Kriste Hosi ya hina,

1 Vakorinto 1:30

Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

Varhoma 8:34

Kriste, loyi a feke, a engeta a pfuka, hi yena la nga evokweni ra xinene ra Xikwembu; hi yena kambe la hi khongelelaka.

Yohane 5:24

Ndzi vurisile ndzi ri eka n'wina: La yingisaka rito ra mina, a va a pfumela eka la ndzi rhumeke, u ni vutomi lebyi nga heriki, kutani a nga ka a nga ti eku avanyisiweni, kambe u sukile eku feni ku nghena evutomini.

Yohane 15:4

Tshamani eka mina, na mina eka n'wina. Kukotisa leswi rhavi ri nga velekiki ri ri roxe loko ri nga namarheli ensinyeni, swi tano na n'wina loko mi nga ndzi namarheli.

Vafilipiya 3:9

kutani ndzi kumiwa eka yena ndzi nga ri na ku lulama ka mina loku humaka eka nawu, kambe ndzi ri ni ku lulama loku humaka eku pfumeleni eka Kriste, ku ri ku lulama loku humaka eka Xikwembu hi ku pfumela;

Esaya 54:17

Fumu rin'wana ni rin'wana leri va ri fulaka ku ku onha, ri nga ka ri nga pfuni nchumu kambe ririmi rin'wana ni rin'wana leri nga tikurisa ku kanetana na wena, u ta ri avanyisa. Hi yona ndzhaka ya malandza ya Yehovha, ni ku lulama loku ndzi nga ta va nyika,” ku vula Yehovha.

Varhoma 8:14

Hikuva hinkwavo lava fambisiwaka hi Moya wa Xikwembu, hi vona va nga vana va Xikwembu.

1 Vakorinto 15:22

Kukota leswi hinkwavo va faka hikwalaho ka Adamu, hinkwavo va ta tlhela va hanya ha Kriste.

Vagalatiya 5:16

Kambe ndzi ri: Fambani hi Moya, kutani mi nga ka mi nga tsakisi ku navela ka nyama;

Varhoma 8:4

ku va leswaku ku lulama ka nawu ku ta hetiseka eka hina, lava hi nga fambiki hi nyama, kambe hi fambaka hi Moya.

Varhoma 8:39

hambi swi ri leswi nga ehenhla, hambi swi ri leswi nga ehansi, hambi xi ri xivumbiwa xin'wana; ndzi ku: Ku hava lexi nga tivaka ku hi hambanyisa ni rirhandzu ra Xikwembu, leri nga kombisiwa ha Yesu Kriste, Hosi ya hina.

Vagalatiya 5:25

Loko kunene hi hanya hi Moya, a hi fambeni hi Moya!

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Yohane 14:20

Hi siku lero, mi ta tiva leswaku ndzi le ka Tatana, na n'wina mi le ka mina, na mina ndzi le ka n'wina.

Varhoma 7:20

Kambe loko ndzi endla leswo biha leswi ndzi nga swi rhandziki, a ndza ha ri mina ndzi swi endlaka, kambe i vudyoho lebyi akeke eka mina.

Varhoma 7:17

Kutani sweswi, a ndza ha ri mina la swi endlaka, kambe vudyoho lebyi akeke eka mina.

2 Vakorinto 12:2

Ndzi tiva munhu eka Kriste, la tshamaka a tekeriwa etilweni ra vunharhu, sweswi ku hundze malembe ya khume na mune, (kambe xana u tekeriwe hi miri, a ndzi swi tivi; kumbe u siye miri, na kona, a ndzi swi tivi, swi tiviwa hi Xikwembu).

Varhoma 16:7

Ndzi runguleleni Androniko na Yuniya, maxaka ya mina, lava tshamaka va bohiwa na mina, kambe va twakele exikarhi ka vaapostola, na swona va ndzi rhangele eka Kriste.

Varhoma 16:3

Ndzi runguleleni Prisila na Akwila vatirhikulorhi eka Yesu Kriste,

Ezekiele 18:9

loko a famba hi milawu ya mina, a va a hlayisa ku lerisa ka mina, a ri karhi a tshembeka, munhu loyi u lulamile, kunene u ta hanya, ku vula Hosi Yehovha.

Varhoma 5:16

Kambe ku nyika a ku fani ni leswi humeleleke hi ku dyoha ka munhu a ri un'we, hikuva ku avanyisa ku tile hikwalaho ka ku dyoha ku ri kun'we; kambe tintswalo ti tisile ku lulama, hambi ku dyoha ku ri lo ko tala.

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

Varhoma 8:9

Kambe n'wina, a mi hanyi enyameni, kambe mi hanya eMoyeni, loko kunene Moya wa Xikwembu wu akile eka n'wina. Kungakuloko munhu a nga ri na Moya wa Kriste, a hi wa yena.

Varhoma 8:11

Kutani Moya wa la nga pfuxa Yesu eku feni, loko wu akile eka n'wina, la pfuxeke Kriste eku feni u ta pfuxa ni miri wa n'wina lowu faka, hi Moya lowu akeke eka n'wina.

Vagalatiya 3:26

hikuva hinkwenu mi vana va Xikwembu hi ku pfumela eka Yesu Kriste.

Vaefesa 1:1

Pawulo, muapostola wa Yesu Kriste hi ku rhandza ka Xikwembu; Eka vakwetsimi va le Efesa lava tiyiseleke eka Yesu Kriste;