Varhoma 7:5 - Xitsonga (Bibele)

⁵ Hikuva, kuteloko a ha ha ri enyameni, ku navela lo ko biha ka vudyoho loku karihisiwaka hi nawu, a ku tirha eswirhweni swa hina, ku va ku vekela rifu mihandzu.

BIBELE Mahungu Lamanene

⁵ Hikuva, loko ha ha hanyela swa ntumbuluko wa hina, ku navela loku nga na ku dyoha, loku a ku pfuxiwa hi mhaka ya Nawu, a ku tirha eswirhweni swa hina, kutani mihandzu ya kona a ku ri ku fa.

Testamente Leyimpsha Xichangana

⁵ Hikuva, loko hahahanyela sva ntumbuluku wa hina, kunavela lokunga ni kujoha, loku akupfuxiwa hi mhaka ya Nawu, akutirha ka svirho sva hina, kutani mihandzu yakona akuli kufa.

Varhoma 7:5 Referans Kwoze

Vaefesa 2:3

valavo khale, na hina hinkwerhu ingi hi ri ka vona, loko ha ha ri karhi hi tifambelela eku naveleni ka nyama ya hina, hi endla leswi rhandziwaka hi nyama ni miehleketo ya hina; kambe hi ku tumbuluka ka hina a hi ri vana lava holoveriwaka kukotisa van'wana.

Vagalatiya 5:24

Kambe lava nga Vakriste, va vambile nyama ni ku rhandza ni ku navela ka yona.

Vagalatiya 3:10

Hikuva hinkwavo lava namarhelaka mitirho ya nawu, va le ku rhukaniweni, hikuva ku tsariwe va ku: “Ku rhukaniwa mani na mani la nga tiyiseriki eka hinkwaswo leswi tsariweke ebukwini ya nawu ku swi endla.”

Varhoma 6:13

Kambe mi nga tshuki mi nyiketa vudyoho swirho swa n'wina ku va swilo leswi tirhelaka ku homboloka; kambe tinyiketeni eka Xikwembu kukota lava hanyaka, lava ingi va file, kutani mi veka swirho swa n'wina eka Xikwembu ku tirha leswo lulama.

Varhoma 6:21

Emikarhini yoleyo a mi tshovela yini xana? Mi khomisiwa tingana ha swona sweswi, hikuva makumu ya swona i rifu.

1 Yohane 3:4

Un'wana ni un'wana la dyohaka u tlula nawu; hikuva ku dyoha i ku tlula nawu.

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

1 Vakorinto 15:56

Ndzhombo wa rifu i xidyoho; kutani matimba ya xidyoho, i nawu.

Yakobo 4:1

Ku lwa ku huma kwihi exikarhi ka n'wina, ni ku hambana ku huma kwihi xana? Xana a ku humi eku naveleni ka n'wina loku lwaka eswirhweni swa n'wina?

Yakobo 1:15

Kutani ku navela, loko ku xurhile, ku tswala xidyoho, kutani xidyoho, loko xi hetisekile, xi tswala rifu.

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

Vaefesa 2:11

Hikwalaho, anakanyani leswaku n'wina valavo khale ingi mi ri vahedeni hi ku velekiwa, a mi vuriwa makhuna hi lava vuriwaka mankwehe, hikwalaho ka ngoma leyi endliwaka enyameni hi mavoko,

Varhoma 7:23

kambe ndzi kuma nawu wun'wana eswirhweni swa mina, lowu lwaka ni nawu wa ku titivela ka mina, wu ndzi bohelelaka enawini wa vudyoho lowu nga le swirhweni swa mina.

Varhoma 6:23

Hikuva hakelo ya vudyoho i rifu, kambe ku nyika ka tintswalo ta Xikwembu, i vutomi lebyi nga heriki, ha Yesu Kriste, Hosi ya hina.

Varhoma 6:19

Ndzi vula hi mukhuva wa vanhu, hikwalaho ka ku tsana ka nyama ya n'wina, ndzi ri: Kukota leswi ingi mi nyiketile swirho swa n'wina ku va makhumbi ya thyaka ni ya ku homboloka, mi yisiwa hakona eku hombolokeni, hi mukhuva wolowo sweswi, nyiketani swirho swa n'wina, ma va makhumbi ya ku lulama, mi fika hakona eku kwetsimeni.

Varhoma 5:20

Kambe nawu wu humelele leswaku ku dyoha ku andza; kambe laha ku dyoha ku andzeke kona, tintswalo ti andzile hi ku tlurisa,

Varhoma 4:15

hikuva nawu wu humesa vukari, hikuva laha nawu wu nga riki kona, ni ku tlula a ku kona.

Varhoma 3:20

Hikwalaho a ku na nyama ni yin'we, leyi nga ta khana emahlweni ka xona hi mitirho ya nawu; hikuva xidyoho xi tiviwa hi nawu.

Varhoma 1:26

Hikwalaho, Xikwembu xi va nyiketile eku naveleni loku nga ni tingana, hikuva exikarhi ka vona, vavasati va hundzurile mukhuva wa vona wa ntumbuluko, ku endla lowu nga lulamangiki.

Yohane 3:6

Leswi tswariweke hi nyama, i nyama; kambe leswi tswariweke hi Moya, i Moya.

Matewu 15:19

Hikuva miehleketo leyo biha, ni ku dlayana, ni timholovo, ni vuoswi, ni vukhamba, ni ku hembelana, ni ku sandzana swi huma embilwini,

2 Vakorinto 10:3

Hikuva hambi hi famba hi nyama, a hi lwi hi mukhuva wa nyama.