Varhoma 7:24 - Xitsonga (Bibele)

²⁴ Yo! Ndzi munhu wa khombo leronghasi! I mani la nga ta ndzi kutsula emirini lowu wa rifu?

BIBELE Mahungu Lamanene

²⁴ Yo! Mina munhu wa khombo leronghasi! I mani la nga ta ndzi ntshunxa emirini lowu wu ndzi yisaka eku feni xana?

Testamente Leyimpsha Xichangana

²⁴ Yo! Mina munhu wa khombo lerikulu! I mani lweyi angatanitshunxa mirini lowu wuniyisaka kufeni xana?

Varhoma 7:24 Referans Kwoze

Varhoma 6:6

hi ri karhi hi swi tiva leswaku munhu wa hina wa khale u vambiwile swin'we na yena leswaku miri wa vudyoho wu herisiwa, leswaku hi nga ha ti tlhela hi va makhumbi ya vudyoho.

2 Timotiya 4:18

Kambe Hosi yi ta hamba yi ndzi damurhuta emitirhweni hinkwayo leyo biha, yi ndzi hanyisa ku nghena eku fumeni ka yona loku nga etilweni. Ku twala a ku ve ka yena hi mikarhi ni mikarhi! Amen!

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

Pisalema 102:20

Ku yingisa ku konya ka lava bohiweke, Ni ku tshunxa lava hlawuleriweke rifu,

Nhlavutelo 21:4

Xikwembu xi ta hlangula mihloti hinkwayo emahlweni ya vona, kutani rifu a ri nga ha vi kona, a ku nga ha vi na nkosi, hambi ku ri ku kolola, kumbe ku vaviseka, hikuva leswo sungula swi hundzile.”

Vaheveru 2:15

ni ku tshunxa un'wana ni un'wana la bohiweke evukhumbini hi masiku hinkwawo ya ku hanya ka yena hi ku chava rifu.

Varhoma 8:26

Kambe na wona Moya wa hi pfuna eku karhaleni ka hina hikuva a hi tivi leswi hi fanelaka ku kombela emikhongelweni ya hina; kambe wona Moya wa hi khongelela hi mahika lama tsandzekaka ku vuriwa hi munhu.

Varhoma 8:13

Hikuva, loko mi hanya eku rhandzeni ka nyama mi ta fa; kambe loko mi dlaya mitirho ya miri hi Moya, mi ta hanya.

Luka 4:18

“Moya wa Xikwembu wu le ka mina, hikuva xi ndzi totile, xi va xi ndzi rhuma ku byela swisiwana Evhangeli, ku horisa va timbilu leti vavisekaka;

Pisalema 72:12

Hikuva yi ta tshunxa xisiwana loko xi huwelela, Ni la nga enhlomulweni, la nga riki na mupfuni.

Vakolosa 2:11

Na swona, mi yimbisiwile eka yena hi ngoma leyi nga endliwangiki hi mavoko, eku suseni ka miri wa nyama, yi nga ngoma ya Kriste;

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

Mikiya 7:19

Xi ta tlhela xi hi tsetselela, xi kandziyela ku dyoha ka hina, u ta hoxela swidyoho hinkwaswo swa hina eswidziveni swa lwandle.

Pisalema 119:20

Moya wa mina wu hela Hi ku navela milawu ya wena hi masiku.

Pisalema 71:11

Va ku: “Xikwembu xi n'wi tshikile, N'wi hlongoriseni, mi n'wi khoma; hikuva a ku na loyi a nga ta n'wi ponisa.”

Pisalema 6:6

Ndzi karhele hi ku keta; Hi vusiku byin'wana ni byin'wana, ndzi tsakamisa xilawu xa mina hi ku rila; Byetlelo bya mina byi tsakama hi mihloti ya mina.

1 TIHOSI 8:38

loko munhu, hambi a ri mani na mani, kumbe tiko ra wena hinkwaro ra Israele, a kombela a va a khongela, kutani un'wana ni un'wana a tivula xidyoho xa mbilu ya yena, a va a tlakusela mavoko ya yena etlhelo ra Yindlu leyi:

Matewu 5:4

Ku katekile lava rilaka, hikuva va ta chaveleriwa.

Ezekiele 9:4

a ku eka yena: “Tsemakanya exikarhi ka muti, exikarhi ka Yerusalema, u fungha emombyeni vanhu lava hlunameke, lava rilaka hikwalaho ka manyala hinkwawo lama endliwaka exikarhi ka vona.”

Pisalema 119:176

Ndzi ri karhi ndza tsendzeleka ku fana ni nyimpfu leyi lahlekeke: Lava nandza wa wena, hikuva a ndzi rivali ku lerisa ka wena.

Pisalema 119:143

Ndzi khomile hi mapfalo ni ku kanakana; Hambiswiritano ndzi tsakela ku lerisa ka wena.

Pisalema 119:131

Ndzi ahlamisa nomu wa mina, ndzi hefemuteka, Hikuva ndzi navela ku lerisa ka wena.

Pisalema 88:5

Ndzi loyi a etleleke exikarhi ka vafi, Tanihi lava dlayiweke, lava etlelaka esirheni, Lava u nga va anakanyiki, Va hambanyisiweke na wena.

Pisalema 38:2

Hikuva miseve ya wena yi ndzi tlhavile, Voko ra wena ri ndzi tikela ngopfu.

Varhoma 8:23

Kambe a hi swona ntsena, kambe hina hi nga ni swirhangana swa Moya, na hina hi hefemuteka endzeni ka hina, hi langutela ku vekiwa vana, ku nga ku kutsuriwa ka miri wa hina.