Varhoma 7:23 - Xitsonga (Bibele)

²³ kambe ndzi kuma nawu wun'wana eswirhweni swa mina, lowu lwaka ni nawu wa ku titivela ka mina, wu ndzi bohelelaka enawini wa vudyoho lowu nga le swirhweni swa mina.

BIBELE Mahungu Lamanene

²³ kambe eswirhweni swa mina ndzi kuma nawu wun'wana, lowu lwaka ni nawu lowu wu fambisaka mianakanyo ya mina; wu ndzi endla mubohiwa enawini wa ku dyoha lowu fumaka swirho swa mina.

Testamente Leyimpsha Xichangana

²³ kambe ka svirho sva mina nikuma nawu wun'wana, lowulwaka ni nawu lowu wufambisaka miyanakanyu ya mina; wuniyendla mubohiwa nawini wa kujoha lowufumaka svirho sva mina.

Varhoma 7:23 Referans Kwoze

Vagalatiya 5:17

hikuva nyama yi ni ku navela loku lwaka ni ku navela ka Moya; na wona Moya, wu ni ku navela loku lwaka ni ku navela ka nyama, kutani swilo leswo swa lwisana, leswaku mi nga tshuki mi endla leswi timbilu ta n'wina ti swi rhandzaka.

Yakobo 4:1

Ku lwa ku huma kwihi exikarhi ka n'wina, ni ku hambana ku huma kwihi xana? Xana a ku humi eku naveleni ka n'wina loku lwaka eswirhweni swa n'wina?

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

Varhoma 6:19

Ndzi vula hi mukhuva wa vanhu, hikwalaho ka ku tsana ka nyama ya n'wina, ndzi ri: Kukota leswi ingi mi nyiketile swirho swa n'wina ku va makhumbi ya thyaka ni ya ku homboloka, mi yisiwa hakona eku hombolokeni, hi mukhuva wolowo sweswi, nyiketani swirho swa n'wina, ma va makhumbi ya ku lulama, mi fika hakona eku kwetsimeni.

Varhoma 7:25

A ku khensiwe Xikwembu ha Yesu Kriste, Hosi ya hina! Sweswo-ke, loko ndzi ri mina, hi ku titivela ka mina, ndzi tirhela nawu wa Xikwembu; kambe hi nyama, ndzi tirhela nawu wa vudyoho.

1 Petro 2:11

Varhandziwa, ndza mi khongotela hi laha mi nga vaendzi ni valuveri, ndzi ku: Alelani ku navela ka nyama loku lwaka ni moya,

Vaheveru 12:4

A mi si tilwela, ngati yi ko yi huma, enyimpini leyi mi yi lwaka ni vudyoho.

Varhoma 7:21

Hilaha ndzi kumaka nawu eka mina, lowu nge: Loko ndzi rhandza ku endla leswinene, ku biha ku namarhela eka mina.

Varhoma 7:5

Hikuva, kuteloko a ha ha ri enyameni, ku navela lo ko biha ka vudyoho loku karihisiwaka hi nawu, a ku tirha eswirhweni swa hina, ku va ku vekela rifu mihandzu.

Varhoma 6:13

Kambe mi nga tshuki mi nyiketa vudyoho swirho swa n'wina ku va swilo leswi tirhelaka ku homboloka; kambe tinyiketeni eka Xikwembu kukota lava hanyaka, lava ingi va file, kutani mi veka swirho swa n'wina eka Xikwembu ku tirha leswo lulama.

Eklesiasta 7:20

Kunene a ku na munhu wo tlhariha emisaveni la nga dyohiki ni siku ni rin'we.

Pisalema 142:7

Humesa moya wa mina ekhotsweni Ndzi ta dzunisa vito ra wena! Lava lulameke va ta ta, va ndzi rhendzela, Loko u ta va u ndzi endlele tintswalo.

Varhoma 7:14

Hikuva ha swi tiva leswaku nawu i wa moya, kambe mina ndzi wa nyama, ndzi xaveriwe vudyoho.

Yakobo 3:2

hikuva hinkwerhu ha hoxa eka leswo tala; kungakuloko un'wana a nga hoxi eku vulavuleni, loyi, i munhu la hetisekeke, la tivaka ku tifuma miri hinkwawo.