Varhoma 6:19 - Xitsonga (Bibele)

¹⁹ Ndzi vula hi mukhuva wa vanhu, hikwalaho ka ku tsana ka nyama ya n'wina, ndzi ri: Kukota leswi ingi mi nyiketile swirho swa n'wina ku va makhumbi ya thyaka ni ya ku homboloka, mi yisiwa hakona eku hombolokeni, hi mukhuva wolowo sweswi, nyiketani swirho swa n'wina, ma va makhumbi ya ku lulama, mi fika hakona eku kwetsimeni.

BIBELE Mahungu Lamanene

¹⁹ Ndzi tirhisa mavulavulele ya vanhu, hikuva, hi ntumbuluko, mi vanhu lava tsaneke. Ku fana ni leswi khale a mi nyiketile swirho swa n'wina ku va mahlonga ya thyaka ni ya ku homboloka, leswaku mi endla leswo homboloka ha swona, sweswi nyiketani swirho swa n'wina ku va mahlonga ya ku lulama, leswaku mi endla leswi tengeke ha swona.

Testamente Leyimpsha Xichangana

¹⁹ Nitirhisa mavulavulela ya vanhu, hikuva, hi ntumbuluku, mi vanhu lavanga ni gome. Kufana ni lesvi khale aminyiketile svirho sva n'wina kuva svitirhi sva chaka ni sva kuhomboloka, lesvaku miyendla lesvohomboloka ha svona, svosvi nyiketani svirho sva n'wina kuva svitirhi sva kululama, lesvaku miyendla lesvitengeke ha svona.

Varhoma 6:19 Referans Kwoze

Varhoma 6:13

Kambe mi nga tshuki mi nyiketa vudyoho swirho swa n'wina ku va swilo leswi tirhelaka ku homboloka; kambe tinyiketeni eka Xikwembu kukota lava hanyaka, lava ingi va file, kutani mi veka swirho swa n'wina eka Xikwembu ku tirha leswo lulama.

Varhoma 3:5

Kambe loko ku homboloka ka hina ku vonakisa ku lulama ka Xikwembu, hi ta ku yini? Xana hi ta ku: “Xikwembu xi hombolokile loko xi endla hi ku kariha” xana? (Ndzi vula hi mukhuva wa vanhu.)

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Vagalatiya 3:15

Vamakwerhu, ndzi vulavula hi mukhuva wa vanhu: Ntwanano, hambi wu ri wa munhu, loko wu tiyisiwile, a ku na la nga wu herisaka, hambi ku ri ku wu engetela.

Vaheveru 12:15

mi tilangutela leswaku ku nga tshuki ku va na un'we la titsonaka tintswalo ta Xikwembu, rimitsu ro bava ri nga tshuki ri mi hlukela, ri mi pfilunganya, kutani lavo tala va onhaka ha rona.

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

1 Vakorinto 9:8

Xana timhaka teto, ndzi ti vula hi mukhuva wa vanhu xana? Nawu a wu vurisi sweswo, na wona-ke?

1 Vakorinto 5:6

A mi na mfanelo ya ku tidzunisa. Xana a mi swi tivi leswaku comelanyana xi kukumuxa mbila hinkwayo xana?

Varhoma 15:1

Kutani hina va matimba, hi fanele ku rhwala ku hluleka ka lava tsaneke, kambe hi nga tshuki hi lava leswi tsakisaka hina ntsena.

Varhoma 8:26

Kambe na wona Moya wa hi pfuna eku karhaleni ka hina hikuva a hi tivi leswi hi fanelaka ku kombela emikhongelweni ya hina; kambe wona Moya wa hi khongelela hi mahika lama tsandzekaka ku vuriwa hi munhu.

Matewu 4:23

Kutani a famba hinkwako eGaleliya, a ri karhi a dyondzisa emasinagogeni ya kona, a vula Evhangeli ya ku fuma, a hanyisa vuvabyi byihi ni byihi, ni ku vaviseka hinkwako loku nga eka vanhu.

Varhoma 7:23

kambe ndzi kuma nawu wun'wana eswirhweni swa mina, lowu lwaka ni nawu wa ku titivela ka mina, wu ndzi bohelelaka enawini wa vudyoho lowu nga le swirhweni swa mina.

Levhitika 13:40

“Kungakuloko misisi ya munhu yi kundzumukile enhlokweni, i rihandla, u tengile.