Varhoma 6:14 - Xitsonga (Bibele)

¹⁴ Hikuva vudyoho byi nga ka byi nga mi fumi, hikuva a mi le hansi ka nawu, kambe mi le hansi ka tintswalo.

BIBELE Mahungu Lamanene

¹⁴ Ku dyoha ku nga ha mi fumi, hikuva a mi le hansi ka Nawu, kambe mi le hansi ka tintswalo.

Testamente Leyimpsha Xichangana

¹⁴ Kujoha kungahamifumi, hikuva amili hansi ka Nawu, kambe svosvi mi le hansi ka timpsalu.

Varhoma 6:14 Referans Kwoze

Vagalatiya 5:18

Loko kunene mi famba hi Moya, a mi le ku fumeni ka nawu.

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

Vaheveru 8:10

Hikuva ntwanano lowu ndzi nga ta wu vekela yindlu ya Israele, endzhaku ka masiku lawa, hi lowu, ku vula Hosi: Ndzi ta veka milawu ya mina eku anakanyeni ka vona, ndzi yi tsala etimbilwini ta vona, ndzi ta va Xikwembu xa vona, vona va va tiko ra mina.

Varhoma 6:12

Kutani sweswi vudyoho byi nga tshuki byi fuma emirini wa n'wina lowu faka, leswaku mi nga byi yingisi eku naveleni ka byona.

Yohane 8:36

Hikwalaho loko N'wana a mi kutsula, mi ta va mi kutsuriwile hakunene.

Yohane 1:17

Hikuva nawu wu nyikiwile hi Muxe; kambe tintswalo ni vunene swi humelele hi Yesu Kriste.

Vagalatiya 3:23

Kutani loko ku pfumela ku nga si ta, a hi pfaleriwa hi nawu, hi risiwa hi wona, ku ri karhi ku languteriwa ku pfumela, ku ko ku vonakala.

Varhoma 8:12

Hikwalaho, vamakwerhu, a hi na nandzu eka nyama leswaku hi hanya eku rhandzeni ka nyama.

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Vagalatiya 4:21

Ndzi byeleni, n'wina lava rhandzaka ku va ehansi ka nawu, xana a mi yingisi nawu xana?

Varhoma 11:6

Kambe loko ku ri hi tintswalo, a ka ha ri hi mitirho; hikuva loko ku ri hi mitirho, tintswalo a ti nga ha vi tintswalo.

Varhoma 4:16

Hikwalaho-ke, swi humelele hi ku pfumela, leswaku swi endliwa hi tintswalo, leswaku ku tshembisa ka Xikwembu ku ta tiya eka rixaka hinkwaro, ku nga ri eka rixaka leri nga rona hi nawu ntsena, kambe ku va ni ka leri nga rona hi ku pfumela ka Abrahama, loyi a nga tata wa hina hinkwerhu,

Varhoma 6:15

Hi ta ku yini? Xana hi ta dyoha leswi hi nga riki hansi ka nawu kambe hi nga hansi ka tintswalo xana? E-e, swi nga tshuki swi va tano.

Mikiya 7:19

Xi ta tlhela xi hi tsetselela, xi kandziyela ku dyoha ka hina, u ta hoxela swidyoho hinkwaswo swa hina eswidziveni swa lwandle.

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Varhoma 5:17

Hikuva loko ku ri hikwalaho ka ku dyoha ka munhu a ri un'we, rifu ri fumile ha munhu loyi a ri un'we, ngopfungopfu lava nyikiwaka ku tala ka tintswalo ni ka nyiko ya ku lulama, va ta fuma evutomini ha un'we, a nga Yesu Kriste.

Varhoma 5:18

Hikwalaho, kukota leswi ku dyoha ka munhu a ri un'we ku nga humesa ku avanyisa ehenhla ka vanhu hinkwavo, hi mukhuva wolowo, ku lulama ka munhu a ri un'we, ku humesela vanhu hinkwavo ku lulama loku nyikaka vutomi.

Levhitika 25:41

Kutani u ta huma ka wena, yena ni vana va yena, a tshunxiwile; u ta tlhelela eka varikwavo, ni endzhakeni ya vatata wa yena.