Varhoma 5:5 - Xitsonga (Bibele)

⁵ kutani ku langutela a ku khomisi munhu tingana, hikuva rirhandzu ra Xikwembu ri cheriwile etimbilwini ta hina hi Moya lowo Kwetsima lowu hi wu nyikiweke.

BIBELE Mahungu Lamanene

⁵ kutani ku langutela a ku hi khomisi tingana, hikuva Xikwembu xi cherile rirhandzu ra xona etimbilwini ta hina hi Moya lowo Kwetsima lowu hi nyikiweke wona.

Testamente Leyimpsha Xichangana

⁵ kutani kulangutela akuhikhomisi tingana, hikuva Xikwembu xichelile rirhandzu ra xona timbilwini ta hina hi Moya Lowokwetsima lowu hinyikiweke wona.

Varhoma 5:5 Referans Kwoze

Vagalatiya 4:6

Kutani leswi mi nga vana, Xikwembu xi rhumile etimbilwini ta n'wina, Moya wa N'wana wa xona, lowu huwelelaka: “Abba,” hileswaku “Tatana!”

Vafilipiya 1:20

hi ku langutela loku tiyeke ka mina, ni ku tshemba loku ndzi nga na kona, leswaku ndzi nga ka ndzi nga khomisiwi tingana ha nchumu; kambe ndzi tivisisa leswaku swi tsandza ni sweswi, ni le mikarhini hinkwayo, Kriste u ta dzunisiwa emirini wa mina, hambi ku ri hi ku hanya, hambi ku ri hi ku fa.

2 Timotiya 1:12

Na swona, hikwalaho ka mhaka leyi, ndzi twisiwa ku vaviseka loku; kambe a ndzi khomiwi hi tingana hakona, hikuva ndzi tiva loyi ndzi pfumeleke eka yena, kutani ndzi tshembisisa swinene leswaku u ni matimba ya ku ndzi hlayisela leswi ndzi swi vekeke eka yena; siku leri ri ko ri humelela.

2 Vakorinto 1:22

loyi a hi toteke, i Xikwembu, xi nga xona lexi hi fungheke, lexi hi nyikeke xirhangana xa Moya etimbilwini ta hina.

1 Yohane 4:19

Loko hi ri hina ha xi rhandza, hikuva hi xona xi rhangeke xi hi rhandza.

Vaefesa 1:13

yeloyi, na n'wina mi nga ka yena, n'wina lava yingiseke rito leri tiyeke, yi nga Evhangeli ya ku hlayiseka ka n'wina, yeloyi kambe, siku mi pfumeleke ka yena, mi funghiweke hi Moya lowo Kwetsima lowu tshembisiweke vanhu;

Timhaka 2:33

Kakuloko a tlakusiwile hi voko ra xinene ra Xikwembu, u amukerile eka Tatana, ku tshembisa ka Moya lowo Kwetsima, kutani u chelerile leswi mi swi vonaka, ni leswi mi swi twaka.

Ntirho 27:8

Hikuva ntshembo wa mbabva hi wihi, Loko Xikwembu xi n'wi tsema, Ni loko xi n'wi tekela vutomi bya yena?

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

Pisalema 119:116

U ndzi tiyisa hi ku tshembisa ka wena leswaku ndzi hanya; U nga ndzi khomisi tingana eku tshembeni ka mina!

Timhaka 2:17

‘Hi masiku ya makumu, ku vula Xikwembu, ndzi ta chela nyama hinkwayo hi Moya wa mina; vana va n'wina va xinuna ni va xisati va ta bvumbha, lavantshwa va n'wina va ta vona mahlori; ni swidyuhati swa n'wina swi ta lorha milorho.

2 Vatesalonika 2:16

Kutani Hosi ya hina Yesu Kriste yena hi xiviri, ni Xikwembu, Tata wa hina, la hi rhandzeke, la hi nyikeke hi tintswalo ta yena ku chavelela loku nga heriki, ni ku tshemba lokunene,

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

1 Vakorinto 8:3

Kambe loko munhu a rhandza Xikwembu, u tiviwa hi xona.

Esaya 49:23

Tihosi ti ta va vawundli va wena, ni makosikazi va ta va vaan'wisi va wena, va ta korhamela ehansi emahlweni ka wena, va ta nantswa ntshuri wa milenge ya wena, kutani u ta swi tiva leswaku hi mina Yehovha, ni leswaku lava ndzi tshembaka va nga ka va nga vi na tingana.”

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

Timhaka 10:45

Kutani vapfumeri hinkwavo lava ngi va ri va ku yimba, lava teke na Petro, va hlamala loko va vona leswaku nyiko ya Moya lowo Kwetsima yi cheleriwa ni ka vamatiko,

Varhoma 1:7

Eka n'wina hinkwenu mi nga le Rhoma, varhandziwa va Xikwembu mi vitaneriweke ku kwetsima: tintswalo ni ku rhula a swi ve na n'wina swi huma eka Xikwembu, Tata wa hina, ni le ka Hosi Yesu Kriste!

Varhoma 9:33

hilaha ku tsariweke leswaku: “Vonani, ndzi veka eSiyoni ribye ra ku khunguvanyisa, ni ribye leri wisaka; kutani: La pfumelaka eka yena, a nga ka a nga vi na tingana.”

1 Vatesalonika 4:8

Hikwalaho la hi sandzaka a nga sandzi munhu, kambe u sandza Xikwembu lexi ngheniseke Moya wa xana lowo saseka eka n'wina.