Varhoma 5:2 - Xitsonga (Bibele)

² a nga yena loyi hi kumeke ha yena hi ku pfumela, nkarhi wa ku tshinelela tintswalo leti hi yimeke ka tona, kutani hi tidzunisa eku languteleni ka ku kwetsima ka Xikwembu.

BIBELE Mahungu Lamanene

² naswona hi ku pfumela, hi kotile ku kuma ha yena tintswalo leti hi yimeke ka tona sweswi, kutani hi tidzunisa eku languteleni ka hina ka ku averiwa ku kwetsima ka Xikwembu.

Testamente Leyimpsha Xichangana

² nasvona hi kupfumela, hikotile kukuma ha yena timpsalu leti hiyimeke ka tona svosvi, kutani hitikulisa kulanguteleni ka hina ka kuyaveliwa kukwetsima ka Xikwembu.

Varhoma 5:2 Referans Kwoze

Vaefesa 2:18

hikuva eka yena, havambirhi ka hina hi ni ku tshinela eka Tatana hi Moya wu ri wun'we.

Vaefesa 3:12

yeloyi hi pfumeleriweke ha yena ku tshinelela Xikwembu hi ku tshemba, hi ku pfumela eka yena.

1 Vakorinto 15:1

Kambe vamakwerhu, ndza mi tsundzuxa Evhangeli leyi ndzi tshamaka ndzi mi byela yona, leyi mi yi amukeleke, leyi mi tiyiseleke eka yona,

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

Varhoma 12:12

Tsakani eku languteleni, mi yingisela emaxangwini, mi chivirikela eku khongeleni.

Vaheveru 3:6

kambe Kriste u tshembekile kukotisa n'wana eku fumeni ka yindlu ya yena, kutani yindlu ya yena hi hina, loko kunene hi hlayisa hi ku tiya ku ya fika emakumu, ku tshemba ka hina loku hi tidzunisaka hikwalaho ka kona, hi nga siveriwi ha nchumu.

2 Vatesalonika 2:16

Kutani Hosi ya hina Yesu Kriste yena hi xiviri, ni Xikwembu, Tata wa hina, la hi rhandzeke, la hi nyikeke hi tintswalo ta yena ku chavelela loku nga heriki, ni ku tshemba lokunene,

Yohane 10:9

Hi mina nyangwa. Kungakuloko munhu a nghena ha mina, u ta hlayiseka; u ta nghena a va a huma, a kuma madyelo.

2 Vakorinto 4:17

Hikuva nhlomulo wo vevuka wa hina i wa nkarhinyana wolowo, wu karhi wa hi tirhela exumeni xa ku kwetsima lexi tlurisaka, lexi nga heriki;

Yohane 5:24

Ndzi vurisile ndzi ri eka n'wina: La yingisaka rito ra mina, a va a pfumela eka la ndzi rhumeke, u ni vutomi lebyi nga heriki, kutani a nga ka a nga ti eku avanyisiweni, kambe u sukile eku feni ku nghena evutomini.

Pisalema 17:15

Loko ndzi ri mina eku lulameni ka mina, ndzi ta hlalela mombo wa wena; Loko ndzi pfuka evurhongweni, ndzi ta xurha xivumbeko xa wena.

Varhoma 15:13

Xikwembu xa ku tshembeka a xi mi tate hi ku tsaka hinkwako, ni ku rhula hinkwako eku pfumeleni, leswaku mi tala hi ku langutela, hi matimba ya Moya lowo Kwetsima.

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

Nhlavutelo 21:3

Kutani ndzi twa rito lerikulu ri huma exiluvelweni, ri ku: “Vonani tabernakela ya Xikwembu exikarhi ka vanhu; xi ta aka na vona, ri ta va tiko ra xona, kutani Xikwembu xi ta va na vona hi xiviri xa xona, xi va Xikwembu xa vona.

Varhoma 5:5

kutani ku langutela a ku khomisi munhu tingana, hikuva rirhandzu ra Xikwembu ri cheriwile etimbilwini ta hina hi Moya lowo Kwetsima lowu hi wu nyikiweke.

Varhoma 3:23

a ku na ku hambana kwalaho hikuva hinkwavo va dyohile, kutani a va faneriwi hi ku kwetsima ka Xikwembu,

Varhoma 2:7

Xi ta nyika vutomi lebyi nga heriki eka lava lavaka ku kwetsima, ni ku twala ni vutomi lebyo kala rifu, hi ku tiyisela emitirhweni yo saseka;

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 10:7

Yesu a engeta a ku eka vona: “Ndzi vurisile ndzi ri eka n'wina: Hi mina nyangwa ya tinyimpfu.

Pisalema 73:24

U ta ndzi fambisa hi ku tsundzuxa ka wena, Kutani u ta ndzi amukela eku kwetsimeni.

Nhlavutelo 21:11

Wu rhendzeriwe hi rirhangu lerikulu, lero leha; wu ngheniwa hi tinyangwa ta khume na timbirhi; tintsumi ta khume na timbirhi ti yime etinyangweni ta wona;

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Varhoma 8:24

Hikuva hi hlayisekile hi ku langutela; kasi leswi languteriweke, loko swi voniwile, ku langutela a ka ha ri kona; hikuva, leswi munhu a swi voneke, a nga swi languterisa ku yini xana?

Varhoma 8:1

Kutani sweswi, a ka ha ri na ku avanyisiwa eka lava nga ka Yesu Kriste.

Timhaka 14:27

Kuteloko va fikile va hlengeleta kereke va vula hinkwaswo leswi Xikwembu xi swi endleke ha vona, ni hilaha xi nga pfulela matiko hakona nyangwa ya ku pfumela.

Matewu 25:21

Hosi ya yena yi ku eka yena: ‘Hi swona nandza lonene, la tshembekaka; u tshembekile eswilweni swi nga ri swingani; sweswi, ndzi ta ku veka ehenhla ka leswo tala; nghena eku tsakeni ka Hosi ya wena.’

Vaefesa 6:13

Hikwalaho-ke hlomani matlhari hinkwawo ya Xikwembu, mi ta tiva ku tiya hi siku ra khombo, ni ku yima mi hlurile hinkwaswo.

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

Varhoma 14:4

Xana u mani, wena la avanyisaka nandza wa un'wana? Hambi a yima, hambi a khunguvanyeka, swi tiviwa hi n'wini wa yena; kambe u ta yima, hikuva Hosi yi ni matimba ku n'wi yimisa.

Swivuriso 14:32

Mudyohi u wisiwa hi ku dyoha ka yena, Kambe la lulameka u ni ku tshemba ni le ku feni ka yena.

Habakuku 3:18

Kambe mina, ndzi ta titsakela eka Yehovha, ndzi tsakisisa eka Xikwembu xa ku ponisiwa ka mina.

Varhoma 11:20

Hi swona; ma phatluriwile hikwalaho ka ku kala ku pfumela; kambe wena u yima hi ku pfumela, u nga tshuki u tikukumuxa, kambe u chava.