Varhoma 5:14 - Xitsonga (Bibele)

¹⁴ Hambiswiritano, rifu ri fumile ku sungula ka Adamu ku yisa eka Muxe, ri va ni le henhla ka lava nga dyohangiki hi ku dyoha loku fanaka ni ka Adamu, la nga xifaniso xa loyi a nga ta ta.

BIBELE Mahungu Lamanene

¹⁴ Hambiswiritano, rifu ri vile kona ku sukela eka Adamu ku ya fika eka Muxe, ri fumile ni lava nga dyohangiki hi ku tlula swileriso swa Xikwembu kukota Adamu. Kutani Adamu a a fanisa un'wana loyi a a ha ri endleleni.

Testamente Leyimpsha Xichangana

¹⁴ hambi svilitano, rifu rive kona kusukela ka Adamu kuyafika ka Moxe, rifumile ni lavavokala vangajohanga hi kutlula svileriso sva Xikwembu kukota Adamu. Kutani Adamu aafanisa munhu lweyi aahali ndleleni.

Varhoma 5:14 Referans Kwoze

1 Vakorinto 15:45

Miri wa nyama wu kona, ni miri wa moya wu kona, kukota leswi ku tsariweke va ku: “Munhu wo rhanga, Adamu, u endliwe moya lowu hanyaka,” Adamu wa le ndzhaku, u endliwile moya lowu hanyisaka.

Vaheveru 9:27

Kutani kukotisa loko ku lerisiwe leswaku vanhu hinkwavo va fa kan'we, endzhaku ka swona ku va ku avanyisiwa;

Varhoma 5:17

Hikuva loko ku ri hikwalaho ka ku dyoha ka munhu a ri un'we, rifu ri fumile ha munhu loyi a ri un'we, ngopfungopfu lava nyikiwaka ku tala ka tintswalo ni ka nyiko ya ku lulama, va ta fuma evutomini ha un'we, a nga Yesu Kriste.

Varhoma 8:22

Hikuva ha swi tiva leswaku leswi vumbiweke hinkwaswo swi ni ku hefemuteka swin'we, onge swi le khombyeni ra ku veleka, ka ha ri mpfhuka, ku fika sweswi.

Varhoma 5:21

swi va leswaku, kukotisa loko ku dyoha ku fumile hi rifu, tintswalo na tona ti fumisa sweswo hi ku lulama loku yisaka evutomini lebyi nga heriki, ha Yesu Kriste, Hosi ya hina.

Genesa 7:22

Hinkwaswo leswi ngi swi ri ni ku yingisa ni ku hefemula ka vutomi etinhompfini ta swona, hinkwaswo leswi ngi swi ri emisaveni leyo oma, swi fa swi hela.

Varhoma 8:20

Hikuva leswi vumbiweke swi vekiwile ehansi ka ku fuma ka swahava, ku nga ri hi ku swi rhandza, kambe ku ri hikwalaho ka loyi a swi vekeke ehansi ka kona;

Yonasi 4:11

Kutani mina, u ri ndzi nga tshuki ndzi tsetselela Ninivha, muti wolowo lowukulu, lowu nga ni vanhu lava hundzaka va 120 000, lava nga tiviki ku hlawula voko ra xinene ra vona eka lera ximatsi, kambe wu ni swifuwo leswo tala!”

Hosiya 6:7

Kambe vona va tlule ntwanano kukotisa Adama; laha, va ndzi endlele vuntswaka.

Genesa 19:25

A herisa miti yeleyo ni rivala hinkwaro, ni vaaki hinkwavo va miti, ni timbewu ta misava.

Genesa 4:8

Kutani Kayini a vulavula na Avele, ndzisana ya yena; kutani, kuteloko va ri emasin'wini, Kayini a pfukela Avele, ndzisana ya yena, a n'wi dlaya.

Eksoda 1:22

Kutani Faro a lerisa tiko ra yena hinkwaro, a ku: “Vandzisanyana hinkwavo lava nga ta velekiwa, va cukumeteni enambyeni; kambe vanhwanyana hinkwavo, mi va tshika va hanya.”

Eksoda 1:6

Kutani Yosefa a fa ni vamakwavo hinkwavo, ni ntangha yoleyo hinkwayo.

Varhoma 5:12

Hikwalaho, kukota leswi ku dyoha ku ngheneke emisaveni hi munhu a ri un'we, kutani rifu ri kona hikwalaho ka ku dyoha; hi mukhuva wolowo, rifu ri funengete vanhu hinkwavo, hikuva va dyohile hinkwavo.

1 Vakorinto 15:22

Kukota leswi hinkwavo va faka hikwalaho ka Adamu, hinkwavo va ta tlhela va hanya ha Kriste.